26Exodus 26

1Скинию же да сотвориши от десяти опон от виссона сканаго и синеты, и багряницы и червленицы сканыя: херувимы делом тканым да сотвориши я.Select Exodus 26:1

2Долгота опоны единыя двадесять и осмь лактий, и широта четырех лактий, опона едина да будет: мера таяжде да будет всем опонам.Select Exodus 26:2

3Пять же опон да будут взаим придержащяся едина от другия, и пять опон да будут содержащяся друга о друзей.Select Exodus 26:3

4И да сотвориши им петли из синеты у края опоны единыя, от единыя страны в сложение: и сице сотвориши на краю опоны внешния к сложению второму.Select Exodus 26:4

5Пятьдесят же петлей сотвориши единей опоне, и пятьдесят петлей да сотвориши от края опоны по сложению вторыя, лицем к лицу сходящыяся между собою каяждо.Select Exodus 26:5

6И сотвориши пятьдесят крючков златых и совокупиши опоны едину ко друзей крючками: и будет скиния едина.Select Exodus 26:6

7И да сотвориши опоны власяныя в покров над скиниею, единонадесять опон сотвориши их.Select Exodus 26:7

8Долгота опоны единыя да будет тридесяти лактий, и четырех лактий широта опоны единыя: таяжде мера да будет единонадесяти опонам.Select Exodus 26:8

9И совокупиши пять опон вкупе, и шесть опон вкупе: и усугубиши опону шестую ко входу скинии.Select Exodus 26:9

10И да сотвориши петлей пятьдесят на краи опоны единыя, яже среде по сложению, и пятьдесят петлей да сотвориши на краи опоны совокупляющияся вторыя.Select Exodus 26:10

11И сотвориши крючков медяных пятьдесят: и совокупиши крючки с петлями, и да совокупиши опоны, и будет едино.Select Exodus 26:11

12И да подложиши излишнее от опон скинии: полуюпоною оставшеюся да покрыеши излишнее опон скинии: да прикрыеши созади скинии.Select Exodus 26:12

13Лакоть (един) от сего, и лакоть (един) от другаго, от излишняго опон, в долготу опон скинии: да будет покрывающее на стране скинии, сюду и сюду да покрывает.Select Exodus 26:13

14И да сотвориши покров скинии от кож овних червленых, и прикрывала от кож синих сверху.Select Exodus 26:14

15И да сотвориши столпы скинии от древ негниющих:Select Exodus 26:15

16десяти лактий (в высоту) да сотвориши столп един, лактя же единаго и пол широта столпа единаго:Select Exodus 26:16

17два закройца (на краях) столпу единому, противу стояща другъдругу: тако сотвориши всем столпом скинии.Select Exodus 26:17

18И да сотвориши столпы скинии, двадесять столпов от страны яже к северу:Select Exodus 26:18

19и четыредесять стоялов сребряных да сотвориши двадесятим столпом: два стояла единому столпу на обоих краех его и два стояла другому столпу на обоих краех его:Select Exodus 26:19

20и в стране вторей южней двадесять столпов:Select Exodus 26:20

21и четыредесять стоялов им сребряных: два стояла столпу единому на обоих краех его и два стояла столпу другому на обоих краех его.Select Exodus 26:21

22И созади скинии по стране яже к морю да сотвориши шесть столпов,Select Exodus 26:22

23и два столпа сотвориши во углах скинии созади.Select Exodus 26:23

24И будут равни от долу: по томужде да будут равни от глав в состав един: тако да сотвориши обоим двум углам: равни да будут.Select Exodus 26:24

25И да будут осмь столпы и стояла их сребряна шестьнадесять: два стояла единому столпу и два стояла другому столпу, на обоих краех его.Select Exodus 26:25

26И да сотвориши вереи от древ негниющих: пять верей столпу единому от единыя страны скинии,Select Exodus 26:26

27и пять верей столпу единому вторей стране скинии, и пять верей столпу заднему стране скинии, яже к морю:Select Exodus 26:27

28и верея средняя посреде столпов да проходит от единыя страны в другую страну.Select Exodus 26:28

29И столпы да позлатиши златом: и колца сотвориши злата, в няже вложиши вереи: и позлатиши вереи златом.Select Exodus 26:29

30И возставиши скинию по образу показанному тебе на горе.Select Exodus 26:30

31И да сотвориши завесу от синеты и багряницы, и червленицы сканыя и виссона пряденаго: делом тканым да сотвориши ю херувимы.Select Exodus 26:31

32И возложиши ю на четыри столпы негниющыя позлащены златом: и верхи их златы, и стояла их четыри сребряна.Select Exodus 26:32

33И повесиши завесу на столпех, и внесеши тамо внутрь завесы кивот свидения: и разделяти будет завеса вам посреде святилища и посреде Святая святых,Select Exodus 26:33

34и закрыеши завесою кивот свидения во Святая святых.Select Exodus 26:34

35И поставиши трапезу вне завесы, и светилник прямо трапезы на стране скинии, яже к югу: и трапезу поставиши на стране скинии, яже к северу.Select Exodus 26:35

36И да сотвориши закров в дверех скинии от синеты и багряницы, и червленицы сканыя и виссона сканаго, делом пестрящаго.Select Exodus 26:36

37И да сотвориши завесе пять столпов от древ негниющих, и позлатиши их златом, и верхи их златы: и да слиеши им пять стоял медяных.Select Exodus 26:37