17Deuteronomy 17

1Да не пожреши Господеви Богу твоему телца или овчате, на немже есть порок, всяк глагол зол: яко мерзость Господеви Богу твоему есть.Select Deuteronomy 17:1

2Аще же обрящется у тебе во единем от градов твоих, яже Господь Бог твои дает тебе, муж или жена, иже сотворит лукавое пред Господем Богом твоим, преступити завет Его:Select Deuteronomy 17:2

3и шедше послужат богом иным и поклонятся им, солнцу, или луне, или всякому яже от красоты небесныя, ихже не повелех тебе:Select Deuteronomy 17:3

4и возвестится тебе, и взыщеши зело, и се, истинно бысть слово, мерзость сотворися сия во Израили:Select Deuteronomy 17:4

5да изведеши человека того, или жену ту, иже сотвориша дело злое сие, пред двери, и побиете их камением, и да умрут.Select Deuteronomy 17:5

6При двою свидетелех или при трех да умрет: умираяй да не умрет при единем свидетели:Select Deuteronomy 17:6

7и рука свидетелей да будет на нем в первых, умертвити его, и рука всех людий послежде: и измите злое от вас самех.Select Deuteronomy 17:7

8Аще же неудоборешимо слово у тебе в суде между кровию и кровию, и между судом и судом, и между язвою и язвою, и между прением и прением, словеса судная в градех твоих, и востав взыдеши на место, еже изберет Господь Бог твой призвати имя Его тамо:Select Deuteronomy 17:8

9и приидеши к жерцем левитом, и к судии, иже будет в тыя дни, и взыскавше возвестят тебе суд:Select Deuteronomy 17:9

10и сотвориши по словеси, еже возвестят тебе от места, еже изберет Господь Бог твой призывати имя Его тамо, и да сохраниши зело творити вся, елика законоположатся тебе:Select Deuteronomy 17:10

11по закону и по суду, егоже рекут тебе, сотвориши, да не уклонишися от словесе, еже известят тебе, ни на десно, ни на лево.Select Deuteronomy 17:11

12И человек, иже сотворит в гордости, еже не послушати жерца предстоящаго служити во имя Господа Бога твоего, или судии, иже в тыя дни будет, да умрет человек той, и да измеши злое от Израиля:Select Deuteronomy 17:12

13и вси людие услышавше убоятся, и не будут нечествовати ктому.Select Deuteronomy 17:13

14Аще же внидеши в землю, юже Господь Бог твой дает тебе в жребий, и приимеши ю, и вселишися на ней, и речеши: поставлю князя над собою, якоже и прочии языцы, иже окрест мене:Select Deuteronomy 17:14

15поставляя да поставиши над собою князя, егоже изберет Господь Бог твой, от братии твоея да поставиши над собою князя, не возможеши поставити над собою князя человека чуждаго, яко не брат твой есть.Select Deuteronomy 17:15

16Обаче да не умножит себе коней, ниже да возвратит людий во Египет, яко да не умножит себе коней: Господь же рече вам: не приложите возвратитися путем сим ктому:Select Deuteronomy 17:16

17и да не умножит себе жен, да не превратится сердце его: и сребра и злата да не умножит себе зело.Select Deuteronomy 17:17

18И будет егда сядет на престоле власти своея, да напишет себе второзаконие сие в книзе от жерцев левитов,Select Deuteronomy 17:18

19и будет с ним, и да чтет ю во вся дни жития своего, да научится боятися Господа Бога своего и хранити вся заповеди сия и оправдания сия, творити я:Select Deuteronomy 17:19

20да не возвысится сердце его от братии его, да не преступит от заповедий ни на десно, ни на лево яко да будет многа лета во власти своей, той и сыны его с ним, в сынех Израилевых.Select Deuteronomy 17:20