23Deuteronomy 23

1Да не входит каженик и скопец в сонм Господень.Select Deuteronomy 23:1

2Ниже да внидет блудородный во храм Господень до десятаго рода.Select Deuteronomy 23:2

3Да не внидет Амманитин и Моавитин в храм Господень: и даже до десятаго рода да не входит в храм Господень, и даже до века,Select Deuteronomy 23:3

4понеже не сретоша они вас с хлебы и водою на пути, исходящым вам из земли Египетския, и яко наяша на тя Валаама сына Веорова от Месопотамии, да тя прокленет:Select Deuteronomy 23:4

5и не восхоте Господь Бог твой послушати Валаама, и обрати Господь Бог твой клятвы в благословение, зане возлюби тя Господь Бог твой:Select Deuteronomy 23:5

6да не совещаеши мирная им и полезная им во вся дни твоя во веки.Select Deuteronomy 23:6

7Да не возгнушаешися Идумеанином, яко брат твой есть: да не возгнушаешися Египтянином, яко пришлец был еси в земли его:Select Deuteronomy 23:7

8сынове аще родятся им, в роде третием да внидут в храм Господень.Select Deuteronomy 23:8

9Аще же изыдеши ополчитися на враги твоя, и да сохранишися от всякаго слова зла.Select Deuteronomy 23:9

10Аще будет у тебе человек, иже не будет чист от излияния его нощию, и да изыдет вне полка, и да не внидет в полк:Select Deuteronomy 23:10

11и егда будет к вечеру, да омыет тело свое водою, и зашедшу солнцу да внидет в полк.Select Deuteronomy 23:11

12И место тебе да будет вне полка, и изыдеши тамо вон:Select Deuteronomy 23:12

13и рылец да будет тебе за поясом твоим, и будет егда сядеши вне, и да ископаеши им (яму), и навратив покрыеши стыдение твое в ней:Select Deuteronomy 23:13

14яко Господь Бог твой ходит в полце твоем избавляти тя и предати враги твоя в руце твои пред лицем твоим: и да будет полк твой свят, и да не явится у тебе стыдение вещи, и отвратится от тебе.Select Deuteronomy 23:14

15Да не предаси раба господину его, иже прииде к тебе от господина своего:Select Deuteronomy 23:15

16с тобою да обитает, с вами да живет во всяком месте, идеже угодно будет ему: да не оскорбиши его.Select Deuteronomy 23:16

17Да не будет блудница от дщерей Израилевых, и да не будет блудник от сынов Израилевым.Select Deuteronomy 23:17

18Да не принесеши мзды блудничи, ниже цене песии в дом Господа Бога твоего на всяк обет, яко мерзость суть Господеви Богу твоему и обоя.Select Deuteronomy 23:18

19Да не даси брату твоему в лихву сребра и в лихву пищей и в лихву всякия вещи, емуже аще взаим даси:Select Deuteronomy 23:19

20чуждему да даси в лихву, брату же твоему да не даси в лихву, да благословит тя Господь Бог твой во всех делех твоих на земли, в нюже входиши тамо наследити ю.Select Deuteronomy 23:20

21Аще же обещаеши обет Господеви Богу твоему, да не умедлиши воздати его, яко взыская взыщет Господь Бог твой от тебе, и будет на тебе грех:Select Deuteronomy 23:21

22аще же не восхощеши обещати, несть ти греха.Select Deuteronomy 23:22

23Исходящая на уст твоих сохрани и сотвори, имже образом обещал еси Господеви Богу твоему дар, егоже глаголал еси устами твоими.Select Deuteronomy 23:23

24Аще же внидеши на ниву ближняго своего, и собереши в руце свои класы, а серпа да не возложиши на ниву ближняго.Select Deuteronomy 23:24

25Аще же внидеши в виноград ближняго своего, да яси гроздие, елико души твоей насытитися, в сосуд же да не вложиши.Select Deuteronomy 23:25