72 Samuel 7

1И бысть егда сяде царь в дому своем, и Господь унаследи его окрест от всех врагов его окрестных,Select 2 Samuel 7:1

2и рече царь к Нафану пророку: се, ныне аз живу в дому кедровем, кивот же Божий стоит посреде скинии.Select 2 Samuel 7:2

3И рече Нафан к царю: вся елика суть в сердцы твоем, иди и твори, яко Господь с тобою.Select 2 Samuel 7:3

4И бысть в нощи той, и бысть слово Господне к Нафану, глаголя:Select 2 Samuel 7:4

5иди и рцы рабу Моему Давиду: сия глаголет Господь: не ты созиждеши Мне дом, еже обитати Мне:Select 2 Samuel 7:5

6яко не обитах в дому, от негоже дне изведох сыны Израилевы из земли Египетския до дне сего, но бех ходя во обиталищи и в кущи,Select 2 Samuel 7:6

7во всех идеже хождах во всем Израили: аще глаголя глаголах ко единому колену Израилеву, емуже заповедах пасти люди Моя Израиля, глаголя: почто не создасте Ми дому кедрова?Select 2 Samuel 7:7

8И ныне сия речеши рабу Моему Давиду: сице глаголет Господь Вседержитель: поях тя от пажити овчия на властелинство людем Моим Израилю,Select 2 Samuel 7:8

9и бех с тобою во всех, аможе ходил еси, и искорених вся враги твоя от лица твоего, и сотворих тя именита по имени великих иже на земли,Select 2 Samuel 7:9

10и положу место людем Моим Израилю, и насажду их, и вселятся о себе сами, и не попекутся ктому: и не приложит сын неправды обидети их, якоже исперва,Select 2 Samuel 7:10

11и от дний в няже поставих судии в людех Моих во Израили: и упокою тя от всех враг твоих: и возвестит ти Господь, яко созиждеши дом Ему:Select 2 Samuel 7:11

12и будет егда исполнятся дние твои, и уснеши со отцы твоими, и возставлю семя твое по тебе, иже будет от чрева твоего, и уготовлю царство его:Select 2 Samuel 7:12

13той созиждет дом имени Моему, и управлю престол его до века:Select 2 Samuel 7:13

14Аз буду ему во отца, и той будет Ми в сына: и аще приидет неправда его, и обличу его жезлом мужей и язвами сынов человеческих:Select 2 Samuel 7:14

15милости же Моея не отставлю от него, якоже отставих от тех, ихже отставих от лица Моего:Select 2 Samuel 7:15

16и верен будет дом его и царство его до века предо Мною: и престол его будет исправлен во век.Select 2 Samuel 7:16

17По всем словесем сим и по всему видению сему, тако глагола Нафан ко Давиду.Select 2 Samuel 7:17

18И вниде царь Давид и седе пред Господем и рече: кто есмь аз, Господи мой, Господи? И что дом мой, яко возлюбил мя еси даже до сих?Select 2 Samuel 7:18

19И мала сия пред Тобою суть, Господи мой, Господи, и глаголал еси о доме раба Твоего вдалеко: сей же закон человека, Господи мой, Господи:Select 2 Samuel 7:19

20и что приложит Давид еще глаголати к Тебе? И ныне Ты веси раба Твоего, Господи мой, Господи,Select 2 Samuel 7:20

21и раба Твоего ради сотворил еси и по сердцу Твоему сотворил еси все величество сие, сказати рабу Твоему,Select 2 Samuel 7:21

22величия ради Твоего, Господи мой, Господи: несть бо ин якоже Ты, и несть Бога разве Тебе во всех, яже слышахом ушима нашима:Select 2 Samuel 7:22

23и кто якоже людие Твои Израиль язык ин на земли? Яко настави их Бог, еже избавити Себе людий, еже положити Тебе имя, еже сотворити величие и просвещение, еже изринути тебе от лица людий Твоих, ихже избавил еси Себе от Египта, языки и селения,Select 2 Samuel 7:23

24и уготовал еси Себе люди Твоя Израиля в люди до века, и Ты, Господи, был еси им в Бога:Select 2 Samuel 7:24

25и ныне, Господи мой, Господи, слово, еже глаголал еси о рабе Твоем и о доме его, увери до века, якоже глаголал еси, сотвори:Select 2 Samuel 7:25

26и ныне да возвеличится имя Твое до века, глаголя: Господь Вседержитель Бог над Израилем, и дом раба Твоего Давида да будет исправлен пред Тобою:Select 2 Samuel 7:26

27яко Ты Господь Вседержитель Бог Израилев, отверзл еси ухо рабу Твоему, глаголя: дом созижду тебе: сего ради обрете раб Твой сердце свое еже помолитися к Тебе молитвою сею:Select 2 Samuel 7:27

28и ныне, Господи мой, Господи, Ты еси Бог, и словеса Твоя будут истинна, и глаголал еси о рабе Твоем благая сия,Select 2 Samuel 7:28

29и ныне начни и благослови дом раба Твоего, еже быти ему во век пред Тобою, яко Ты, Господи мой, Господи, глаголал еси, и от благословения Твоего да благословится дом раба Твоего, еже быти во век пред Тобою.Select 2 Samuel 7:29