29Exodus 29

1И сия суть, яже сотвориши им: освятиши я, яко священнодействовати им Мне: да возмеши же телца единаго от говяд и овна два непорочна:Select Exodus 29:1

2и хлебы пресны смешены с елеем, и опресноки помазаны елеем: из муки пшеничны сотвориши я:Select Exodus 29:2

3и да вложиши я в кош един, и принесеши я в коши, и телца и два овна.Select Exodus 29:3

4И Аарона и сыны его приведеши пред двери скинии свидения, и измыеши я водою:Select Exodus 29:4

5и взем ризы святыя, облечеши Аарона брата твоего, и в хитон подир, и в ризу верхнюю, и в слово: и совокупиши ему слово к нарамнику:Select Exodus 29:5

6и возложиши на главу его клобук: и возложиши дщицу освящение на увясло:Select Exodus 29:6

7и да возмеши от елеа помазания, и да возлиеши и на главу его и помажеши его.Select Exodus 29:7

8И сыны его приведеши и облечеши я в ризы:Select Exodus 29:8

9и опояшеши я поясы, и возложиши на них клобуки, и будет ими священство мне во веки: и совершиши руце Аарони и руце сынов его.Select Exodus 29:9

10И да приведеши телца пред двери скинии свидения, и возложат Аарон и сынове его руце свои на главу телца пред Господем у дверий скинии свидения.Select Exodus 29:10

11И да заколеши телца пред Господем у дверий скинии свидения:Select Exodus 29:11

12и да возмеши от крове телчи и помажеши на рогах олтаревых перстом твоим: останок же весь крове пролиеши у стояла олтарнаго:Select Exodus 29:12

13и да возмеши весь тук, иже на утробе, и препонку печени, и обе почки, и тук иже на них, и возложиши на олтарь:Select Exodus 29:13

14мяса же телча, и кожу, и мотыла да сожжеши на огни вне полка: за грех бо есть.Select Exodus 29:14

15И овна да поймеши единаго, и да возложат Аарон и сынове его руки своя на главу овню:Select Exodus 29:15

16и заколеши его, и взем кровь пролиеши у олтаря окрест:Select Exodus 29:16

17и овна да разсечеши на уды и измыеши внутренняя и ноги в воде, и возложиши на разсеченныя части со главою:Select Exodus 29:17

18и вознесеши всего овна на олтарь, всесожжение Господу в воню благоухания: жертва Господу есть.Select Exodus 29:18

19И да поймеши овна втораго, и возложит Аарон и сынове его руки своя на главу овню:Select Exodus 29:19

20и заколеши его, и возмеши от крове его, и возложиши на край ушесе Аароня деснаго и на край руки десныя и на край ноги десныя, и на край ушес сынов его десных и на край рук их десных и на край ног их десных:Select Exodus 29:20

21и да возмеши от крове, яже на олтари, и от елеа помазания, и да воскропиши на Аарона и на ризу его, и на сыны его и на ризы сынов его с ним: и освятится сам и ризы его, и сыны его и ризы сынов его с ним: кровь же овню да пролиеши у олтаря окрест.Select Exodus 29:21

22И да возмеши от овна тук его, и тук покрывающий утробу его, и препонку печени, и обе почки, и тук иже на них, и рамо десное: есть бо совершение сие:Select Exodus 29:22

23и хлеб един с елеем, и опреснок един от коша опресноков, предложенных пред Господем:Select Exodus 29:23

24и возложиши вся на руки Аарони и на руки сынов его, и отделиши я отделение пред Господем:Select Exodus 29:24

25и да возмеши я от рук их, и вознесеши на олтарь всесожжения в воню благоухания пред Господем: приношение есть Господу.Select Exodus 29:25

26И да возмеши грудь от овна совершения, яже есть Аарону, и отделиши ю отделение пред Господем, и будет тебе в часть:Select Exodus 29:26

27и освятиши грудь отделение, и рамо отлучения, еже отделися, и яже отяся от овна совершения от Аарона и от сынов его,Select Exodus 29:27

28и будет Аарону и сыном его законно вечно от сынов Израилевых: есть бо отделение сие, и отятие будет от сынов Израилевых от жертв спасителных сынов Израилевых, отделение Господу.Select Exodus 29:28

29И ризы святы, яже суть Аарону, да будут сыном его по нем, помазатися им в них и совершити руки своя.Select Exodus 29:29

30Седмь дний да облачится в ня иерей великий, иже вместо его от сынов его, иже внидет в скинию свидения служити во святилищи.Select Exodus 29:30

31И овна совершения да возмеши и испечеши мяса на месте святе,Select Exodus 29:31

32и да ядят Аарон и сынове его мяса овня, и хлебы, яже в коши у дверий скинии свидения:Select Exodus 29:32

33да ядят сия, имиже освятишася в них, совершити руки своя, освятити я: и иноплеменник да не снест от них, суть бо свята.Select Exodus 29:33

34Аще же останется от мяс жертвы совершения и от хлебов до утрия, да сожжеши останки огнем: да не снедятся, освящение бо есть.Select Exodus 29:34

35И сотвориши Аарону и сыном его тако по всем, елика заповедах тебе: седмь дний совершиши руце их.Select Exodus 29:35

36И телца греха ради да сотвориши в день очищения: и да очистиши олтарь, егда освящаеши на нем: и помажеши его, яко освятити его.Select Exodus 29:36

37Седмь дний очистиши олтарь и освятиши его, и будет олтарь святая святых: всяк прикасаяйся олтарю освятится.Select Exodus 29:37

38И сия суть, яже сотвориши на олтари: агнца единолетна непорочна два на всяк день на олтари присно жертву непрестанную:Select Exodus 29:38

39агнца единаго да сотвориши рано, и втораго агнца да сотвориши в вечер:Select Exodus 29:39

40и десятую часть муки пшеничны с елеем смешены, в четвертую часть ина, и возлияние четвертую часть меры ина вина единому овну.Select Exodus 29:40

41И агнца втораго да сотвориши в вечер, якоже утреннюю жертву, и возлияние его: сотвориши в воню благоухания приношение Господу.Select Exodus 29:41

42Жертву всегдашнюю в слухи и в роды вашя пред дверми скинии свидения пред Господем, в нихже познан буду тебе тамо, якоже глаголати к тебе.Select Exodus 29:42

43И завещаю тамо сыном Израилевым, и освящуся во славе Моей,Select Exodus 29:43

44и освящу скинию свидения и олтарь, и Аарона и сыны его освящу, священнодействовати Мне,Select Exodus 29:44

45и нарекуся в сынех Израилевых, и буду им Бог:Select Exodus 29:45

46и уведят, яко Аз есмь Господь Бог их, изведый их из земли Египетския, нарещися им и быти им Бог.Select Exodus 29:46