33Deuteronomy 33

1И сие благословение, имже благослови Моисей человек Божий сыны Израилевы прежде скончания своего,Select Deuteronomy 33:1

2и рече: Господь от Синаи прииде, и явися от Сиира нам, и приспе от горы Фарани, и прииде со тмами святых, одесную Его ангели с ним,Select Deuteronomy 33:2

3и пощаде люди Своя: и вси освященнии под руками Твоими, и сии под Тобою суть.Select Deuteronomy 33:3

4И прия от словес Его закон, егоже заповеда нам Моисей, наследие сонму Иаковлю:Select Deuteronomy 33:4

5и будет в Возлюбленнем князь, собравшымся князем людским купно с племены Израилевыми.Select Deuteronomy 33:5

6Да живет Рувим, и да не умрет, и Симеон да будет мног числом.Select Deuteronomy 33:6

7И сие Иуде: услыши, Господи, глас Иудин и в люди его вниди: руце его поборют по нем, и помощник на враги его да будеши.Select Deuteronomy 33:7

8И Левию рече: дадите Левию явленная Его, и истину Его мужу преподобну, егоже искусиша Искушением, укориша его у воды Пререкания:Select Deuteronomy 33:8

9глаголяй отцу своему и матери своей: не видех тебе: и братии своея не позна, и сынов своих не уведе: сохрани словеса Твоя и завет Твой соблюде:Select Deuteronomy 33:9

10явят оправдания Твоя Иакову и закон Твой Израилю: возложат фимиам во гневе Твоем всегда на олтарь Твой:Select Deuteronomy 33:10

11благослови, Господи, крепость его и дела руку его приими: порази чресла воставших на него врагов его, и ненавидящии его да не востанут.Select Deuteronomy 33:11

12И Вениамину рече: возлюбленный Господем уповаяй вселится (в Нем), и Бог осеняет его во вся дни, и посреде рамен Его почи.Select Deuteronomy 33:12

13И Иосифови рече: от благословения Господня земля его, от красот небесных и росы, и от бездн источников низу,Select Deuteronomy 33:13

14и во время плодов солнечных обращений, и от схождений месячных,Select Deuteronomy 33:14

15и от верха гор начала, и от верха холмов вечных,Select Deuteronomy 33:15

16и по времени земли исполнения: и приятная Явившемуся в купине, да приидут на главу Иосифу, и на версе прославивыйся в братии.Select Deuteronomy 33:16

17Первородный юнца доброта его, рози единорога рози его: ими языки избодет вкупе даже до края земли: сия тмы Ефремовы, и сия тысящи Манассиины.Select Deuteronomy 33:17

18И Завулону рече: возвеселися, Завулоне, во исходе твоем, и Иссахаре в селениих твоих:Select Deuteronomy 33:18

19языки потребят: и призовете тамо, и пожрете тамо жертву правды: яко богатство морское воздоит тя, и купли от язык при мори живущих.Select Deuteronomy 33:19

20И Гаду рече: благословен разширяяй Гада: яко лев почи, сокрушивый мышцу и князя:Select Deuteronomy 33:20

21и виде начатки своя, яко тамо разделися земля, князей собранных вкупе с началники людскими: правду Господь сотвори и суд Свой со Израилем.Select Deuteronomy 33:21

22И Дану рече: Дан, скимен львов, и изскочит от Васана.Select Deuteronomy 33:22

23И Неффалиму рече: Неффалиму насыщение приятных, и да насытится благословением от Господа: море и юг наследит.Select Deuteronomy 33:23

24И Асиру рече: благословен от чад Асир, и будет приятен братии своей: омочит в елей ногу свою:Select Deuteronomy 33:24

25железо и медь сапог его будет, и аки дни твоя крепость твоя.Select Deuteronomy 33:25

26Несть якоже Бог Возлюбленнаго: восходяй на небо помощник твой, и великолепый в тверди:Select Deuteronomy 33:26

27и покрыет тя Божие начало, и под крепостию мышцей вечных: и отженет от лица твоего врага, глаголя: да погибнеши:Select Deuteronomy 33:27

28и вселится Израиль уповая един на земли Иаковли в вине и пшенице: и небо ему облачно росою.Select Deuteronomy 33:28

29Блажен еси, Израилю: кто подобен тебе, людие спасаемии от Господа? Защитит помощник твой, и мечь хвала твоя: и солжут тебе врази твои, и ты на выю их наступиши.Select Deuteronomy 33:29