222 Samuel 22

1И глагола Давид ко Господу словеса песни сея в день, в оньже избави и Господь из руки всех враг его и из руки Сауловы,Select 2 Samuel 22:1

2и рече песнь: Господи, каменю мой и утверждение мое, и избавляяй мя мне:Select 2 Samuel 22:2

3Бог мой, хранитель мой будет мне, уповая буду на Него: защитник мой и рог спасения моего, Заступник мой и прибежище мое спасения моего, от неправеднаго спасеши мя.Select 2 Samuel 22:3

4Хвальнаго призову Господа, и от враг моих спасуся:Select 2 Samuel 22:4

5яко одержаша мя болезни смертныя и потоцы беззакония смятоша мя,Select 2 Samuel 22:5

6болезни смертныя обыдоша мя, предвариша мя жестокости смертныя.Select 2 Samuel 22:6

7Внегда скорбети ми призову Господа, и к Богу моему воззову, и услышит от храма святаго Своего глас мой, и вопль мой внидет во ушы Его.Select 2 Samuel 22:7

8И смятеся и трепетна бысть земля, и основания небесе смятошася и подвигошася, яко прогневася на ня Господь:Select 2 Samuel 22:8

9взыде дым гневом Его, и огнь из уст Его пояст: углие возгорешася от Него,Select 2 Samuel 22:9

10и преклони небеса и сниде, и мрак под ногама Его,Select 2 Samuel 22:10

11и вседе на Херувимы и лете, и явися на крилу ветреню,Select 2 Samuel 22:11

12и положи тму закров Свой: окрест Его селение Его, темноту вод огусти во облацех воздушных:Select 2 Samuel 22:12

13от сияния пред Ним разгорешася углие огненнии.Select 2 Samuel 22:13

14И возгреме с небесе Господь, и Вышний даде глас Свой,Select 2 Samuel 22:14

15и посла стрелы, и расточи их: и блесну молнию, и устраши я:Select 2 Samuel 22:15

16и явишася источницы морстии, и открышася основания вселенныя от запрещения Господня, от дохновения духа гнева Его:Select 2 Samuel 22:16

17посла с высоты и прият мя, извлече мя от вод многих:Select 2 Samuel 22:17

18избави мя от враг моих сильных и от ненавидящих мя, яко укрепишася паче мене:Select 2 Samuel 22:18

19предвариша мя в день печали моея. И бысть Господь утверждение мое,Select 2 Samuel 22:19

20и изведе мя на широту, и избави мя, яко благоволи во мне.Select 2 Samuel 22:20

21И воздаде ми Господь по правде моей, и по чистоте руку моею воздаде ми,Select 2 Samuel 22:21

22яко сохраних пути Господни и не нечествовах от Бога моего,Select 2 Samuel 22:22

23яко вся судбы Его предо мною, и оправдания Его не отступиша от мене,Select 2 Samuel 22:23

24и буду непорочен Ему, и сохранюся от беззакония моего.Select 2 Samuel 22:24

25И воздаст ми Господь по правде моей и по чистоте руку моею пред очима Его.Select 2 Samuel 22:25

26С преподобным преподобен будеши, и с мужем неповинным неповинен будеши:Select 2 Samuel 22:26

27и со избранным избран будеши, и со строптивым развратишися:Select 2 Samuel 22:27

28люди же смиренныя спасеши, и очи гордых смириши.Select 2 Samuel 22:28

29Яко Ты просвещаеши светилник мой, Господи, и Господь просветит ми тму мою:Select 2 Samuel 22:29

30яко Тобою потеку препоясан, и о Бозе моем прелезу стену.Select 2 Samuel 22:30

31Крепок, непорочен путь Его: глаголгол Господень державен, разжжен: защитник есть всем уповающым на Него.Select 2 Samuel 22:31

32Яко кто крепок разве Господа? И кто творец разве Бога нашего?Select 2 Samuel 22:32

33Крепок укрепляяй мя силою, и положи непорочен путь мой:Select 2 Samuel 22:33

34положивый нозе мои яко елени, и на высоких поставляяй мя:Select 2 Samuel 22:34

35научаяй руце мои на брань, и положивый лук медян мышца моя.Select 2 Samuel 22:35

36И дал ми еси защищение спасения моего, и кротость Твоя умножи мя.Select 2 Samuel 22:36

37Разширил еси стопы моя подо мною, и не позыбнустеся голени мои.Select 2 Samuel 22:37

38Пожену враги моя и потреблю я, и не возвращуся дондеже скончаю их:Select 2 Samuel 22:38

39и сокрушу их, и не востанут, и падут под ногама моима.Select 2 Samuel 22:39

40И укрепиши мя силою на брань, подклониши востающыя на мя под мя.Select 2 Samuel 22:40

41И враги моя дал ми еси хребет, ненавидящыя мя, и умертвил еси их:Select 2 Samuel 22:41

42возопиют, и несть помощника, ко Господу, и не услыша их:Select 2 Samuel 22:42

43и истних я яко прах земный, яко брение путий истончих я.Select 2 Samuel 22:43

44И избавиши мя от пререкания людий моих, сохраниши мя в главу языков. И людие, ихже не ведях, работаша ми.Select 2 Samuel 22:44

45Сынове чуждии солгаша ми, в слух уха услыша мя:Select 2 Samuel 22:45

46сынове чуждии отвержени будут, и вострепещут во градех своих.Select 2 Samuel 22:46

47Жив Господь, и благословен хранитель мой, и вознесется Бог мой, хранитель спасения моего.Select 2 Samuel 22:47

48Крепкий Господь даяй отмщения мне и наказуяй люди под мя,Select 2 Samuel 22:48

49и изводяй мя от враг моих, и от востающих на мя вознесеши мя, от мужа неправедна избавиши мя.Select 2 Samuel 22:49

50Сего ради исповемся Тебе, Господи, во языцех, и имени Твоему воспою:Select 2 Samuel 22:50

51величаяй спасения царя Своего, и творяй милость христу Своему Давиду и семени его до века.Select 2 Samuel 22:51