20Acts 20

1По утишении же молвы, призвав Павел ученики, утешив и целовав их, изыде ити в Македонию.Select Acts 20:1

2Прошед же страны оны и утешив их словом многим, прииде во Елладу:Select Acts 20:2

3пожив же месяцы три, бывшу нань навету от Иудей, хотящу отвезтися в Сирию, бысть хотение возвратитися сквозе Македонию.Select Acts 20:3

4Последова же ему даже до Асии Сосипатр Пирров Берянин, Солуняне же Аристарх и Секунд, и Гаий Дервянин и Тимофей, Асиане же Тихик и Трофим.Select Acts 20:4

5Сии предшедше ждаху нас в Троаде.Select Acts 20:5

6Мы же отвезохомся по днех опресночных от Филипп и приидохом к ним в Троаду во днех пяти, идеже пребыхом дний седмь.Select Acts 20:6

7Во едину же от суббот, собравшымся учеником преломити хлеб, Павел беседоваше к ним, хотя изыти на утрии, простре же слово до полунощи.Select Acts 20:7

8Бяху же свещы многи в горнице, идеже бехом собрани.Select Acts 20:8

9Седя же некто юноша, именем Евтих, во окне, отягчен сном глубоким, глаголющу Павлу о мнозе, преклонься от сна, паде от трекровника долу, и взяша его мертва.Select Acts 20:9

10Сошед же Павел нападе нань, и объемь его рече: не молвите, ибо душа его в нем есть.Select Acts 20:10

11Возшед же и преломль хлеб и вкушь, доволно же беседовав даже до зари, и тако изыде.Select Acts 20:11

12Приведоша же отрока жива и утешишася не мало.Select Acts 20:12

13Мы же, пришедше в корабль, отвезохомся во Ассон, оттуду хотяще пояти Павла: тако бо нам бе повелел, хотя сам пешь ити.Select Acts 20:13

14И якоже снидеся с нами во Ассоне, вземше его приидохом в Митилин.Select Acts 20:14

15И оттуду отвезшеся, во утрие пристахом противу Хию, в другий же отвезохомся в Самон, и пребывше в Трогиллии, в грядущий же день приидохом в Милит:Select Acts 20:15

16суди бо Павел мимо ити Ефес, яко да не будет ему закоснети во Асии, тщашебося, аще возможно будет, в день Пятьдесятный быти во Иерусалиме.Select Acts 20:16

17От Милита же послав во Ефес, призва пресвитеры церковныя,Select Acts 20:17

18и якоже приидоша к нему, рече к ним: вы весте, яко от перваго дне, отнелиже приидох во Асию, како с вами все время бых,Select Acts 20:18

19работая Господеви со всяким смиреномудрием и многими слезами и напастьми, прилучившимися мне от Иудейских навет:Select Acts 20:19

20яко ни в чесом от полезных обинухся, еже сказати вам и научити вас пред людьми и по домом,Select Acts 20:20

21засвидетелствуя Иудеем же и Еллином еже к Богу покаяние и веру яже в Господа нашего Иисуса Христа.Select Acts 20:21

22И ныне, се, аз связан Духом гряду во Иерусалим, яже в нем хотящая приключитися мне не ведый:Select Acts 20:22

23точию яко Дух Святый по вся грады свидетелствует, глаголя, яко узы мене и скорби ждут.Select Acts 20:23

24Но ни едино же попечение творю, ниже имам душу мою честну себе, разве еже скончати течение мое с радостию и службу, юже приях от Господа Иисуса, засвидетелствовати Евангелие благодати Божия.Select Acts 20:24

25И ныне, се, аз вем, яко ктому не узрите лица моего вы вси, в нихже проидох проповедуя Царствие Божие.Select Acts 20:25

26Темже свидетелствую вам во днешний день, яко чист аз от крове всех,Select Acts 20:26

27не обинухся бо сказати вам всю волю Божию.Select Acts 20:27

28Внимайте убо себе и всему стаду, в немже вас Дух Святый постави епископы, пасти Церковь Господа и Бога, юже стяжа Кровию Своею.Select Acts 20:28

29Аз бо вем сие, яко по отшествии моем внидут волцы тяжцы в вас, не щадящии стада:Select Acts 20:29

30и от вас самех востанут мужие глаголющии развращеная, еже отторгати ученики вслед себе.Select Acts 20:30

31Сего ради бдите, поминающе, яко три лета нощь и день не престаях учя со слезами единаго когождо вас.Select Acts 20:31

32И ныне предаю вас, братие, Богови и слову благодати Его, могущему наздати и дати вам наследие во осенных всех.Select Acts 20:32

33Сребра или злата или риз ни единаго возжелах:Select Acts 20:33

34сами весте, яко требованию моему и сущым со мною послужисте руце мои сии.Select Acts 20:34

35Вся сказах вам, яко тако труждающымся подобает заступати немощныя, поминати же слово Господа Иисуса, яко Сам рече: блаженнее есть паче даяти, нежели приимати.Select Acts 20:35

36И сия рек, преклонь колена своя, со всеми ими помолися.Select Acts 20:36

37Мног же бысть плачь всем: и нападше на выю Павлову, облобызаху его,Select Acts 20:37

38скорбяще наипаче о словеси, еже рече, яко ктому не имут лица его узрети. Провождаху же его в корабль.Select Acts 20:38