18Acts 18

1По сих же отлучився Павел от Афин, прииде в Коринф:Select Acts 18:1

2и обрет некоего Иудеанина именем Акилу, Понтянина родом, ново пришедша от Италии, и Прискиллу жену его: зане повелел бяше Клавдий отлучитися всем Иудеем от Рима: прииде к ним,Select Acts 18:2

3и зане единохудожником быти им, пребысть у них и делаше: бяху бо скинотворцы хитростию.Select Acts 18:3

4Стязашеся же на сонмищах по вся субботы и препираше Иудеи и Еллины.Select Acts 18:4

5И егда снидоста от Македонии Сила же и Тимофей, тужаше духом Павел, свидетелствуя Иудеом Иисуса быти Христа.Select Acts 18:5

6Противящымся же им и хулящым, отряс ризы своя, рече к ним: кровь ваша на главах ваших: чист аз, отныне во языки иду.Select Acts 18:6

7И прешед оттуду, прииде в дом некоего именем Иуста, чтуща Бога, емуже храмина бе вскрай сонмища.Select Acts 18:7

8Крисп же началник собора верова Господеви со всем домом своим, и мнози от Коринфян слышавше вероваху и крещахуся.Select Acts 18:8

9Рече же Господь в видении нощнем Павлу: не бойся, но глаголи и да не умолкнеши,Select Acts 18:9

10зане Аз есмь с тобою, и никтоже приложит озлобити тя: зане людие суть Ми мнози во граде сем.Select Acts 18:10

11Пребысть же тамо лето и месяц шесть, учя в них слову Божию.Select Acts 18:11

12Галлиону же анфипату сущу во Ахаии, нападоша единодушно Иудее на Павла и приведоша его на судилище,Select Acts 18:12

13глаголюще, яко противу закону сей увещавает человеки чтити Бога.Select Acts 18:13

14Хотящу же Павлу отверсти уста, рече Галлион ко Иудеем: аще убо неправда была бы кая или дело злое, о, Иудее, по слову послушал бых вас:Select Acts 18:14

15аще ли же стязания суть о словеси и о именех и о законе вашем, ведите сами: судия бо аз сим не хощу быти.Select Acts 18:15

16И изгна их от судилища.Select Acts 18:16

17Емше же вси Еллини Сосфена началника собора, бияху пред судилищем: и ни едино о сих Галлиону радение бысть.Select Acts 18:17

18Павел же, еще пребыв дни доволны и целовав братию, отплы в Сирию, и с ним Акила и Прискилла, остриг главу в Кегхреих: обрекся бо бе.Select Acts 18:18

19Приста же во Ефесе и тех остави тамо, сам же вшед в сонмище, стязашеся со Иудеи.Select Acts 18:19

20Молящым же им его на много время пребыти у них, не изволи,Select Acts 18:20

21но отречеся им, глаголя, яко подобает ми всяко праздник грядущий сотворити во Иерусалиме: паки же возвращуся к вам, Богу хотящу. И отвезеся от Ефеса: Акила же и Прискилла остаста во Ефесе.Select Acts 18:21

22И сошед в Кесарию, возшед и целовав церковь, сниде во Антиохию,Select Acts 18:22

23и сотворь время некое, изыде, проходя поряду Галатийскую страну и Фригию, утверждая вся ученики.Select Acts 18:23

24Иудеанин же некто, Аполлос именем, Александрянин родом, муж словесен, прииде во Ефес, силен сый в книгах.Select Acts 18:24

25Сей бе оглашен пути Господню, и горя духом, глаголаше и учаше известно яже о Господе, ведый токмо крещение Иоанново.Select Acts 18:25

26Сей же начат дерзати на сонмищих. Слышавша же его Акила и Прискилла, прияста его и известнее тому сказаста путь Господень.Select Acts 18:26

27Хотящу же ему преити во Ахаию, предпославше братия написаша учеником прияти его: иже пришед тамо пособствова много веровавшым благодатию:Select Acts 18:27

28твердо бо Иудеи не престая обличаше пред людьми, сказуя Писаньми, Иисуса быти Христа.Select Acts 18:28