2Acts 2

1И егда скончавашася дние Пятьдесятницы, беша вси Апостоли единодушно вкупе.Select Acts 2:1

2И бысть внезапу с небесе шум, яко носиму дыханию бурну, и исполни весь дом, идеже бяху седяще:Select Acts 2:2

3и явишася им разделени языцы яко огненни, седе же на единем коемждо их.Select Acts 2:3

4И исполнишася вси Духа Свята и начаша глаголати иными языки, якоже Дух даяше им провещавати.Select Acts 2:4

5Бяху же во Иерусалиме живущии Иудее, мужие благоговейнии, от всего языка, иже под небесем.Select Acts 2:5

6Бывшу же гласу сему, снидеся народ и смятеся, яко слышаху един кийждо их своим языком глаголющих их.Select Acts 2:6

7Дивляхуся же вси и чудяхуся, глаголюще друг ко другу: не се ли, вси сии суть глаголющии Галилеане?Select Acts 2:7

8И како мы слышим кийждо свой язык наш, в немже родихомся,Select Acts 2:8

9Парфяне и Мидяне и Еламите, и живущии в Месопотамии, во Иудеи же и Каппадокии, в Понте и во Асии,Select Acts 2:9

10во Фригии же и Памфилии, во Египте и странах Ливии, яже при Киринии, и приходящии Римляне, Иудее же и пришелцы,Select Acts 2:10

11критяне и аравляне, слышим глаголющих их нашими языки величия Божия?Select Acts 2:11

12Ужасахуся же вси и недоумевахуся, друг ко другу глаголюще: что убо хощет сие быти?Select Acts 2:12

13Инии же ругающеся глаголаху, яко вином исполнени суть.Select Acts 2:13

14Став же Петр со единонадесятьми, воздвиже глас свой и рече им: мужие Иудейстии и живущии во Иерусалиме вси, сие вам разумно да будет, и внушите глаголы моя:Select Acts 2:14

15не бо, якоже вы непщуете, сии пияни суть, есть бо час третий дне:Select Acts 2:15

16но сие есть реченное пророком Иоилем:Select Acts 2:16

17и будет в последния дни, глаголет Господь, излию от Духа Моего на всяку плоть, и прорекут сынове ваши и дщери вашя, и юноши ваши видения узрят, и старцы ваши сония видят:Select Acts 2:17

18ибо на рабы Моя и на рабыни Моя во дни оны излию от Духа Моего, и прорекут:Select Acts 2:18

19и дам чудеса на небеси горе и знамения на земли низу, кровь и огнь и курение дыма:Select Acts 2:19

20солнце преложится во тму, и луна в кровь, прежде даже не приити дню Господню великому и просвещенному:Select Acts 2:20

21и будет, всяк, иже аще призовет имя Господне, спасется.Select Acts 2:21

22Мужие Израилстии, послушайте словес сих: Иисуса Назореа, Мужа от Бога извествованна в вас силами и чудесы и знамении, яже сотвори Тем Бог посреде вас, якоже и сами весте,Select Acts 2:22

23Сего нарекованным советом и проразумением Божиим предана приемше, руками беззаконных пригвождше убисте:Select Acts 2:23

24Егоже Бог воскреси, разрешив болезни смертныя, якоже не бяше мощно держиму быти Ему от нея.Select Acts 2:24

25Давид бо глаголет о Нем: предзрех Господа предо мною выну, яко о десную мене есть, да не подвижуся:Select Acts 2:25

26сего ради возвеселися сердце мое, и возрадовася язык мой: еще же и плоть моя вселится на уповании,Select Acts 2:26

27яко не оставиши души моея во аде, ниже даси преподобному Твоему видети истления:Select Acts 2:27

28сказал ми еси пути живота: исполниши мя веселия с лицем Твоим.Select Acts 2:28

29Мужие братие, достоит рещи с дерзновением к вам о патриарсе Давиде, яко и умре и погребен бысть, и гроб его есть в нас даже до дне сего:Select Acts 2:29

30пророк убо сый и ведый, яко клятвою клятся ему Бог от плода чресл его по плоти воздвигнути Христа и посадити Его на престоле его,Select Acts 2:30

31предвидев глагола о воскресении Христове, яко не оставися душа Его во аде, ни плоть Его виде истления.Select Acts 2:31

32Сего Иисуса воскреси Бог, емуже вси мы есмы свидетелие.Select Acts 2:32

33Десницею убо Божиею вознесеся, и обетование Святаго Духа приемь от Отца, излия сие, еже вы ныне видите и слышите.Select Acts 2:33

34Не бо Давид взыде на небеса, глаголет бо сам: рече Господь Господеви моему: седи о десную Мене,Select Acts 2:34

35дондеже положу враги Твоя подножие ног Твоих.Select Acts 2:35

36Твердо убо да разумеет весь дом Израилев, яко и Господа и Христа его Бог сотворил есть, Сего Иисуса, Егоже вы распясте.Select Acts 2:36

37Слышавше же умилишася сердцем и реша к Петру и прочым Апостолом: что сотворим, мужие братие?Select Acts 2:37

38Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар Святаго Духа:Select Acts 2:38

39вам бо есть обетование и чадом вашым и всем дальним, елики аще призовет Господь Бог наш.Select Acts 2:39

40И иными словесы множайшими засвидетелствоваше и моляше я, глаголя: спаситеся от рода строптиваго сего.Select Acts 2:40

41Уже убо любезно прияша слово его, крестишася: и приложишася в день той душ яко три тысящы:Select Acts 2:41

42бяху же терпяще во учении Апостол и во общении и в преломлении хлеба и в молитвах.Select Acts 2:42

43Бысть же на всякой души страх: многа бо чудеса и знамения Апостолы быша во Иерусалиме.Select Acts 2:43

44Страх же велий бяше на всех их. Вси же веровавшии бяху вкупе и имяху вся обща:Select Acts 2:44

45и стяжания и имения продаяху, и раздаяху всем, егоже аще кто требоваше:Select Acts 2:45

46по вся же дни терпяще единодушно в церкви и ломяще по домом хлеб, приимаху пищу в радости и в простоте сердца,Select Acts 2:46

47хваляще Бога и имуще благодать у всех людий. Господь же прилагаше по вся дни Церкви спасающыяся.Select Acts 2:47