18Deuteronomy 18

1Да не будет жерцем левитом всему племени Левиину части ниже жребия со Израилем: приношения Господу жребий их, да ядят я:Select Deuteronomy 18:1

2жребий же да не будет ему в братии его: Господь Сам жребий его, якоже рече ему.Select Deuteronomy 18:2

3И сей суд жерцев, яже от людий, от приносящих жертвы, аще телца, аще овцу: и даси жерцу рамо, и челюсти, и утробу:Select Deuteronomy 18:3

4и начатки пшеницы твоея и вина твоего и елеа твоего, и начаток стрижения овец твоих да даси ему:Select Deuteronomy 18:4

5яко того избра Господь Бог твой от всех племен твоих предстояти пред Господем Богом твоим, служити и благословити во имя Господне, той и сынове его во вся дни.Select Deuteronomy 18:5

6Аще же приидет левит от единаго градов ваших, от всех сынов Израилевых, идеже той обитает, якоже желает душа его, на место, еже изберет Господь,Select Deuteronomy 18:6

7да служит имени Господа Бога вашего, якоже и вся братия Его левити предстоящии тамо пред Господем:Select Deuteronomy 18:7

8часть отделеную да яст, кроме продажи яже по отечеству.Select Deuteronomy 18:8

9Аще же внидеши в землю, юже Господь Бог твой дает тебе, да не навыкнеши творити по мерзостем языков тех:Select Deuteronomy 18:9

10да не обрящется в тебе очищая сына своего и дщерь свою огнем, волхвуя волхвованием и чаруяй и птицеволшебствуяй,Select Deuteronomy 18:10

11чародей обавая обаванием, утробоволхвуяй и знаменосмотритель, и вопрошаяй мертвых:Select Deuteronomy 18:11

12есть бо мерзость Господеви Богу твоему всяк творяй сия: сих бо ради мерзостей потребит я Господь Бог твой от лица твоего.Select Deuteronomy 18:12

13Совершен да будеши пред Господем Богом твоим.Select Deuteronomy 18:13

14Языцы бо сии, ихже ты наследиши, сии чарований и волхвований послушают: тебе же не тако даде Господь Бог твой.Select Deuteronomy 18:14

15Пророка от братии твоея, якоже мене, возставит тебе Господь Бог твой, Того послушайте:Select Deuteronomy 18:15

16по всему, елико просил еси от Господа Бога твоего в Хориве в день собрания, глаголюще: да не приложим слышати гласа Господа Бога нашего, и огня великаго сего не увидим по сем, да не измрем.Select Deuteronomy 18:16

17И рече Господь ко мне: право вся, елика глаголаху к тебе:Select Deuteronomy 18:17

18Пророка возставлю им от среды братии их, якоже тебе: и вдам слово Мое во уста Его, и возглаголет им, якоже заповедаю Ему:Select Deuteronomy 18:18

19и человек той, иже не послушает словес Его, елика возглаголет Пророк оный во имя Мое, Аз отмщу от него:Select Deuteronomy 18:19

20обаче пророк, иже вознечествует глаголати во имя Мое слово, егоже не повелех ему глаголати, и иже аще возглаголет во имя богов инех, да умрет пророк той.Select Deuteronomy 18:20

21Аще же речеши в сердцы своем: како познаем слово, егоже не глагола Господь?Select Deuteronomy 18:21

22Елика аще возглаголет пророк во имя Господне, и не сбудется, и не случится слово сие, егоже не рече Господь: в нечестии глагола Пророк той, не убойтеся его.Select Deuteronomy 18:22