13Exodus 13

1И рече Господь к Моисею глаголя:Select Exodus 13:1

2освяти Ми всякаго первенца перворожденнаго, разверзающаго всякая ложесна в сынех Израилевых от человека до скота, яко Мне есть.Select Exodus 13:2

3Рече же Моисей к людем: помните день сей, в оньже изыдосте от земли Египетския, из дому работы: рукою бо крепкою изведе вас Господь отсюду: и не ядите квасна,Select Exodus 13:3

4понеже в днешний день исходите в месяце плодов новых:Select Exodus 13:4

5и будет, егда введет тя Господь Бог твой в землю Хананейску и Хеттейску, и Аморрейску и Евейску, и Иевусейску и Гергесейску и Ферезейску, еюже клятся ко отцем твоим, дати тебе землю точащую млеко и мед, и сотвориши службу сию сего месяца:Select Exodus 13:5

6шесть дний ядите опресноки, в седмый же день праздник Господу,Select Exodus 13:6

7опресноки ядите седмь дний: да не явится тебе квасное, ниже будет тебе квас во всех пределех твоих,Select Exodus 13:7

8и возвестиши сыну твоему в день он, глаголя: сего ради сотворил Господь Бог мне, егда исхождах из Египта:Select Exodus 13:8

9и будет тебе знамение на руце твоей, и воспоминание пред очима твоима, яко да будет закон Господнь во устех твоих, рукою бо крепкою изведе тя Господь Бог из Египта:Select Exodus 13:9

10и сохраните закон сей по временом уставленым, от дний до дний,Select Exodus 13:10

11и будет егда введет тя Господь Бог твой в землю Хананейску, якоже кляся отцем твоим, и даст ю тебе:Select Exodus 13:11

12и отлучиши всякое разверзающее ложесна, мужеск пол Господу: всякое разверзающее ложесна от стад или от скот твоих, елика будут тебе, мужеск пол освятиши Господу:Select Exodus 13:12

13всякое разверзающее утробу ослю премениши овцею: аще же не премениши, искупиши е: и всякаго первенца человеча сынов твоих да искупиши:Select Exodus 13:13

14аще же вопросит тя сын твой по сих, глаголя: что сие? И речеши ему: яко рукою крепкою изведе нас Господь из земли Египетския, из дому работы,Select Exodus 13:14

15егда бо ожесточися фараон отпустити нас, изби Господь всякаго первенца в земли Египетстей, от первенца человеча до первенца скотия: сего ради аз в жертву приношу всякое разверзающее ложесна, мужеск пол Господу, и всякаго первенца сынов моих искуплю,Select Exodus 13:15

16и будет в знамение на руце твоей, и непоколебимо пред очесы твоими: рукою бо крепкою изведе тя Господь из Египта.Select Exodus 13:16

17Егда же отпусти фараон люди, не поведе их Бог путем земли Филистимския, яко близ бяше, ибо рече Бог: да не когда раскаются людие, видевше рать, и возвратятся во Египет.Select Exodus 13:17

18И обведе Бог люди путем, иже в пустыню к Чермному морю. Пятаго же рода изыдоша сынове Израилевы от земли Египетския.Select Exodus 13:18

19И взя Моисей кости Иосифовы с собою: клятвою бо закля Иосиф сыны Израилевы, глаголя: присещением присетит вас Господь, и изнесете отсюду кости моя с собою.Select Exodus 13:19

20Воздвигшеся же сынове Израилевы от Сокхофа, ополчишася во Офоме при пустыни.Select Exodus 13:20

21Бог же вождаше их, в день убо столпом облачным, показати им путь, нощию же столпом огненным, светити им:Select Exodus 13:21

22и не оскуде столп облачный во дни и столп огненный нощию пред всеми людьми.Select Exodus 13:22