3Colossians 3

1Аще убо воскреснусте со Христом, вышних ищите, идеже есть Христос о десную Бога седя:Select Colossians 3:1

2горняя мудрствуйте, (а) не земная.Select Colossians 3:2

3Умросте бо, и живот ваш сокровен есть со Христом в Бозе:Select Colossians 3:3

4егда же Христос явится, живот ваш, тогда и вы с Ним явитеся в славе.Select Colossians 3:4

5Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,Select Colossians 3:5

6ихже ради грядет гнев Божии на сыны противления.Select Colossians 3:6

7В нихже и вы иногда ходисте, егда живясте в них.Select Colossians 3:7

8Ныне же отложите и вы та вся: гнев, ярость, злобу, хуление, срамословие от уст ваших:Select Colossians 3:8

9не лжите друг на друга, совлекшеся ветхаго человека с деяньми егоSelect Colossians 3:9

10и облекшеся в новаго, обновляемаго в разум по образу Создавшаго его,Select Colossians 3:10

11идеже несть Еллин, ни Иудей, обрезание и необрезание, варвар и Скиф, раб и свободь, но всяческая и во всех Христос.Select Colossians 3:11

12Облецытеся убо якоже избраннии Божии, святи и возлюбленни, во утробы щедрот, благость, смиреномудрие, кротость и долготерпение,Select Colossians 3:12

13приемлюще друг друга и прощающе себе, аще кто на кого имать поречение: якоже и Христос простил есть вам, тако и вы.Select Colossians 3:13

14Над всеми же сими (стяжите) любовь, яже есть соуз совершенства:Select Colossians 3:14

15и мир Божии да водворяется в сердцах ваших, в оньже и звани бысте во едином теле: и благодарни бывайте.Select Colossians 3:15

16Слово Христово да вселяется в вас богатно, во всякой премудрости: учаще и вразумляюще себе самех во псалмех и пениих и песнех духовных, во благодати поюще в сердцах ваших Господеви.Select Colossians 3:16

17И все, еже аще что творите словом или делом, вся во имя Господа Иисуса Христа, благодаряще Бога и Отца Тем.Select Colossians 3:17

18Жены, повинуйтеся своим мужем, якоже подобает о Господе.Select Colossians 3:18

19Мужие, любите жены вашя, и не огорчайтеся к ним.Select Colossians 3:19

20Чада, послушайте родителей (своих) во всем: сие бо угодно есть Господеви.Select Colossians 3:20

21Отцы, не раздражайте чад ваших, да не унывают.Select Colossians 3:21

22Раби, послушайте по всему плотских господии (ваших), не пред очима точию работающе аки человекоугодницы, но в простоте сердца, боящеся Бога.Select Colossians 3:22

23И всяко, еже аще что творите, от души делайте, якоже Господу, а не человеком,Select Colossians 3:23

24ведяще, яко от Господа приимете воздаяние достояния: Господу бо Христу работаете.Select Colossians 3:24

25А обидяй восприимет, еже обиде: и несть лица обиновения.Select Colossians 3:25