4Colossians 4

1Господие, правду и уравнение рабом подавайте, ведяще, яко и вы имате Господа на небесех.Select Colossians 4:1

2В молитве терпите, бодрствующе в ней со благодарением:Select Colossians 4:2

3молящеся и о нас вкупе, да Бог отверзет нам двери слова, проглаголати тайну Христову, еяже ради и связан есмь:Select Colossians 4:3

4да явлю ю, якоже подобает ми глаголати.Select Colossians 4:4

5В премудрости ходите ко внешним, время искупующе.Select Colossians 4:5

6Слово ваше (да бывает) всегда во благодати, солию растворено, ведети, како подобает вам единому комуждо отвещавати.Select Colossians 4:6

7Иже о мне, вся скажет вам Тихик, возлюбленный брат и верен служитель и соработник о Господе,Select Colossians 4:7

8егоже послах к вам на се истое, да разумеет яже о вас и утешит сердца ваша,Select Colossians 4:8

9со Онисимом, верным и возлюбленным братом нашим, иже есть от вас: вся вам скажут, яже зде.Select Colossians 4:9

10Целует вы Аристарх спленник мой, и Марко анепсий Варнавин, о немже приясте заповеди: аще приидет к вам, приимите его:Select Colossians 4:10

11и Иисус нареченный Иуст, сущий от обрезания: сии едини споспешницы во Царство Божие, иже быша ми утешение.Select Colossians 4:11

12Целует вы Епафрас, иже от вас, раб Иисуса Христа, всегда подвизаяйся о вас в молитвах, да будете совершени и исполнени во всяцей воли Божией.Select Colossians 4:12

13Свидетелствую бо о нем, яко имать ревность многу (и болезнь) о вас и о сущих в Лаодикии и во Иераполи.Select Colossians 4:13

14Целует вы Лука врачь возлюбленный, и Димас.Select Colossians 4:14

15Целуйте братию сущую в Лаодикии, и Нимфана, и домашнюю его церковь.Select Colossians 4:15

16И егда прочтется послание сие у вас, сотворите, да и в Лаодикиистей церкви прочтено будет, и написаное от Лаодикии да и вы прочтете.Select Colossians 4:16

17И рцыте Архиппу: блюди служение, еже приял еси о Господе, да довершиши е.Select Colossians 4:17

18Целование моею рукою Павлею. Поминайте моя узы. Благодать со (всеми) вами. Аминь.Select Colossians 4:18