9Acts 9

1Савл же, еще дыхая прещением и убийством на ученики Господни, приступль ко архиерею,Select Acts 9:1

2испроси от него послания в Дамаск к соборищем, яко да аще некия обрящет того пути сущыя, мужы же и жены, связаны приведет во Иерусалим.Select Acts 9:2

3Внегда же ити, бысть ему приближитися к Дамаску, и внезапу облиста его свет от небесе:Select Acts 9:3

4и пад на землю, слыша глас глаголющь ему: Савле, Савле, что Мя гониши?Select Acts 9:4

5Рече же: кто еси, Господи? Господь же рече: Аз есмь Иисус, Егоже ты гониши: жестоко ти есть противу рожну прати.Select Acts 9:5

6Трепещя же и ужасаяся глагола: Господи, что мя хощеши творити? И Господь рече к нему: востани и вниди во град, и речется ти, что ти подобает творити.Select Acts 9:6

7Мужие же идущии с ним стояху чудящеся, глас убо слышаще, но ни когоже видяще.Select Acts 9:7

8Воста же Савл от земли и отверстыма очима своима ни единаго видяше: ведуще же его за руку, введоша в Дамаск:Select Acts 9:8

9и бе дни три не видя, и ни яде, ниже пияше.Select Acts 9:9

10Бе же некто ученик в Дамасце, именем Ананиа, и рече к нему Господь в видении: Анание. Он же рече: се, аз, Господи.Select Acts 9:10

11Господь же к нему: востав поиди на стогну нарицаемую Правую и взыщи в дому Иудове Савла именем, Тарсянина: се бо, молитву деетSelect Acts 9:11

12и виде в видении мужа, именем Ананию, вшедша и возложша нань руку, яко да прозрит.Select Acts 9:12

13Отвеща же Ананиа: Господи, слышах от многих о мужи сем, колика зла сотвори святым Твоим во Иерусалиме:Select Acts 9:13

14и зде имать власть от архиерей связати вся нарицающыя имя Твое.Select Acts 9:14

15Рече же к нему Господь: иди, яко сосуд избран Ми есть сей, пронести имя Мое пред языки и царьми и сынми Израилевыми:Select Acts 9:15

16Аз бо скажу ему, елика подобает ему о имени Моем пострадати.Select Acts 9:16

17Пойде же Ананиа и вниде в храмину, и возложь нань руце, рече: Савле брате, Господь Иисус явлейтися на пути, имже шел еси, посла мя, яко да прозриши и исполнишися Духа Свята.Select Acts 9:17

18И абие отпадоша от очию его яко чешуя: прозре же абие, и востав крестися,Select Acts 9:18

19и приемь пищу, укрепися. Бысть же Савл с сущими в Дамасце учениками дни некия:Select Acts 9:19

20и абие на сонмищих проповедаше Иисуса, яко Сей есть Сын Божий.Select Acts 9:20

21Дивляхуся же вси слышащии и глаголаху: не сей ли есть гонивый во Иерусалиме нарицающыя имя сие, и зде на сие прииде, да связаны тыя приведет ко архиереем?Select Acts 9:21

22Савл же паче крепляшеся и смущаше Иудеи живущыя в Дамасце, препирая, яко Сей есть Христос.Select Acts 9:22

23Якоже исполнишася дние доволни, совещаша Иудее убити его,Select Acts 9:23

24уведан же бысть Савлу совет их: стрежаху же врат день и нощь, яко да убиют его:Select Acts 9:24

25поемше же его ученицы нощию, свесиша по стене в кошнице.Select Acts 9:25

26Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик.Select Acts 9:26

27Варнава же приемь его, приведе ко Апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове.Select Acts 9:27

28И бяше с ними входя и исходя во Иерусалиме и дерзая о имени Господа Иисуса.Select Acts 9:28

29Глаголаше же и стязашеся с Еллины: они же искаху убити его.Select Acts 9:29

30Разумевше же братия, сведоша его в Кесарию и отпустиша его в Тарс.Select Acts 9:30

31Церкви же по всей Иудеи и Галилеи и Самарии имеяху мир, созидающяся и ходящя в страсе Господни, и утешением Святаго Духа умножахуся.Select Acts 9:31

32И бысть Петру, посещающу всех, снити и ко святым живущым в Лидде:Select Acts 9:32

33обрете же тамо человека некоего, именем Енеа, от осми лет лежаща на одре, иже бе разслаблен.Select Acts 9:33

34И рече ему Петр: Енее, исцеляет тя Иисус Христос: востани с постели твоея. И абие воста:Select Acts 9:34

35и видеша его вси живущии в Лидде и во Ассароне, иже обратишася ко Господу.Select Acts 9:35

36Во Июппии же бе некая ученица, именем Тавифа, яже сказаема глаголется серна: сия бяше исполнена благих дел и милостынь, яже творяше.Select Acts 9:36

37Бысть же во дни тыя, болевшей ей умрети: омывше же ю, положиша в горнице.Select Acts 9:37

38Близ же сущей Лидде Июппии, ученицы слышавше, яко Петр есть в ней, послаша два мужа к нему, моляще его не обленитися приити до них.Select Acts 9:38

39Востав же Петр иде с нима: егоже пришедша возведоша в горницу, и предсташа ему вся вдовицы плачущя и показующя ризы и одежды, елика творяше, с ними сущи, Серна.Select Acts 9:39

40Изгнав же вон вся Петр, преклонь колена помолися, и обращься к телу, рече: Тавифо, востани. Она же отверзе очи свои, и видевши Петра, седе.Select Acts 9:40

41Подав же ей руку, воздвиже ю, и призвав святыя и вдовицы, постави ю живу.Select Acts 9:41

42Уведано же бысть се по всей Июппии, и мнози вероваша в Господа.Select Acts 9:42

43Бысть же дни доволны пребыти ему во Июппии у некоего Симона усмаря.Select Acts 9:43