2Colossians 2

1Хощу убо вас ведети, колик подвиг имам о вас и о сущих в Лаодикии и во Иераполи, и елицы не видеша лица моего во плоти,Select Colossians 2:1

2да утешатся сердца их, снемшихся в любви и во всяцем богатстве извещения разума, в познание тайны Бога и Отца и Христа,Select Colossians 2:2

3в Немже суть вся сокровища премудрости и разума сокровенна.Select Colossians 2:3

4Сие же глаголю, да никтоже вас прельстит в словопрении.Select Colossians 2:4

5Аще бо и плотию отстою, но духом с вами есмь, радуяся и видя ваш чин и утверждение вашея веры, яже во Христа.Select Colossians 2:5

6Якоже убо приясте Христа Иисуса Господа, такожде в Нем ходите,Select Colossians 2:6

7укоренени и наздани в Нем и извествовани верою, якоже научистеся, избыточествующе в ней благодарением.Select Colossians 2:7

8(Братие,) блюдитеся, да никтоже вас будет прельщая философиею и тщетною лестию, по преданию человеческому, по стихиам мира, а не по Христе.Select Colossians 2:8

9Яко в Том живет всяко исполнение Божества телесне:Select Colossians 2:9

10и да будете в Нем исполнени, Иже есть глава всякому началу и власти:Select Colossians 2:10

11о Немже и обрезани бысте обрезанием нерукотворенным, в совлечении тела греховнаго плоти, во обрезании Христове,Select Colossians 2:11

12спогребшеся Ему крещением: о Немже и совостасте верою действия Бога, Воскресившаго Его из мертвых.Select Colossians 2:12

13И вас, мертвых сущих в прегрешениих и в необрезании плоти вашея, сооживил есть с Ним, даровав нам вся прегрешения,Select Colossians 2:13

14истребив еже на нас рукописание ученьми, еже бе сопротивно нам, и то взят от среды, пригвоздив е на кресте:Select Colossians 2:14

15совлек начала и власти, изведе в позор дерзновением, изобличив их в Себе.Select Colossians 2:15

16Да никтоже убо вас осуждает о ядении, или о питии, или о части праздника, или о новомесячиих, или о субботах:Select Colossians 2:16

17яже суть стень грядущих, тело же Христово.Select Colossians 2:17

18Никтоже вас да прельщает изволенным ему смиреномудрием и службою Ангелов, яже не уведе учя, без ума дмяся от ума плоти своея,Select Colossians 2:18

19а не держя главы, из неяже все тело, составы и соузы подаемо и снемлемо, растит возращение Божие.Select Colossians 2:19

20Аще убо умросте со Христом от стихий мира, почто аки живуще в мире стязаетеся?Select Colossians 2:20

21Не коснися, ниже вкуси, ниже осяжи:Select Colossians 2:21

22яже суть вся во истление употреблением, по заповедем и учением человеческим:Select Colossians 2:22

23яже суть слово убо имуща премудрости в самовольней службе и смиреномудрии и непощадении тела, не в чести коей к сытости плоти.Select Colossians 2:23