24Exodus 24

1И Моисею рече: взыди ко Господу ты и Аарон, и Надав и Авиуд и седмьдесят старец Израилевых, и да поклонятся издалече Господу:Select Exodus 24:1

2и да приступит Моисей един к Богу, они же да не приступят: и людие с ними да не взыдут.Select Exodus 24:2

3Прииде же Моисей и поведа людем вся словеса Божия и оправдания. Отвещаша же вси людие гласом единым, глаголюще: вся словеса, яже глагола Господь, сотворим и послушаем.Select Exodus 24:3

4И написа Моисей вся словеса Господня: обутрев же Моисей заутра, созда олтарь под горою, и дванадесять камений в дванадесять племен Израилевых:Select Exodus 24:4

5и посла юношы сынов Израилевых, и принесоша всесожжения, и пожроша жертву спасения Господу Богу телцы.Select Exodus 24:5

6Взем же Моисей половину крове, влия в чашы, половину же крове возлия на олтарь,Select Exodus 24:6

7и взем книгу завета, прочте людем во ушы. И рекоша: вся, елика глагола Господь, сотворим и послушаем.Select Exodus 24:7

8Взем же Моисей кровь, окропи люди и рече: се, кровь завета, егоже завеща Господь к вам о всех словесех сих.Select Exodus 24:8

9И взыде Моисей и Аарон, и Надав и Авиуд и седмьдесят от старец Израилевых,Select Exodus 24:9

10и видеша место, идеже стояше Бог Израилев: и под ногама Его яко дело камене сапфира, и яко видение тверди небесныя чистотою.Select Exodus 24:10

11И от избранных Израилевых не повредися ни един: и явишася на месте Божии, и ядоша, и пиша.Select Exodus 24:11

12И рече Господь к Моисею: взыди ко Мне на гору и стани тамо, и дам ти скрижали каменныя, закон и заповеди, яже написах законоположити им.Select Exodus 24:12

13И востав Моисей и Иисус предстоявый ему, взыдоша на гору БожиюSelect Exodus 24:13

14и старцем реша: пождите в молчании зде, дондеже возвратимся к вам: и се, Аарон и Ор с вами: аще кому случится суд, да идут к ним.Select Exodus 24:14

15И взыде Моисей на гору, и покры облак гору,Select Exodus 24:15

16и сниде слава Божия на гору Синайскую, и покры ю облак шесть дний. И воззва Господь Моисеа в день седмый из среды облака:Select Exodus 24:16

17обличие же славы Господни, яко огнь пламенуя на версе горы, пред сыны Израилевы.Select Exodus 24:17

18И вниде Моисей в среду облака и взыде на гору, и бе тамо на горе четыредесять дний и четыредесять нощей.Select Exodus 24:18