24Deuteronomy 24

1Аще же кто поймет жену и поживет с нею, и будет аще не обрящет благодати пред ним, яко обрете в ней срамное дело, да напишет ей книгу отпущения и вдаст в руце ея, и да отпустит ю из дому своего,Select Deuteronomy 24:1

2и отшедши будет (жена) мужу иному:Select Deuteronomy 24:2

3и аще возненавидит ю муж вторый, и напишет ей книгу отпущения и даст ей в руце ея, и отпустит ю из дому своего, или умрет муж ея вторый, иже бе ю поял себе в жену:Select Deuteronomy 24:3

4не возможет муж первый, отпустивый ю, возвратив пояти ю себе в жену, по осквернении ея, яко гнусно есть пред Господем Богом твоим: и да не осквернавите земли, юже Господь Бог ваш дает вам в наследие.Select Deuteronomy 24:4

5Аще же кто поймет жену внове, да не идет на брань, и да не наложится ему ни каяже вещь: неповинен будет в дому своем лето едино, да веселит жену свою, юже поял есть.Select Deuteronomy 24:5

6Да не возмеши в залог жерновных каменей, яко душу сей дает в залог.Select Deuteronomy 24:6

7Аще же ят будет человек крадый душу от братии своея сынов Израилевых, и насилием продает ю, да умрет тать той, и измите злое от вас самих.Select Deuteronomy 24:7

8Внемли себе в язве проказы, и храни зело творити по всему закон, егоже возвестят вам жерцы левити: якоже заповедах вам, да храните творити:Select Deuteronomy 24:8

9помяни, елика сотвори Господь Бог твой Мариаме на пути, исходящым вам из Египта.Select Deuteronomy 24:9

10Аще же долг есть на ближнем твоем, долг каковый либо, да не внидеши в дом его взяти залог его:Select Deuteronomy 24:10

11вне станеши, и человек той, на немже есть долг твой, изнесет залог вон.Select Deuteronomy 24:11

12Аще же человек убог есть, да не преноществует залог его у тебе:Select Deuteronomy 24:12

13отданием да отдаси ризу его до захождения солнца, и да почиет в ризе своей, и благословит тя, и будет тебе милость пред Господем Богом твоим.Select Deuteronomy 24:13

14Да не лишиши мзды убогаго и требующаго от братии твоея, или от пришлец иже во градех твоих:Select Deuteronomy 24:14

15в той же день да отдаси мзду ему, да не зайдет солнце ему, яко убог есть, и в том имать надежду, и да не возопиет на тя к Господеви, и будет тебе грех.Select Deuteronomy 24:15

16Да не умрут отцы за сыны, и сынове да не умрут за отцы: кийждо за свой грех да умрет.Select Deuteronomy 24:16

17Не уклониши суда пришелцу и сиру и вдове, и да не вземлеши в залог ризы вдовичи,Select Deuteronomy 24:17

18и помянеши, яко раб (и ты) был еси в земли Египетстей, и свободи тя Господь Бог твой оттуду: сего ради аз тебе заповедаю творити сие слово.Select Deuteronomy 24:18

19Аще же пожнеши ниву твою на селе твоем, и забудеши сноп на ниве твоей, да не возвратишися взяти его: пришелцу и убогу, и сиру и вдове да будет, да благословит тя Господь Бог твой во всех делех руку твоею.Select Deuteronomy 24:19

20Аще же масличие собираеши, да не возвратишися останков собрати яже за тобою: пришелцу и сиру и вдове да будут: и воспомянеши, яко раб был еси в земли Египетстей: сего ради аз тебе заповедаю творити слово сие.Select Deuteronomy 24:20

21Аше же обираеши виноград твой, да не собираеши останков яже за тобою: пришелцу и сиру и вдове да будут:Select Deuteronomy 24:21

22и помянеши, яко раб был еси в земли Египетстей: сего ради аз тебе заповедаю творити сие слово.Select Deuteronomy 24:22