19Acts 19

1Бысть же внегда быти Аполлосу в Коринфе, Павел, прошед вышния страны, прииде во Ефес, и обрет некия ученики,Select Acts 19:1

2рече к ним: аще убо Дух Свят прияли есте веровавше? Они же реша к нему: но ниже аще Дух Святый есть, слышахом.Select Acts 19:2

3Рече же к ним: во что убо крестистеся? Они же рекоша: во Иоанново крещение.Select Acts 19:3

4Рече же Павел: Иоанн убо крести крещением покаяния, людем глаголя, да во Грядущаго по нем веруют, сиречь во Христа Иисуса.Select Acts 19:4

5Слышавше же крестишася во имя Господа Иисуса,Select Acts 19:5

6и возложшу Павлу на ня руце, прииде Дух Святый на ня, глаголаху же языки и пророчествоваху.Select Acts 19:6

7Бяше же всех мужей яко дванадесять.Select Acts 19:7

8Вшед же в сонмище, дерзаше, не обинуяся три месяцы беседуя и уверяя, яже о Царствии Божии.Select Acts 19:8

9И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего.Select Acts 19:9

10Сие же бысть два лета, яко всем живущым во Асии слышати слово Господа Иисуса, Жидом же и Еллином.Select Acts 19:10

11Силы же не просты творяше Бог рукама Павловыма,Select Acts 19:11

12яко и на недужныя наносити от (пота) тела его главотяжы и убрусцы, и исцелитися им от недуг, и духом лукавым исходити от них.Select Acts 19:12

13Начаша же нецыи от скитающихся Иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, Егоже Павел проповедует.Select Acts 19:13

14Бяху же нецыи сынове Скевы Иудеанина архиереа седмь, иже сие творяху.Select Acts 19:14

15Отвещав же дух лукавый рече: Иисуса знаю и Павла свем, вы же кто есте?Select Acts 19:15

16И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго.Select Acts 19:16

17Сие же бысть разумно всем живущым во Ефесе Иудеем же и Еллином, и нападе страх на всех их, и величашеся имя Господа Иисуса:Select Acts 19:17

18мнози же от веровавших прихождаху, исповедающе и сказующе дела своя:Select Acts 19:18

19доволни же от сотворших чародеяния, собравше книги своя, сожигаху пред всеми: и сложиша цены их и обретоша сребра пять тем.Select Acts 19:19

20Сице крепко слово Господне растяше и крепляшеся.Select Acts 19:20

21И якоже скончашася сия, положи Павел в дусе, прошед Македонию и Ахаию, ити во Иерусалим, рек, яко бывшу ми тамо, подобает ми и Рим видети.Select Acts 19:21

22Послав же в Македонию два от служащих ему, Тимофеа и Ераста, сам же пребысть время во Асии.Select Acts 19:22

23Бысть же во время оно молва не мала о пути Господни:Select Acts 19:23

24Димитрий бо некто именем, среброковачь, творяй храмы сребряны Артемиде, подаяше хитрецем делание не мало,Select Acts 19:24

25ихже собрав и ины сицевых вещей делатели, рече: мужие, весте, яко от сего делания доволство житию нашему есть:Select Acts 19:25

26и видите и слышите, яко не токмо Ефес, но мало не всю Асию Павел сей препрев, обрати мног народ, глаголя, яко не суть бози, иже руками человеческими бывают:Select Acts 19:26

27не токмо же сия беду приемлет наша часть, еже бы во обличение не приити, но дабы и великия богини Артемиды храм ни во чтоже не вменился, имать же разоритися и величество ея, юже вся Асиа и вселенная почитает.Select Acts 19:27

28Слышавше же и бывше исполнени ярости, вопияху глаголюще: велика Артемида Ефесская.Select Acts 19:28

29И исполнися град весь мятежа: устремишася же единодушно на позорище, восхищше Гаиа и Аристарха Македоняны, други Павловы.Select Acts 19:29

30Павлу же хотящу внити в народ, не оставляху его ученицы:Select Acts 19:30

31нецыи же от Асийских началник, суще ему друзи, пославше к нему, моляху не вдати себе в позор.Select Acts 19:31

32Друзии же убо ино нечто вопияху: бе бо собрание смущено, и множайшии от них не ведяху, чесо ради собрашася.Select Acts 19:32

33От народа же избраша Александра, изведшым его Иудеем. Александр же, помаав рукою, хотяше отвещати народу.Select Acts 19:33

34Разумевше же, яко Иудеанин есть, глас бысть един от всех, яко на два часа вопиющих: велика Артемида Ефесская.Select Acts 19:34

35Утишив же книжник народ, рече: мужие Ефесстии, кто бо есть человек, иже не весть, яко Ефесский град служитель есть великия богини Артемиды и Диопета?Select Acts 19:35

36Без всякаго убо прекословия сим сице сущым, потребно есть вам безмолвным быти и ничтоже безчинно творити:Select Acts 19:36

37приведосте бо мужей сих, ни храм (Артемидин) окрадших, ниже богиню вашу хулящих:Select Acts 19:37

38аще убо Димитрий и иже с ним художницы имут к кому слово, суды суть и анфипати суть: да поемлют друг на друга:Select Acts 19:38

39аще ли же что о иных ищете, в законнем собрании разрешится:Select Acts 19:39

40ибо бедствуем порицаеми быти о крамоле днешней, ни единей вине сущей, о нейже возможем воздати слово стремления сего. И сия рек распусти собравшийся народ.Select Acts 19:40