23Exodus 23

1Да не приимеши слуха суетна, да не приложишися с неправедным быти свидетель неправеден:Select Exodus 23:1

2да не будеши со многими на злобу, да не приложишися ко множеству уклонитися со множайшими, яко превратити суд,Select Exodus 23:2

3и нищаго да не помилуеши на суде.Select Exodus 23:3

4Аще же срящеши говядо врага твоего или осля его заблуждающее, обратив да отдаси ему:Select Exodus 23:4

5аще же узриши осля врага твоего падшее под бременем его, да не мимоидеши е, но да воздвигнеши е с ним.Select Exodus 23:5

6Да не превратиши суда нищему в суде его.Select Exodus 23:6

7От всякаго слова неправеднаго да отступиши: неповинна и праведна да не убиеши, и не оправдиши нечестиваго даров ради,Select Exodus 23:7

8и да не возмеши даров: дары бо ослепляют очи видящым и погубляют словеса праведна.Select Exodus 23:8

9И пришелца не оскорбляйте, ни стужите (ему): вы бо весте душу пришелчу, понеже сами бесте пришелцы в земли Египетстей.Select Exodus 23:9

10Шесть лет да сееши землю твою и да собереши плоды ея:Select Exodus 23:10

11в седмое же оставление да сотвориши и опустиши ю, и да ясти будут убозии языка твоего, останки же да снедят зверие дивии: тако да сотвориши винограду твоему и масличию твоему.Select Exodus 23:11

12В шесть дний да сотвориши дела твоя, в седмый же день покой: да почиет вол твой и осел твой, и да почиет сын рабы твоея и пришлец.Select Exodus 23:12

13Вся, елика глаголах вам, сохраните, имен же богов инех не поминайте, ниже да слышатся изо уст ваших.Select Exodus 23:13

14Три краты в лете сотворите Ми праздник:Select Exodus 23:14

15праздник опресноков сохраните творити, седмь дний ядите опресноки, якоже заповедах тебе, во время месяца новых плодов, в той бо изшел еси из Египта, да не явишися предо Мною тощь:Select Exodus 23:15

16и праздник жатвы первородных жит сотвориши от дел твоих, яже посееши на ниве твоей: и праздник скончания при исходе лета в собрании дел твоих, яже от нив твоих.Select Exodus 23:16

17Три краты в лете да явится всяк мужеск пол твой пред Господем Богом твоим.Select Exodus 23:17

18Егда бо изжену языки от лица твоего и разширю пределы твоя, да не пожреши на квасе крове жертвы Моея, ниже да долежит тук праздника Моего до утрия.Select Exodus 23:18

19Начатки первых жит земли твоея да внесеши в дом Господа Бога твоего. Да не свариши ягняте во млеце матере его.Select Exodus 23:19

20И се, Аз послю Ангела Моего пред лицем твоим, да сохранит тя на пути, яко да введет тя в землю, юже уготовах тебе:Select Exodus 23:20

21вонми себе и послушай Его, и не ослушайся Его: не обинется бо тебе, имя бо Мое есть на Нем:Select Exodus 23:21

22аще слухом послушаеши гласа Моего и сотвориши вся, елика Аз заповедаю тебе, и сохраниши завет Мой, будете Ми люди избранни от всех язык: Моя бо есть вся земля, вы же будете Ми царское священие и язык свят. Сия словеса да речеши сыном Израилевым. Аще слухом послушаеши гласа Моего и сотвориши вся, елика реку тебе, враг буду врагом твоим и сопротивлюся сопротивником твоим.Select Exodus 23:22

23Пойдет бо Ангел Мой наставляяй тя и введет тя ко Аморрею и Хеттею, и Ферезею и Хананею, и Гергесею и Евею и Иевусею, и потреблю их (от лица вашего):Select Exodus 23:23

24да не поклонишися богом их, ниже послужиши им: да не сотвориши по делом их, но разорением разориши и сокрушением сокрушиши капища их,Select Exodus 23:24

25и да послужиши Господу Богу твоему: и благословлю хлеб твой и вино твое и воду твою, и отвращу болезнь от вас.Select Exodus 23:25

26Не будет безчаден, ниже неплоды на земли твоей: число дний твоих исполняя исполню.Select Exodus 23:26

27И страх послю ведущий тя, и устрашу вся языки, в няже ты входиши к ним, и дам вся сопротивники твоя в бегуны:Select Exodus 23:27

28и послю шершни пред тобою, и изжену Аморреи и Евеи, и Иевусеи и Хананеи и Хеттеи от тебе:Select Exodus 23:28

29не изжену их в лете единем, да не будет земля пуста, и мнози будут на тя звери земнии:Select Exodus 23:29

30помалу помалу изжену их от тебе, дондеже возрастеши и наследиши землю.Select Exodus 23:30

31И положу пределы твоя от Чермнаго моря до моря Филистимля, и от пустыни до реки великия Евфрата, и предам в руце ваши седящих на земли и изжену их от тебе:Select Exodus 23:31

32да не смесишися с ними, и с боги их да не завещаеши завета,Select Exodus 23:32

33и да не останутся на земли твоей, да не сотворят тя согрешити ко Мне: аще бо поработаеши богом их, сии будут тебе в соблазн.Select Exodus 23:33