27Acts 27

1И якоже суждено бысть отплыти нам во Италию, предаху Павла же и иныя некия юзники сотнику, именем Иулию, спиры Севастийския.Select Acts 27:1

2Вшедше же в корабль Адрамитский, восхотевше плыти во Асийская места, отвезохомся, сущу с нами Аристарху Македонянину от Солуня.Select Acts 27:2

3В другий же пристахом в Сидоне: человеколюбие же Иулий Павлови дея, повеле к другом шедшу прилежание улучити.Select Acts 27:3

4И оттуду отвезшеся приплыхом в Кипр, зане ветри бяху противни:Select Acts 27:4

5пучину же, яже противу Киликии и Памфилии, преплывше, приидохом в Миры Ликийския.Select Acts 27:5

6И тамо обрет сотник корабль Александрийский пловущь во Италию, всади ны в онь.Select Acts 27:6

7Во многи же дни косно плавающе и едва бывше противу Книда, не оставляющу нас ветру, приплыхом под Крит при Салмоне:Select Acts 27:7

8едва же избирающе край, приидохом на место некое, нарицаемое Доброе Пристанище, емуже близ бе град Ласей.Select Acts 27:8

9Многу же времени минувшу и сущу уже небезбедну плаванию, занеже и пост уже бе прешел, советоваше Павел,Select Acts 27:9

10глаголя им: мужие, вижду, яко с досаждением и многою тщетою не токмо бремене и корабля, но и душ наших хощет быти плавание.Select Acts 27:10

11Сотник же кормчия и навклира послушаше паче, нежели Павлом глаголемых.Select Acts 27:11

12Не добру же пристанищу сущу ко озимению, мнози совет даяху отвезтися оттуду, аще како возмогут, достигше Финикии, озимети в пристанищи Критстем, зрящем к ливу и к хору.Select Acts 27:12

13Дхнувшу же югу, мневше волю свою улучити, воздвигше ветрила, плыху вскрай Крита.Select Acts 27:13

14Не по мнозе же возвея противен ему ветр бурен, нарицаемый евроклидон.Select Acts 27:14

15Восхищену же бывшу кораблю и не могущу сопротивитися ветру, вдавшеся волнам носими бехом.Select Acts 27:15

16Остров же некий мимотекше, нарицающься Клавдий, едва возмогохом удержати ладию:Select Acts 27:16

17юже востягше, всяким образом помогаху, подтверждающе корабль: боящеся же, да не в сирть впадут, низпустивше парус, сице носими беху.Select Acts 27:17

18Вельми же обуреваемым нам, на утрие изметание творяху,Select Acts 27:18

19и в третий день своими руками ядрило корабленое извергохом.Select Acts 27:19

20Ни солнцу же, ни звездам явльшымся на многи дни, и зиме не мале належащей, прочее отимашеся надежда вся, еже спастися нам.Select Acts 27:20

21Многу же неядению сущу, тогда став Павел посреде их, рече: подобаше убо, о, мужие, послушавше мене, не отвезтися от Крита и избыти досаждения сего и тщеты:Select Acts 27:21

22и се, ныне молю вы благодушствовати, погибель бо ни единей души от вас будет, разве корабля:Select Acts 27:22

23предста бо ми в сию нощь Ангел Бога, Егоже аз есмь, Емуже и служу,Select Acts 27:23

24глаголя: не бойся, Павле, кесарю ти подобает предстати, и се, дарова тебе Бог вся плавающыя с тобою.Select Acts 27:24

25Темже дерзайте, мужие, верую бо Богови, яко тако будет, имже образом речено ми бысть:Select Acts 27:25

26во остров же некий подобает нам пристати.Select Acts 27:26

27И егда четвертаянадесять нощь бысть, носимым нам во Адриатстей (пучине), в полунощи непщеваху корабленицы, яко приближаются к некоей стране,Select Acts 27:27

28и измеривше глубину обретоша саженей двадесять: мало же прешедше и паки измеривше, обретоша саженей пятьнадесять.Select Acts 27:28

29Боящеся же, да не како в прудная места впадут, от носа корабля вергше котвы четыри, моляхомся, да день будет.Select Acts 27:29

30Кораблеником же ищущым бежати из корабля и низвесившым ладию в море, изветом аки от носа хотящым котвы простерти,Select Acts 27:30

31рече Павел сотнику и воином: аще не сии пребудут в корабли, вы спастися не можете.Select Acts 27:31

32Тогда воини отрезаша ужя ладии и оставиша ю отпасти.Select Acts 27:32

33Егда же хотяше день быти, моляше Павел всех, да приимут пищу, глаголя: четыренадесятый днесь день ждуще, не ядше пребываете, ничтоже вкусивше:Select Acts 27:33

34темже молю вас прияти пищу, се бо к вашему спасению есть: ни единому бо от вас влас главы отпадет.Select Acts 27:34

35Рек же сия и приемь хлеб, благодари Бога пред всеми и преломль начат ясти.Select Acts 27:35

36Благонадежни же бывше вси, и тии прияша пищу:Select Acts 27:36

37бе же в корабли всех душ двесте седмьдесят и шесть.Select Acts 27:37

38Насыщшеся же брашна, облегчиша корабль, изметающе пшеницу в море.Select Acts 27:38

39Егда же день бысть, земли не познаваху: недро же некое усмотреша имущее песок, в неже, аще мощно есть, совещаша извлещи корабль.Select Acts 27:39

40И котвы собравше, везяхуся по морю: купно ослабивше ужя кормилом и воздвигше малое ветрило к дышущему ветрецу, везохомся на край.Select Acts 27:40

41Впадше же в место исопное, увязиша корабль: и нос убо увязший пребысть недвижимь, кормило же разбивашеся от нужды волн.Select Acts 27:41

42Воином же совет бысть, да узники убиют, да не кто поплыв избегнет.Select Acts 27:42

43Сотник же, хотя соблюсти Павла, возбрани совету их, повеле же могущым плавати, да изскочивше первее изыдут на край,Select Acts 27:43

44а прочии, ови убо на дщицах, ови же на нечем от корабля. И тако бысть всем спастися на землю.Select Acts 27:44