22Exodus 22

1Аще же кто украдет телца или овцу, и заколет или продаст, пять телцев да воздаст за телца и четыри овцы за овцу.Select Exodus 22:1

2Аще же в подкопании обрящется тать, и язвен умрет, несть ему убийство:Select Exodus 22:2

3аще же взыдет солнце над ним, повинен есть, умрет за него: аще же не имать имения, да продастся за татьбу:Select Exodus 22:3

4аще же ят будет, и обрящется в руце его украденое от осляте до овцы живо, сугубо да отдаст я.Select Exodus 22:4

5Аще же кто потравит ниву или виноград, и пустит скот свой пастися на чужей ниве, да даст от нивы своея по плоду его: аще же всю ниву потравит, лучшая нивы своея и лучшая винограда своего да отдаст.Select Exodus 22:5

6Аще же изшед огнь обрящет терние и запалит гумно, или класы, или ниву, да отдаст, иже возже огнь.Select Exodus 22:6

7Аще же кто даст другу сребро или сосуд сохранити, и украдется из дому мужа того, аще обрящется украдый, да воздаст сугубо:Select Exodus 22:7

8аще же не обрящется украдый, да приидет господин дому пред бога и да кленется, яко поистинне не слукавствова он о всем положении дружнем.Select Exodus 22:8

9По всей реченней неправде, о теляти и о осляти и о овце, и о ризе и о всей гибели нанесенней, что убо ни было бы, пред богом да приидет суд обоих, и обвиненный богом да отдаст сугубо ближнему.Select Exodus 22:9

10Аще же кто даст другу осля или телца, или овцу, или всяк скот хранити, и умрет или погибнет, или пленено будет, и никтоже увесть,Select Exodus 22:10

11клятва да будет Божия между обоими, яко поистинне не слукавствова он о всем ближняго положении, и тако приимет господин его, и да не отдаст:Select Exodus 22:11

12аще же украдено будет от него, да отдаст господину:Select Exodus 22:12

13аще же зверь снеде, да ведет его на звероядину, и не отдаст:Select Exodus 22:13

14аще же кто испросит у друга, и погибнет, или умрет, или пленится, господин же его не будет с ним, отдаст:Select Exodus 22:14

15аще же господин его будет с ним, да не отдаст: аще же наемник есть, да будет ему вместо мзды его.Select Exodus 22:15

16Аще же прельстит кто не обручену девицу, и будет с нею, веном да отвенит ю, (и поймет ю) себе в жену:Select Exodus 22:16

17аще же возбраняя возбранит и не восхощет отец ея дати ю ему в жену, сребро да воздаст отцу, елико есть вено девическо.Select Exodus 22:17

18Волхвом живым быти не попустите.Select Exodus 22:18

19Всякаго со скотом бывающа смертию убиете его.Select Exodus 22:19

20Иже жертву приносит богом, смертию да потребится, но точию Господу единому.Select Exodus 22:20

21И пришелца не озлобите, ниже оскорбите его: пришелцы бо бесте в земли Египетстей.Select Exodus 22:21

22Всякия вдовы и сироты не озлобите:Select Exodus 22:22

23аще же злобою озлобите Я, и возстенавше возопиют ко мне, слухом услышу глас ихSelect Exodus 22:23

24и разгневаюся яростию, и побию вы мечем, и будут жены вашя вдовы, и чада ваша сироты.Select Exodus 22:24

25Аще же даси сребро взаем брату нищему иже у тебе, не буди его понуждаяй, ниже наложиши ему лихвы.Select Exodus 22:25

26И аще заложит в залог ризу друг твой, до захождения солнца отдаси ему:Select Exodus 22:26

27есть бо сия покровение ему, сия едина риза стыдения его, в чем спати будет: аще убо возопиет ко Мне, услышу его: милостив бо есмь.Select Exodus 22:27

28Богов да не злословиши и князю людий твоих да не речеши зла.Select Exodus 22:28

29Начатки от гумна и от точила твоего да не косниши принести (Мне): первенцы сынов твоих да даси Мне:Select Exodus 22:29

30тако сотвориши телцу твоему, и овце твоей, и ослу твоему: седмь дний да будет у матери, в осмый же день да отдаси оное Мне.Select Exodus 22:30

31Люди святи будете Ми, и мяса звероядиннаго да не снесте, псом повержете е.Select Exodus 22:31