1Acts 1

1Первое убо слово сотворих о всех, о, Феофиле, яже начат Иисус творити же и учитиSelect Acts 1:1

2даже до дне, в оньже, заповедав Апостолом Духом Святым, ихже избра, вознесеся:Select Acts 1:2

3пред нимиже и постави Себе жива по страдании Своем во мнозех истинных знамениих, деньми четыредесятьми являяся им и глаголя яже о Царствии Божии:Select Acts 1:3

4с нимиже и ядый повеле им от Иерусалима не отлучатися, но ждати обетования Отча, еже слышасте от Мене:Select Acts 1:4

5яко Иоанн убо крестил есть водою, вы же имате креститися Духом Святым не по мнозех сих днех.Select Acts 1:5

6Они же убо сошедшеся вопрошаху Его, глаголюще: Господи, аще в лето сие устрояеши царствие Израилево?Select Acts 1:6

7Рече же к ним: несть ваше разумети времена и лета, яже Отец положи во Своей власти:Select Acts 1:7

8но приимете силу, нашедшу Святому Духу на вы, и будете Ми свидетелие во Иерусалиме же и во всей Иудеи и Самарии и даже до последних земли.Select Acts 1:8

9И сия рек, зрящым им взятся, и облак подят Его от очию их.Select Acts 1:9

10И егда взирающе бяху на небо, идущу Ему, и се, мужа два стаста пред ними во одежди беле,Select Acts 1:10

11яже и рекоста: мужие Галилейстии, что стоите зряще на небо? Сей Иисус, вознесыйся от вас на небо, такожде приидет, имже образом видесте Его идуща на небо.Select Acts 1:11

12Тогда возвратишася во Иерусалим от горы нарицаемыя Елеон, яже есть близ Иерусалима, субботы имущия путь.Select Acts 1:12

13И егда внидоша, взыдоша на горницу, идеже бяху пребывающе, Петр же и Иаков, и Иоанн и Андрей, Филипп и Фома, Варфоломей и Матфей, Иаков Алфеов и Симон Зилот и Иуда Иаковль:Select Acts 1:13

14сии вси бяху терпяще единодушно в молитве и молении, с женами и Мариею Материю Иисусовою и с братиею Его.Select Acts 1:14

15И во дни тыя востав Петр посреде ученик, рече,Select Acts 1:15

16бе же имен народа вкупе яко сто и двадесять: мужие братие, подобаше скончатися Писанию сему, еже предрече Дух Святый усты Давидовыми о Иуде, бывшем вожди емшым Иисуса:Select Acts 1:16

17яко причтен бе с нами и приял бяше жребий службы сея:Select Acts 1:17

18сей убо стяжа село от мзды неправедныя, и ниц быв проседеся посреде, и излияся вся утроба его:Select Acts 1:18

19и разумно бысть всем живущым во Иерусалиме, яко нарещися селу тому своим их языком Акелдама, еже есть село крове:Select Acts 1:19

20пишется бо в книзе Псаломстей: да будет двор его пуст, и да не будет живущаго в нем, и епископство его да приимет ин:Select Acts 1:20

21подобает убо от сходившихся с нами мужей во всяко лето, в неже вниде и изыде в нас Господь Иисус,Select Acts 1:21

22начен от крещения Иоаннова даже до дне, в оньже вознесеся (на небо) от нас, свидетелю воскресения Его быти с нами единому от сих.Select Acts 1:22

23И поставиша два, Иосифа нарицаемаго Варсаву, иже наречен бысть Иуст, и Матфиа,Select Acts 1:23

24и помолившеся реша: Ты, Господи, Сердцеведче всех, покажи, егоже избрал еси от сею двою единаго,Select Acts 1:24

25прияти жребий служения сего и Апостолства, из негоже испаде Иуда, ити в место свое.Select Acts 1:25

26И даша жребия има, и паде жребий на Матфиа, и причтен бысть ко единонадесяти Апостолом.Select Acts 1:26