14Acts 14

1Бысть же во Иконии, вкупе внити има в сонмище Иудейское и глаголати тако, яко веровати Иудеев и Еллинов множеству многу.Select Acts 14:1

2Неверующии же Иудее воздвигоша и озлобиша душы языков на братию.Select Acts 14:2

3Доволно же убо время пребыста дерзающа о Господе, Свидетелствующем слову благодати Своея и дающем знамения и чудеса быти рукама их.Select Acts 14:3

4Разделишажеся множество града, и ови убо бяху со Иудеи, ови же со Апостолы.Select Acts 14:4

5И егда бысть стремление языком же и Иудеем с началники их досадити и камением побити их,Select Acts 14:5

6уведевша же прибегоста во грады Ликаонския, в Листру и Дервию, и во окрестныя их,Select Acts 14:6

7и тамо беста благовествующа.Select Acts 14:7

8И некто муж в Листрех немощен ногама седяше, хром от чрева матере своея сый, иже николиже бе ходил.Select Acts 14:8

9Сей слышаше Павла глаголюща: иже воззрев нань и видев, яко веру имать здрав быти,Select Acts 14:9

10рече велиим гласом: тебе глаголю во имя Господа Иисуса Христа, встани на ногу твоею прав. И абие возскочи и хождаше.Select Acts 14:10

11Народи же видевше, еже сотвори Павел, воздвигоша глас свой, ликаонски глаголюще: бози уподобльшеся человеком снидоша к нам.Select Acts 14:11

12Нарицаху же убо Варнаву Диа, Павла же Ермиа, понеже той бяше началник слова.Select Acts 14:12

13Жрец же Диев, сущаго пред градом их, приведе юнцы и (принесе) венцы пред врата, с народы хотяше жрети.Select Acts 14:13

14Слышавша же Апостола Варнава и Павел, растерзавша ризы своя, вскочиста в народ, зовуща и глаголюща:Select Acts 14:14

15мужие, что сия творите? И мы подобострастна есма вам человека, благовествующа вам от сих суетных обращатися к Богу Живу, Иже сотвори небо и землю и море и вся, яже в них:Select Acts 14:15

16Иже в мимошедшыя роды оставил бе вся языки ходити в путех их:Select Acts 14:16

17и убо не несвидетелствована Себе остави, благотворя, с небесе нам дожди дая и времена плодоносна, исполняя пищею и веселием сердца наша.Select Acts 14:17

18И сия глаголюща, едва устависта народы не жрети има, но отити коемуждо во своя си. Пребывающема же има и учащема,Select Acts 14:18

19приидоша от Антиохии и Иконии нецыи Иудее, и стязающемася има с дерзновением, наустиша народы отступити от нею, глаголюще, яко ничтоже истинно глаголета, но все лжета. И наустивше народы и камением побивше Павла, извлекоша вне града, мняще его умерша.Select Acts 14:19

20Окрест же ставшым его учеником, востав вниде во град и наутрие изыде с Варнавою в Дервию.Select Acts 14:20

21Благовествовавша же граду тому и научивша многи, возвратистася в Листру и Иконию и Антиохию,Select Acts 14:21

22утверждающа душы учеников, моляща пребыти в вере, и яко многими скорбьми подобает нам внити в Царствие Божие.Select Acts 14:22

23Рукоположша же им пресвитеры на вся церкви и помолившася с постом, предаста их Господеви, в Негоже увероваша.Select Acts 14:23

24И прошедша Писидию, приидоста в Памфилию:Select Acts 14:24

25и глаголавша в Пергии слово Господне, снидоста во АтталиюSelect Acts 14:25

26и оттуду отплыста во Антиохию, отнюдуже беста предана благодати Божией в дело, еже скончаста.Select Acts 14:26

27Пришедша же и собравша церковь, сказаста, елика сотвори Бог с нима и яко отверзе языком дверь веры:Select Acts 14:27

28пребыста же тамо время не мало со ученики.Select Acts 14:28