32 Timothy 3

1Сие же веждь, яко в последния дни настанут времена люта.Select 2 Timothy 3:1

2Будут бо человецы самолюбцы, сребролюбцы, величави, горди, хулницы, родителем противящиися, неблагодарни, неправедни, нелюбовни,Select 2 Timothy 3:2

3непримирителни, (продерзиви, возносливи, прелагатае,) клеветницы, невоздержницы, некротцы, неблаголюбцы,Select 2 Timothy 3:3

4предателе, нагли, напыщени, сластолюбцы паче нежели боголюбцы,Select 2 Timothy 3:4

5имущии образ благочестия, силы же его отвергшиися. И сих отвращайся.Select 2 Timothy 3:5

6От сих бо суть поныряющии в домы и пленяющии женишца отягощенныя грехами, водимыя похотьми различными,Select 2 Timothy 3:6

7всегда учащяся и николиже в разум истины приити могущыя.Select 2 Timothy 3:7

8Якоже Ианний и Иамврий противистася Моисею, такожде и сии противляются истине, человецы растленни умом (и) неискусни о вере.Select 2 Timothy 3:8

9Но не преуспеют более: безумие бо их явлено будет всем, якоже и онех бысть.Select 2 Timothy 3:9

10Ты же последовал еси моему учению, житию, привету, вере, долготерпению, любви, терпению,Select 2 Timothy 3:10

11изгнанием, страданием, якова ми быша во Антиохии, (и) во Иконии, (и) в Листрех: якова изгнания приях, и от всех мя избавил есть Господь.Select 2 Timothy 3:11

12И вси же хотящии благочестно жити о Христе Иисусе, гоними будут:Select 2 Timothy 3:12

13лукавии же человецы и чародее преупеют на горшее, прельщающе и прельщаеми.Select 2 Timothy 3:13

14Ты же пребывай в нихже научен еси и яже вверена суть тебе, ведый, от кого научился еси:Select 2 Timothy 3:14

15и яко измлада священная писания умееши, могущая тя умудрити во спасение верою, яже о Христе Иисусе.Select 2 Timothy 3:15

16Всяко Писание богодухновенно и полезно (есть) ко учению, ко обличению, ко исправлению, к наказанию еже в правде,Select 2 Timothy 3:16

17да совершен будет Божий человек, на всякое дело благое уготован.Select 2 Timothy 3:17