1Colossians 1

1Павел, Апостол Иисус Христов волею Божиею, и Тимофей брат,Select Colossians 1:1

2сущым в Колоссаех святым и верным братиям о Христе Иисусе:Select Colossians 1:2

3благодать вам и мир от Бога Отца нашего, и Господа Иисуса Христа. Благодарим Бога и Отца Господа нашего Иисуса Христа, всегда о вас молящеся,Select Colossians 1:3

4слышавше веру вашу, яже о Христе Иисусе, и любовь, юже имате ко всем святым,Select Colossians 1:4

5за упование отложенное вам на небесех, еже прежде слышасте в словеси истины благовествования,Select Colossians 1:5

6сущаго в вас, якоже и во всем мире: и есть плодоносно и растимо, якоже и в вас, от негоже дне слышасте и разуместе благодать Божию во истине:Select Colossians 1:6

7якоже и уведесте от Епафраса, возлюбленнаго соработника нашего, иже есть верен о вас служитель Христов,Select Colossians 1:7

8иже и яви нам вашу любовь в дусе.Select Colossians 1:8

9Сего ради и мы, от негоже дне слышахом, не престаем о вас молящеся и просяще, да исполнитеся в разуме воли Его, во всяцей премудрости и разуме духовнем,Select Colossians 1:9

10яко ходити вам достоине Богу во всяцем угождении и всяком деле блазе, плодоносяще и возрастающе в разуме Божии,Select Colossians 1:10

11всякою силою возмогающе по державе славы Его, во всяцем терпении и долготерпении с радостию.Select Colossians 1:11

12Благодаряще Бога и Отца, призвавшаго вас в причастие наследия святых во свете.Select Colossians 1:12

13Иже избави нас от власти темныя и престави в Царство Сына любве Своея,Select Colossians 1:13

14о Немже имамы избавление Кровию Его и оставление грехов.Select Colossians 1:14

15Иже есть образ Бога невидимаго, перворожден всея твари.Select Colossians 1:15

16Яко Тем создана быша всяческая, яже на небеси и яже на земли, видимая и невидимая, аще престоли, аще господствия, аще начала, аще власти: всяческая Тем и о Нем создашася.Select Colossians 1:16

17И Той есть прежде всех, и всяческая в Нем состоятся.Select Colossians 1:17

18И Той есть глава телу Церкве, Иже есть начаток, перворожден из мертвых, яко да будет во всех Той первенствуя.Select Colossians 1:18

19Яко в Нем благоизволи всему исполнению вселитися,Select Colossians 1:19

20и Тем примирити всяческая к Себе, умиротворив Кровию креста Его, чрез Него, аще земная, аще ли небесная.Select Colossians 1:20

21И вас, иногда сущих отчужденных и врагов помышленьми в делех лукавых,Select Colossians 1:21

22ныне же примири в теле Плоти Его смертию Его, представити вас святых и непорочных и неповинных пред Собою,Select Colossians 1:22

23аще убо пребываете в вере основани и тверди, и неподвижими от упования благовествования, еже слышасте, проповеданное всей твари поднебесней, емуже бых аз Павел служитель.Select Colossians 1:23

24Ныне радуюся во страданиих моих о вас, яко исполняю лишение скорбей Христовых во плоти моей за Тело Его, еже есть Церковь.Select Colossians 1:24

25Ейже бых аз служитель по смотрению Божию, данному мне в вас, исполнити слово Божие,Select Colossians 1:25

26тайну сокровенную от век и от родов: ныне же явися святым Его,Select Colossians 1:26

27Имже восхоте Бог сказати, кое богатство славы тайны сея во языцех, иже есть Христос в вас, упование славы,Select Colossians 1:27

28Егоже мы проповедуем, наказующе всякаго человека и учаще всяцей премудрости, да представим всякаго человека совершенна о Христе Иисусе:Select Colossians 1:28

29в немже и труждаюся и подвизаюся по действу Его действуемому во мне силою.Select Colossians 1:29