28Deuteronomy 28

1И будет егда прейдете Иордан в землю, юже Господь Бог ваш дает вам, аще слухом послушаете гласа Господа Бога вашего хранити и творити вся заповеди Его, яже аз заповедаю тебе днесь, и даст тя Господь Бог твой вышше всех язык земли:Select Deuteronomy 28:1

2и приидут на тя вся благословения сия и обрящете тя. Аще слухом послушаеши гласа Господа Бога твоего,Select Deuteronomy 28:2

3благословен ты во граде и благословен ты на селе,Select Deuteronomy 28:3

4благословена исчадия чрева твоего и плоды земли твоея, и стада волов твоих и паствы овец твоих,Select Deuteronomy 28:4

5благословены житницы твои и останцы твои,Select Deuteronomy 28:5

6благословен ты внегда входити тебе и благословен ты внегда исходити тебе.Select Deuteronomy 28:6

7Да предаст тебе Господь Бог враги твоя, сопротивящыяся тебе, сокрушены пред лицем твоим: путем единем изыдут на тя и седмию путьми побежат от лица твоего.Select Deuteronomy 28:7

8Да послет Господь на тя благословение в хранилищах твоих и на вся, на няже возложиши руку твою на земли, юже Господь Бог твой дает тебе.Select Deuteronomy 28:8

9Да возставит тя Господь Бог твой Себе люд свят, якоже клятся отцем твоим. Аще послушаеши гласа Господа Бога твоего и ходити будеши в путех Его,Select Deuteronomy 28:9

10и узрят тя вси языцы земнии яко имя Господа (Бога твоего) призвася на тя, и убоятся тебе,Select Deuteronomy 28:10

11и умножит тя Господь Бог твой во благая во исчадиех утробы твоея и во исчадиех скотов твоих, и в плодех земли твоея, на земли твоей, юже клятся Господь отцем твоим дати тебе.Select Deuteronomy 28:11

12Да отверзет тебе Господь сокровище Свое благое, небо, иже дати дождь земли твоей во время свое, да благословит вся дела рук твоих: и даси взаим языком многим, ты же не одолжишися: и обладаеши ты многими языки, тобою же не возобладают.Select Deuteronomy 28:12

13Да поставит тя Господь Бог твой во главу, а не в хвост: и будеши тогда выше, и не будеши ниже, аще послушаеши заповедий Господа Бога твоего, елика аз заповедаю тебе днесь хранити и творити:Select Deuteronomy 28:13

14да не преступиши от всех словес, яже аз заповедаю тебе днесь, на десно ниже на лево, ходити вслед богов иных служити им.Select Deuteronomy 28:14

15И будет аще не послушаеши гласа Господа Бога твоего хранити и творити вся заповеди Его, елики аз заповедаю тебе днесь, и приидут на тя вся клятвы сия и постигнут тя:Select Deuteronomy 28:15

16проклят ты во граде и проклят ты на селе,Select Deuteronomy 28:16

17прокляты житницы твои и останки твои,Select Deuteronomy 28:17

18проклята исчадия утробы твоея и плоды земли твоея, стада волов твоих и паствы овец твоих,Select Deuteronomy 28:18

19проклят ты внегда входити тебе и проклят ты внегда исходити тебе.Select Deuteronomy 28:19

20Да послет тебе Господь скудость и глад и истребление на вся, на няже возложиши руку твою, елика аще сотвориши, дондеже потребит тя и дондеже погубит тя вскоре, злых ради начинаний твоих, зане оставил еси Мя.Select Deuteronomy 28:20

21Да прилепит Господь к тебе смерть, дондеже потребит тя от земли, в нюже ты входиши тамо наследити ю.Select Deuteronomy 28:21

22Да поразит тя Господь неимением и огневицею, и стужею и жжением, и убийством и ветром тлетворным и бледостию, и поженут тя, дондеже погубят тя.Select Deuteronomy 28:22

23И будет небо над главою твоею медяно и земля под тобою железна.Select Deuteronomy 28:23

24Да даст Господь дождь земли твоей прах, и персть с небесе снидет на тя, дондеже сокрушит тя и дондеже погубит тя.Select Deuteronomy 28:24

25Да даст тя Господь на изсечение пред враги твоими: путем единем изыдеши к ним и седмию пути побежиши от лица их, и будеши в разсеяние во всех царствах земных,Select Deuteronomy 28:25

26и будут мертвецы ваши снедь птицам небесным и зверем земным, и не будет отгоняяй.Select Deuteronomy 28:26

27Да поразит тя Господь вредом Египетским в седалищах и крастою дивиею и свербом, яко не мощи тебе исцелитися.Select Deuteronomy 28:27

28Поразит тя Господь неистовством и слепотою и изступлением ума,Select Deuteronomy 28:28

29и будеши осязаяй в полудни, якоже осязает слепый во тме, и не исправит путий твоих: и будеши тогда обидим и расхищаемь во вся дни, и не будет помогаяй тебе.Select Deuteronomy 28:29

30Жену поймеши, и ин муж возимеет ю: дом созиждеши, и не поживеши в нем: виноград насадиши, и не обереши его:Select Deuteronomy 28:30

31телец твой заклан пред тобою, и не снеси от него: осля твое отято от тебе, и не отдастся тебе: овцы твоя отданы (будут) врагом твоим, и не будет тебе помогаяй:Select Deuteronomy 28:31

32сынове твои и дщери твоя отданы (будут) языку иному, и очи твои узрят истаевающе на сия, и не возможет рука твоя:Select Deuteronomy 28:32

33плоды земли твоея и вся труды твоя пояст язык, егоже не веси, и будеши обидимь и сокрушаем во вся дни,Select Deuteronomy 28:33

34и будеши изумлен, видений ради очес твоих, яже узриши.Select Deuteronomy 28:34

35Да поразит тя Господь вредом злым на коленах и на голенех, яко не мощи исцелитися тебе от стоп ног твоих даже до верха (главы) твоея.Select Deuteronomy 28:35

36Да отведет тя Господь и князи твоя, яже поставиши себе, в язык, егоже не веси ты и отцы твои, и послужиши тамо богом иным, древу и камению,Select Deuteronomy 28:36

37и будеши тамо в гадание и в притчу и повесть во всех языцех, в няже введет тя Господь (Бог) тамо.Select Deuteronomy 28:37

38Семя много изнесеши на поле, и мало внесеши, яко поядят я прузи:Select Deuteronomy 28:38

39виноград насадиши и возделаеши, и вина не испиеши, ниже возвеселишися от него, яко пояст я червь:Select Deuteronomy 28:39

40маслины будут тебе во всех пределех твоих, и елеем не помажешися, яко истечет маслина твоя:Select Deuteronomy 28:40

41сыны и дщери родиши, и не будут тебе, отидут бо в плен:Select Deuteronomy 28:41

42вся древесная твоя и вся жита земли твоея потребит ржа:Select Deuteronomy 28:42

43пришлец, иже есть у тебе, взыдет над тя выше выше, ты же низидеши низу низу:Select Deuteronomy 28:43

44сей взаим даст тебе, ты же ему взаим не даси: сей будет глава, ты же будеши хвост.Select Deuteronomy 28:44

45И приидут на тя вся клятвы сия, и поженут тя и постигнут тя, дондеже потребят тя и дондеже погубят тя: яко не послушал еси гласа Господа Бога твоего, еже хранити заповеди Его и оправдания Его, елика заповеда тебе.Select Deuteronomy 28:45

46И будут на тебе знамения и чудеса, и в семени твоем до века,Select Deuteronomy 28:46

47понеже не послужил еси Господеви Богу твоему с веселием и благим сердцем, множества ради всех (благих),Select Deuteronomy 28:47

48и послужиши врагом твоим, яже послет Господь Бог твой на тя с гладом и жаждею, и наготою и оскудеением всех: и возложит ярем железен на выю твою, дондеже сокрушит тя.Select Deuteronomy 28:48

49И наведет Господь на тя язык издалеча от края земли аки устремление орле, язык, егоже не уразумееши глагола,Select Deuteronomy 28:49

50язык безстуден лицем, иже не удивится лицу старчу и юна не помилует:Select Deuteronomy 28:50

51и пояст плоды скотов твоих и плоды земли твоея, яко не оставит тебе пшеницы, ни вина, ни елеа, стад волов твоих и паств овец твоих, дондеже погубит тя:Select Deuteronomy 28:51

52и сокрушит тя во всех градех твоих, дондеже разорятся стены твоя высокия и крепкия, на нихже ты уповаеши, во всей земли твоей: и озлобит тя во всех градех твоих, яже даде тебе Господь Бог твой.Select Deuteronomy 28:52

53И снеси чада утробы твоея, плоть сынов и дщерей твоих, ихже даде тебе Господь Бог твой, в тесноте твоей и в скорби твоей, еюже оскорбит тя враг твой.Select Deuteronomy 28:53

54Юный в вас и младый зело позавидит оком своим брату своему и жене яже на лоне его, и оставшымся чадом, яже аще останутся ему:Select Deuteronomy 28:54

55яко дати единому их от плотей чад своих, ихже ял еси, понеже ничто остася ему в тесноте и скорби твоей, еюже оскорбят тя врази твои во всех градех твоих.Select Deuteronomy 28:55

56И юная в вас (жена) и млада зело, еяже не обыче нога ея ходити по земли юности ради и младости, позавидит оком своим мужу своему иже на лоне ея, и сыну и дщери своей,Select Deuteronomy 28:56

57и блоне своей изшедшей из чресл ея, и чаду своему еже аще родит: снест бо я тайно, скудости ради всех в тесноте и скорби своей, еюже оскорбит тя враг твой во всех градех твоих.Select Deuteronomy 28:57

58Аще не послушаете творити вся словеса закона сего, написанная в книзе сей, еже боятися имене чуднаго и чуднаго сего, Господа Бога твоего,Select Deuteronomy 28:58

59и удивит Господь язвы твоя и язвы семене твоего, язвы великия и дивныя, и болезни злыя и известныя,Select Deuteronomy 28:59

60и обратит на тя всю болезнь Египетскую злую, еяже ты боялся еси от лица их, и прилепятся к тебе:Select Deuteronomy 28:60

61и все разслабление, и всю язву ненаписанную и всю писаную в книзе закона сего наведет Господь на тя, дондеже потребит тя:Select Deuteronomy 28:61

62и останетеся в числе малем, вместо того егда бысте яко звезды небесныя множеством, яко не послушасте гласа Господа Бога вашего.Select Deuteronomy 28:62

63И будет, якоже возвеселися Господь о вас благотворити вам и умножити вас, тако возвеселится Господь о вас потребити вас: и возметеся от земли, в нюже вы входите тамо наследити ю,Select Deuteronomy 28:63

64и разсеет тя Господь Бог твой во вся языки, от края земли даже до края ея, и послужиши тамо богом иным, древу и камению, ихже не знал еси ты и отцы твои:Select Deuteronomy 28:64

65но и во языцех онех не упокоит тя, ниже будет стояния стопе ноги твоея: и даст тебе Господь тамо сердце печальное и оскудевающая очеса и истаявающую душу:Select Deuteronomy 28:65

66и будет живот твой висящь пред очима твоима, и убоишися во дни и в нощи, и не будеши веры яти житию твоему:Select Deuteronomy 28:66

67заутра речеши: како будет вечер? И в вечер речеши: како будет утро? От страха сердца твоего, имже убоишися, и от видении очес твоих, имиже узриши:Select Deuteronomy 28:67

68и возвратит тя Господь Бог во Египет в кораблех, и на пути егоже рекох, не приложите ксему видети его: и продани будете тамо врагом вашым в рабы и в рабыни, и не будет купующаго.Select Deuteronomy 28:68