27Deuteronomy 27

1И заповеда Моисей и старейшины сынов Израилевых, глаголя: сохраните вся заповеди сия, елики аз заповедаю вам днесь.Select Deuteronomy 27:1

2И будет в оньже день прейдете Иордан на землю, юже Господь Бог твой дает тебе во жребий, и поставиши себе камение велико и обелиши я мелом,Select Deuteronomy 27:2

3и напишеши на каменех тех вся словеса закона сего, егда прейдете Иордан, егда внидете в землю, юже Господь Бог твой дает тебе, землю кипящую медом и млеком, якоже рече Господь Бог отец твоих тебе.Select Deuteronomy 27:3

4И будет егда прейдете Иордан, да поставите камение сие, яже аз повелеваю вам днесь, в горе Гевал, и побелиши их мелом:Select Deuteronomy 27:4

5и да созиждеши тамо олтарь Господеви Богу твоему, олтарь от камения: да не возложиши на них железа:Select Deuteronomy 27:5

6камением всецелым да созиждеши олтарь Господеви Богу твоему и вознесеши на нем всесожжения Господеви Богу твоему,Select Deuteronomy 27:6

7и пожреши жертву спасения: и яси, и насытишися тамо, и возвеселишися пред Господем Богом твоим,Select Deuteronomy 27:7

8и напишеши на камениих сих весь закон сей яве зело.Select Deuteronomy 27:8

9И глагола Моисей и жерцы левити всему Израилю, глаголюще: молчи и слыши, Израилю, в день сей стался еси в люди Господеви Богу твоему:Select Deuteronomy 27:9

10и да послушаеши гласа Господа Бога твоего, и да сотвориши вся заповеди Его и оправдания Его, яже аз заповедаю тебе днесь.Select Deuteronomy 27:10

11И заповеда Моисей людем в той день, глаголя:Select Deuteronomy 27:11

12сии да станут благословляти люди на горе Гаризин, прешедше Иордан: Симеон, Левий, Иуда, Иссахар, Иосиф и Вениамин:Select Deuteronomy 27:12

13и сии да станут на клятву на горе Гевал: Рувим, Гад и Асир, Завулон, Дан и Неффалим.Select Deuteronomy 27:13

14И отвещавше рекут левити всему Израилю гласом великим:Select Deuteronomy 27:14

15проклят человек, иже сотворит изваяние и слияние, мерзость Господеви, дело рук художника, и положит е в сокровении. И отвещавше вси людие рекут: буди.Select Deuteronomy 27:15

16Проклят безчестяй отца своего или матерь свою. И рекут вси людие: буди.Select Deuteronomy 27:16

17Проклят прелагаяй пределы ближняго своего. И рекут вси людие буди.Select Deuteronomy 27:17

18Проклят прельщаяй слепаго в пути. И рекут вси людие: буди.Select Deuteronomy 27:18

19Проклят, иже уклонит суд пришелцу и сироте и вдове. И рекут вси людие: буди.Select Deuteronomy 27:19

20Проклят лежай с женою отца своего, яко открыл есть покровение отца своего. И рекут вси людие: буди.Select Deuteronomy 27:20

21Проклят лежай со всяким скотом. И рекут вси людие: буди.Select Deuteronomy 27:21

22Проклят лежай с сестрою своею, дщерию отца своего или дщерию матере своея и рекут вси людие: буди.Select Deuteronomy 27:22

23Проклят лежай с тещею своею. И рекут вси людие: буди. Проклят лежай с сестрою жены своея. И рекут вси людие: буди.Select Deuteronomy 27:23

24Проклят бияй ближняго с лестию. И рекут вси людие: буди.Select Deuteronomy 27:24

25Проклят, иже возмет дары поразити душу крове неповинныя. И рекут вси людие: буди.Select Deuteronomy 27:25

26Проклят всяк человек, иже не пребудет во всех словесех закона сего, еже творити я. И рекут вси людие: буди.Select Deuteronomy 27:26