7Acts 7

1Рече же архиерей: аще убо сия тако суть?Select Acts 7:1

2Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань,Select Acts 7:2

3и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу.Select Acts 7:3

4Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете,Select Acts 7:4

5и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду.Select Acts 7:5

6Глагола же сице Бог, яко будет семя его пришелцы в земли чуждей, и поработят е и озлобят лет четыреста.Select Acts 7:6

7И языку, емуже поработают, сужду Аз, рече Бог: и по сих изыдут и послужат Ми на месте сем.Select Acts 7:7

8И даде ему завет обрезания. И тако роди Исаака и обреза его в день осмый: и Исаак Иакова, и Иаков дванадесять патриарх.Select Acts 7:8

9И патриарси позавидевше Иосифу продаша его во Египет: и бе Бог с ним,Select Acts 7:9

10и изят его от всех скорбей его, и даде ему благодать и премудрость пред фараоном царем Египетским: и постави его началника над Египтом и над всем домом своим.Select Acts 7:10

11Прииде же глад на всю землю Египетскую и Ханааню и скорбь велия, и не обретаху сытости отцы наши.Select Acts 7:11

12Слышав же Иаков сущую пшеницу во Египте, посла отцы нашя первее,Select Acts 7:12

13и внегда второе (приидоша), познан бысть Иосиф братии своей, и яве бысть фараону род Иосифов.Select Acts 7:13

14Послав же Иосиф призва отца своего Иакова и все сродство свое, седмьдесят и пять душ.Select Acts 7:14

15Сниде же Иаков во Египет, и скончася сам и отцы наши:Select Acts 7:15

16и принесени быша в Сихем и положени быша во гробе, егоже купи Авраам ценою сребра от сынов Еммора Сихемова.Select Acts 7:16

17И якоже приближашеся время обетования, имже клятся Бог Аврааму, возрастоша людие и умножишася во Египте,Select Acts 7:17

18дондеже наста царь ин (во Египте), иже не знаше Иосифа:Select Acts 7:18

19сей зле умыслив о роде нашем, озлоби отцы нашя, уморити младенцы их и не оживити.Select Acts 7:19

20В неже время родися Моисей и бе угоден Богови, иже питан бысть месяцы три в дому отца своего:Select Acts 7:20

21извержена же его взят его дщи фараонова и воспита и себе в сына:Select Acts 7:21

22и наказан бысть Моисей всей премудрости Египетстей, бе же силен в словесех и делех.Select Acts 7:22

23Егда же исполняшеся ему лет четыредесятих время, взыде на сердце ему посетити братию свою сыны Израилевы:Select Acts 7:23

24и видев некоего обидима, пособствова и сотвори отмщение обидимому, убив Египтянина.Select Acts 7:24

25Мняше же разумети братиям своим, яко Бог рукою его даст им спасение: они же не разумеша.Select Acts 7:25

26Во утрий же день явися им тяжущымся и привлачаше их в примирение, рек: мужие, братия есте вы, вскую обидите друг друга?Select Acts 7:26

27Обидяй же ближняго отрину его, рек: кто тя постави князя и судию над нами?Select Acts 7:27

28Еда убити мя ты хощеши, имже образом убил еси вчера Египтянина?Select Acts 7:28

29Бежа же Моисей о словеси сем и бысть пришлец в земли Мадиамстей, идеже роди сына два.Select Acts 7:29

30И исполньшымся летом четыредесятим, явися ему в пустыни горы Синайския Ангел Господень в пламени огнене в купине:Select Acts 7:30

31Моисей же видев дивляшеся видению: приступающу же ему разумети, бысть глас Господень к нему:Select Acts 7:31

32Аз Бог отец твоих, Бог Авраамов и Бог Исааков и Бог Иаковль. Трепетен же быв Моисей не смеяше смотрити.Select Acts 7:32

33Рече же ему Господь: изуй сапоги ногу твоею, место бо, на немже стоиши, земля свята есть:Select Acts 7:33

34видя видех озлобление людий Моих, иже во Египте, и стенание их услышах, и снидох изяти их: и ныне гряди, послю тя во Египет.Select Acts 7:34

35Сего Моисеа, егоже отринуша, рекше: кто тя постави началника и судию? Сего Бог князя и избавителя посла рукою Ангела явльшагося ему в купине:Select Acts 7:35

36сей изведе их, сотворь чудеса и знамения в земли Египетстей и в Чермнем мори, и в пустыни лет четыредесять.Select Acts 7:36

37Сей есть Моисей рекий сыном Израилевым: Пророка вам воздвигнет Господь Бог ваш от братии вашея яко мене: Того послушайте.Select Acts 7:37

38Сей есть бывый в церкви в пустыни со Ангелом, глаголавшим ему на горе Синайстей, и со отцы нашими, иже прият словеса жива дати нам,Select Acts 7:38

39егоже не восхотеша послушати отцы наши, но отринуша и и обратишася сердцем своим во Египет,Select Acts 7:39

40рекше Аарону: сотвори нам боги, иже предидут пред нами, Моисею бо сему, иже изведе нас от земли Египетския, не вемы, что бысть ему.Select Acts 7:40

41И сотвориша телца во дни оны, и принесоша жертву идолу, и веселяхуся в делех руку своею.Select Acts 7:41

42Отвратися же Бог и предаде их служити воем небесным, якоже писано есть в книзе пророк: еда заколения и жертвы принесосте Ми лет четыредесять в пустыни, доме Израилев?Select Acts 7:42

43И восприясте скинию Молохову и звезду бога вашего Ремфана, образы, яже сотвористе покланятися им: и преселю вы далее Вавилона.Select Acts 7:43

44Сень свидения бяше отцем нашым в пустыни, якоже повеле Глаголяй Моисеови сотворити ю по образу, егоже виде:Select Acts 7:44

45юже и внесоша приемше отцы наши со Иисусом во одержание языков, ихже изрину Бог от лица отец наших, даже до дний Давида:Select Acts 7:45

46иже обрете благодать пред Богом и испроси обрести селение Богу Иаковлю.Select Acts 7:46

47Соломон же созда Ему храм.Select Acts 7:47

48Но Вышний не в рукотворенных церквах живет, якоже пророк глаголет:Select Acts 7:48

49Небо Мне престол есть, земля же подножие ногама Моима: кий храм созиждете Ми, глаголет Господь, или кое место покоищу Моему?Select Acts 7:49

50Не рука ли Моя сотвори сия вся?Select Acts 7:50

51Жестоковыйнии и необрезаннии сердцы и ушесы, вы присно Духу Святому противитеся, якоже отцы ваши, тако и вы:Select Acts 7:51

52кого от пророк не изгнаша отцы ваши? И убиша предвозвестившыя о пришествии Праведнаго, Егоже вы ныне предателе и убийцы бысте,Select Acts 7:52

53иже приясте закон устроением Ангелским и не сохранисте.Select Acts 7:53

54Слышаще же сия, распыхахуся сердцы своими и скрежетаху зубы нань.Select Acts 7:54

55Стефан же сый исполнь Духа Свята, воззрев на небо, виде славу Божию и Иисуса стояща о десную Бога,Select Acts 7:55

56и рече: се, вижу небеса отверста и Сына Человеча о десную стояща Бога.Select Acts 7:56

57Возопивше же гласом велиим, затыкаху ушы свои и устремишася единодушно нань,Select Acts 7:57

58и изведше вне града, камением побиваху его: и свидетелие (снемше) ризы своя положиша при ногу юноши нарицаемаго Савла,Select Acts 7:58

59и камением побиваху Стефана, молящася и глаголюща: Господи Иисусе, приими дух мой.Select Acts 7:59

60Преклонь же колена, возопи гласом велиим: Господи, не постави им греха сего. И сия рек успе.Select Acts 7:60