34Deuteronomy 34

1И взыде Моисей от аравофа Моавля на гору Навав, на верх Фазга, яже есть прямо Иерихону: и показа ему Господь всю землю Галаадску даже до Дана,Select Deuteronomy 34:1

2и всю землю Неффалимлю, и всю землю Ефремову и Манассиину, и всю землю Иудину даже до моря последняго,Select Deuteronomy 34:2

3и пустыню и окрестная (села) Иерихона, град Фиников даже до Сигора,Select Deuteronomy 34:3

4и рече Господь к Моисею: сия земля, еюже кляхся Аврааму и Исааку и Иакову, глаголя: семени вашему дам ю: и показах ю очесем твоим, и тамо не внидеши.Select Deuteronomy 34:4

5И скончася тамо Моисей раб Господень в земли Моавли словом Господним.Select Deuteronomy 34:5

6И погребоша его в земли Моавли близ дому Фогорова. И не уведа никтоже погребения его даже до дне сего.Select Deuteronomy 34:6

7Моисею же бе сто и двадесять лет, егда скончася: не отемнесте очи его, ни истлеста устне его.Select Deuteronomy 34:7

8И плакашася сынове Израилевы Моисеа во Аравофе Моавли у Иордана близ Иерихона тридесять дний. И скончашася дние плача сетования о Моисей.Select Deuteronomy 34:8

9И Иисус сын Навин наполнися духа разума: возложи бо Моисей руце свои на него. И послушаша его сынове Израилевы, и сотвориша якоже заповеда Господь Моисею.Select Deuteronomy 34:9

10И не воста ктому пророк во Израили якоже Моисей, егоже позна Господь лицем к лицу,Select Deuteronomy 34:10

11во всех знамениих и чудесех, егоже посла Господь сотворити я в земли Египетстей фараону и рабом его и всей земли его,Select Deuteronomy 34:11

12дивная великая, и руку крепкую (и мышцу высокую), яже сотвори Моисей пред всем Израилем.Select Deuteronomy 34:12