10Deuteronomy 10

1Во оно время рече Господь ко мне: истеши себе две скрижали каменны якоже первыя, и взыди ко Мне на гору, и да сотвориши себе ковчег древян:Select Deuteronomy 10:1

2и напишу на скрижалех словеса, яже бяху на скрижалех первых, ихже сокрушил еси, и да вложиши я в ковчег.Select Deuteronomy 10:2

3И сотворих ковчег от древ негниюших, и истесах две скрижали каменны якоже и первыя, и взыдох на гору: и обе скрижали во юбою руку моею:Select Deuteronomy 10:3

4и написа на скрижалех по писанию первому десять словес, яже глагола Господь к вам на горе от среды огня, и даде я Господь мне.Select Deuteronomy 10:4

5И обратився снидох с горы, и вложих скрижали в ковчег, егоже сотворих: и беста ту, якоже повеле ми Господь.Select Deuteronomy 10:5

6И сынове Израилевы воздвигошася от Вирофа сынов Иакимлих в Мисадай: тамо умре Аарон, и погребен бысть ту, и бысть жрец Елеазар сын его вместо его.Select Deuteronomy 10:6

7Оттуду же воздвигошася в Гадгад, и от Гадгада до Етавафа, земли водотечи вод.Select Deuteronomy 10:7

8Во оно время отдели Господь племя Левиино носити ковчег завета Господня, предстояти пред Господем, служити и молитися и благословляти о имени Его до днешняго дне:Select Deuteronomy 10:8

9сего ради несть левитом части и жребия в братии их: Господь Сам жребий их, якоже рече им.Select Deuteronomy 10:9

10И аз стоях на горе четыредесять дний и четыредесять нощей, и послуша Господь мене и во время сие, и не восхоте Господь погубити вас.Select Deuteronomy 10:10

11И рече Господь ко мне: гряди, воздвигнися пред людьми сими, и да внидут и наследят землю, еюже кляхся отцем их, дати ю им.Select Deuteronomy 10:11

12И ныне, Израилю, что просит Господь Бог твой у тебе, точию еже боятися Господа Бога твоего и ходити во всех путех Его, и любити Его и служити Господу Богу твоему от всего сердца твоего и от всея души твоея,Select Deuteronomy 10:12

13хранити заповеди Господа Бога твоего и оправдания Его, елика аз заповедаю тебе днесь, да благо тебе будет?Select Deuteronomy 10:13

14Се, Господа Бога твоего небо и небо небесе, земля и вся елика суть на ней:Select Deuteronomy 10:14

15обаче отцы вашы произволи Господь любити их, и избра семя их по них, вас, паче всех язык, в день сей.Select Deuteronomy 10:15

16И обрежите жестокосердие ваше, и выи вашея не ожесточите ктому:Select Deuteronomy 10:16

17ибо Господь Бог ваш сей Бог богов и Господь господей, Бог великий и крепкий и страшный, иже не дивится лицу, ниже вземлет дара:Select Deuteronomy 10:17

18творяй суд пришелцу и сиру и вдовице, и любит пришелца дати ему хлеб и ризу.Select Deuteronomy 10:18

19И возлюбите пришелца: пришелцы бо бесте в земли Египетстей.Select Deuteronomy 10:19

20Господа Бога твоего да убоишися, и Тому (единому) послужиши, и к Нему прилепишися, и именем Его кленешися:Select Deuteronomy 10:20

21Той хвала твоя и Той Бог твой, иже сотвори тебе великая и славная сия, яже видесте очи твои:Select Deuteronomy 10:21

22в седмидесятих и пяти душах снидоша отцы твои во Египт: ныне же сотвори тя Господь Бог твой яко звезды небесныя множеством.Select Deuteronomy 10:22