1Amos 1

1Словеса Амосова, яже быша в Кариафиариме от Фекуи, яже виде о Иерусалиме во дни Озии царя Иудина и во дни Иеровоама сына Иоасова царя Израилева, прежде двою лет труса.Select Amos 1:1

2И рече: Господь от Сиона возглагола и от Иерусалима даде глас Свой: и сетоваша пажити пастырей, и изсше верх Кармиль.Select Amos 1:2

3И рече Господь: за три нечестия Дамаска и за четыри не отвращуся его, понеже растроша пилами железными имущыя во утробе сущих в Галааде:Select Amos 1:3

4и послю огнь в дом Азаиль, и пояст основание сына Адерова:Select Amos 1:4

5и сокрушу вереи Дамасковы, и потреблю живущыя с поля Онова, и посеку племя от мужей Харраних, и пленятся людие Сирстии нарочитии, глаголет Господь.Select Amos 1:5

6Сия глаголет Господь: за три нечестия Газы и за четыри не отвращуся их, за еже пленити им пленение Соломоне, еже заключити во Идумею:Select Amos 1:6

7и послю огнь на забрала Газы, и пояст основание ея:Select Amos 1:7

8и потреблю живущыя из Азота, и извержется племя из Аскалона, и наведу руку Мою на Аккарона, и погибнут остаточнии иноплеменников, глаголет Господь.Select Amos 1:8

9Сия глаголет Господь: за три нечестия Тирова и за четыри не отвращуся его, понеже заключиша пленники Соломони во Идумею и не помянуша завета братня:Select Amos 1:9

10и послю огнь на забрала Тирова, и пояст основания его.Select Amos 1:10

11Сия глаголет Господь: за три нечестия Идумейска и за четыри не отвращуся их, понеже прогнаша брата своего мечем и растлиша матерь на земли, и восхити во свидение грозу свою, и устремление свое снабде на победу:Select Amos 1:11

12и послю огнь в Феман, и пояст основания оград его.Select Amos 1:12

13Сия глаголет Господь: за три нечестия сынов Аммоних и за четыри не отвращуся их, понеже распоряху имущыя во утробе Галаадитов, яко да разширят пределы своя:Select Amos 1:13

14и разжегу огнь на забрала Раввафы, и пояст основания ея с воплем в день рати, и потрясется в день скончания своего:Select Amos 1:14

15и пойдут царие ея в плен, жерцы их и князи их вкупе, глаголет Господь.Select Amos 1:15