6Acts 6

1Во днех же сих, умножившымся учеником, бысть роптание Еллинов ко Евреом, яко презираемы бываху во вседневнем служении вдовицы их.Select Acts 6:1

2Призвавше же дванадесять множество ученик, реша: не угодно есть нам, оставльшым слово Божие, служити трапезам:Select Acts 6:2

3усмотрите убо, братие, мужы от вас свидетелствованы седмь, исполнены Духа Свята и премудрости, ихже поставим над службою сею:Select Acts 6:3

4мы же в молитве и служении слова пребудем.Select Acts 6:4

5И угодно бысть слово сие пред всем народом: и избраша Стефана, мужа исполнена веры и Духа Свята, и Филиппа, и Прохора и Никанора, и Тимона и Пармена, и Николаа пришелца Антиохийскаго,Select Acts 6:5

6ихже поставиша пред Апостолы: и помолившеся возложиша на ня руце.Select Acts 6:6

7И слово Божие растяше, и множашеся число ученик во Иерусалиме зело: мног же народ священников послушаху веры.Select Acts 6:7

8Стефан же исполнь веры и силы творяше знамения и чудеса велия в людех.Select Acts 6:8

9Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном:Select Acts 6:9

10и не можаху противустати премудрости и Духу, Имже глаголаше.Select Acts 6:10

11Тогда подустиша мужы глаголющыя, яко слышахом его глаголюща глаголы хульныя на Моисеа и на Бога.Select Acts 6:11

12Сподвигоша же люди и старцы и книжники, и нападше восхитиша его и приведоша на сонмище,Select Acts 6:12

13поставиша же свидетели ложны глаголющыя, яко человек сей не престает глаголы хульныя глаголя на место святое сие и закон:Select Acts 6:13

14слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей.Select Acts 6:14

15И воззревше нань вси седящии в сонмищи, видеша лице его яко лице Ангела.Select Acts 6:15