18Exodus 18

1Услыша же Иофор, иерей Мадиамский, тесть Моисеов, вся, елика сотвори Господь Израилю Своим людем, яко изведе Господь Израиля из Египта:Select Exodus 18:1

2и поя Иофор, тесть Моисеов, Сепфору, жену Моисеову, по отпущении ея,Select Exodus 18:2

3и два сына ея: имя единому от них Гирсам, глаголя: пришлец бых в земли чуждей,Select Exodus 18:3

4и имя второму Елиезер, глаголя: Бог бо отца моего помощник мой и избави мя из руки фараони.Select Exodus 18:4

5И прииде Иофор, тесть Моисеов, и сынове и жена к Моисею в пустыню, идеже ополчися при горе Божией.Select Exodus 18:5

6Возвестиша же Моисею, глаголюще: се, Иофор, тесть твой, идет к тебе, и жена твоя, и оба сына твоя с ним.Select Exodus 18:6

7Изыде же Моисей во сретение тестю своему и поклонися ему и целова его, и приветствоваша друг друга: и введе их Моисей в кущу.Select Exodus 18:7

8И поведа Моисей тестю своему вся, елика сотвори Господь фараону и всем Египтяном Израиля ради, и весь труд бывший им на пути, и яко избави их Господь от руки фараони и от руки Египетския.Select Exodus 18:8

9Ужасеся же Иофор о всех благих, яже сотвори им Господь, яко избави их Господь от руки Египетския и от руки фараони,Select Exodus 18:9

10и рече Иофор: благословен Господь, яко избави люди Своя из руки Египетския и из руки фараони:Select Exodus 18:10

11ныне уведех, яко велик Господь паче всех богов, сего ради, яко налегоша на них.Select Exodus 18:11

12И взя Иофор тесть Моисеов всесожжения и жертвы Богу: прииде же Аарон и вси старцы Израилевы ясти хлеба с тестем Моисеовым пред Богом.Select Exodus 18:12

13И бысть на утрие, седе Моисей судити люди: стояху же пред Моисеом вси людие от утра до вечера.Select Exodus 18:13

14Видев же Иофор вся, елика творяше людем, рече: что сие, еже ты твориши людем? Почто ты един седиши, вси же людие предстоят тебе от утра до вечера?Select Exodus 18:14

15Рече же Моисей тестю: понеже приходят людие ко мне просити суда от Бога:Select Exodus 18:15

16егда бо бывает им распря, и приходят ко мне, разсуждаю коемуждо и сказую им повеления Божия и закон Его.Select Exodus 18:16

17Рече же тесть Моисеов к нему: не право ты твориши глагол сей:Select Exodus 18:17

18трудом утрудишися несносным и ты, и вси людие сии, иже суть с тобою: тяжек тебе глагол сей, не возможеши творити ты един:Select Exodus 18:18

19ныне убо послушай мене и присоветую тебе, и будет Бог с тобою: буди ты людем в тех яже к Богу, и донесеши словеса их к Богу,Select Exodus 18:19

20и засвидетелствуй им повеления Божия и закон Его, и повеждь им пути Его, имиже пойдут, и дела, яже сотворят:Select Exodus 18:20

21ты же усмотри себе от всех людий мужы сильны, Бога боящыяся, мужы праведны, ненавидящыя гордости, и поставиши их над ними тысященачалники и стоначалники, и пятьдесятоначалники и десятоначалники и писмовводители,Select Exodus 18:21

22и судят людий по вся часы: слово же неудоборешителное донесут к тебе: малыя же суды да судят они, и облегчат тя и спомогут тебе:Select Exodus 18:22

23аще слово сие сотвориши, укрепит тя Бог, и возможеши настоятелствовати, и вси людие сии приидут во свое место с миром.Select Exodus 18:23

24Послуша же Моисей гласа тестя своего и сотвори вся, елика рече ему:Select Exodus 18:24

25и избра Моисей мужы сильны от всего Израиля, и сотвори я над ними тысященачалники и стоначалники, и пятьдесятоначалники и десятоначалники и писмовводители:Select Exodus 18:25

26и суждаху людем по вся часы: всякое же слово неудоборешителное доносиша к Моисею, всякое же слово легкое суждаху сами.Select Exodus 18:26

27Отпусти же Моисей тестя своего, и отиде в землю свою.Select Exodus 18:27