4Acts 4

1Глаголющым же им к людем, наидоша на них священницы и воевода церковный и саддукее,Select Acts 4:1

2жаляще си, за еже учити им люди и возвещати о Иисусе воскресение мертвых:Select Acts 4:2

3и возложиша на них руки и положиша их в соблюдение до утрия: бе бо вечер уже.Select Acts 4:3

4Мнози же от слышавших слово вероваша: и бысть число мужей яко тысящ пять.Select Acts 4:4

5Бысть же наутрие собратися князем их и старцем и книжником во Иерусалим,Select Acts 4:5

6и Анне архиерею и Каиафе и Иоанну и Александру, и елицы беша от рода архиерейска:Select Acts 4:6

7и поставльше их посреде, вопрошаху: коею силою или коим именем сотвористе сие вы?Select Acts 4:7

8Тогда Петр, исполнився Духа Свята, рече к ним: князи людстии и старцы Израилевы,Select Acts 4:8

9аще мы днесь истязуеми есмы о благодеянии человека немощна, о чесом сей спасеся,Select Acts 4:9

10разумно буди всем вам и всем людем Израилевым, яко во имя Иисуса Христа Назореа, Егоже вы распясте, Егоже Бог воскреси от мертвых, о Сем сей стоит пред вами здрав:Select Acts 4:10

11Сей есть камень укореный от вас зиждущих, бывый во главу угла, и несть ни о единем же инем спасения:Select Acts 4:11

12несть бо иного имене под небесем, даннаго в человецех, о немже подобает спастися нам.Select Acts 4:12

13Видяще же Петрово дерзновение и Иоанново и разумевше, яко человека некнижна еста и проста, дивляхуся, знаху же их, яко со Иисусом беста:Select Acts 4:13

14видяще же исцелевшаго человека с нима стояща, ничтоже имяху противу рещи.Select Acts 4:14

15Повелевше же има вон из сонмища изыти, стязахуся друг со другом,Select Acts 4:15

16глаголюще: что сотворим человекома сима? Яко убо нарочитое знамение бысть има, всем живущым во Иерусалиме яве, и не можем отврещися:Select Acts 4:16

17но да не более прострется в людех, прещением да запретим има ктому не глаголати о имени сем ни единому от человек.Select Acts 4:17

18И призвавше их, заповедаша има отнюд не провещавати ниже учити о имени Иисусове.Select Acts 4:18

19Петр же и Иоанн отвещавша к ним реста: аще праведно есть пред Богом вас послушати паче, нежели Бога, судите:Select Acts 4:19

20не можем бо мы, яже видехом и слышахом, не глаголати.Select Acts 4:20

21Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем:Select Acts 4:21

22лет бо бяше множае четыредесяти человек той, на немже бысть чудо сие исцеления.Select Acts 4:22

23Отпущена же бывша приидоста ко своим и возвестиста, елика к нима архиерее и старцы реша.Select Acts 4:23

24Они же слышавше единодушно воздвигоша глас к Богу и рекоша: Владыко, ты, Боже, сотворивый небо и землю и море и вся, яже в них,Select Acts 4:24

25иже Духом Святым усты отца нашего Давида отрока Твоего рекл еси: вскую шаташася языцы, и людие поучишася тщетным?Select Acts 4:25

26Предсташа царие земстии, и князи собрашася вкупе на Господа и на Христа Его.Select Acts 4:26

27Собрашася бо воистинну во граде сем на Святаго Отрока Твоего Иисуса, Егоже помазал еси, Ирод же и Понтийский Пилат с языки и людьми Израилевыми,Select Acts 4:27

28сотворити, елика рука Твоя и совет Твой преднарече быти:Select Acts 4:28

29и ныне, Господи, призри на прещения их и даждь рабом Твоим со всяким дерзновением глаголати слово Твое,Select Acts 4:29

30внегда руку Твою прострети Ти во исцеления, и знамением и чудесем бывати именем Святым Отрока Твоего Иисуса.Select Acts 4:30

31И помолившымся им, подвижеся место, идеже бяху собрани, и исполнишася вси Духа Свята и глаголаху слово Божие со дерзновением.Select Acts 4:31

32Народу же веровавшему бе сердце и душа едина, и ни един же что от имений своих глаголаше свое быти, но бяху им вся обща.Select Acts 4:32

33И велиею силою воздаяху свидетелство Апостоли воскресению Господа Иисуса Христа, благодать же бе велия на всех их.Select Acts 4:33

34Не бяше бо нищь ни един в них: елицы бо господие селом или домовом бяху, продающе приношаху цены продаемыхSelect Acts 4:34

35и полагаху при ногах Апостол: даяшеся же коемуждо, егоже аще кто требоваше.Select Acts 4:35

36Иосиа же, нареченный Варнава от Апостол, еже есть сказаемо сын утешения, левит, Кипрянин родом,Select Acts 4:36

37имея село, продав принесе цену и положи пред ногами Апостол.Select Acts 4:37