33Exodus 33

1И рече Господь к Моисею: предиди, взыди отсюду ты и людие твои, ихже извел еси от земли Египетския на землю, еюже кляхся Аврааму и Исааку и Иакову, глаголя: семени вашему дам ю:Select Exodus 33:1

2и послю купно Ангела Моего пред лицем твоим, и изженет Хананеа, Аморреа и Хеттеа, и Ферезеа и Гергесеа, и Евеа и Иевусеа:Select Exodus 33:2

3и введу тя в землю текущую млеком и медом: Сам бо не пойду с тобою, яко людие жестоковыйнии суть, да не убию тебе на пути.Select Exodus 33:3

4И услышавше людие слово сие страшное, восплакашася в плачевных (ризах).Select Exodus 33:4

5И рече Господь к Моисею: глаголи сыном Израилевым: вы людие жестоковыйнии, блюдитеся, да не язву другую наведу на вы и потреблю вы: ныне убо сымите ризы славы вашея и утварь, и покажу, яже сотворю вам.Select Exodus 33:5

6И отяша сынове Израилевы утварь свою и ризы от горы Хорива.Select Exodus 33:6

7И взем Моисей кущу свою, потче ю вне полка, далече от полка, и прозвася скиния свидения: и бысть, всяк взыскуяй Господа исхождаше в скинию, яже вне полка.Select Exodus 33:7

8Егда же вхождаше Моисей в скинию вне полка, стояху вси людие смотряще кийждо пред дверми кущи своея, и зряху отходящу Моисею даже внити ему в скинию.Select Exodus 33:8

9Егда же вниде Моисей в скинию, сниде столп облачный и ста пред дверми скинии, и глагола (Господь) Моисею.Select Exodus 33:9

10И видяху вси людие столп облачный стоящь пред дверми скинии: и ставше вси людие, поклонишася кийждо из дверий кущи своея:Select Exodus 33:10

11и глагола Господь к Моисею лицем к лицу, якоже аще бы кто возглаголал к своему другу, и отпущашеся в полк: слуга же Иисус, сын Навин, юноша не исхождаше из скинии.Select Exodus 33:11

12И рече Моисей ко Господу: се, Ты мне глаголеши: изведи люди сия: Ты же не явил ми еси, кого послеши со мною: Ты же мне рекл еси: вем тя паче всех и благодать имаши у Мене:Select Exodus 33:12

13аще убо обретох благодать пред Тобою, яви ми Тебе самаго, да разумно вижду тя, яко да обрет буду благодать пред Тобою, и да познаю, яко людие Твои язык велик сей.Select Exodus 33:13

14И глагола (ему Господь): Аз Сам предиду пред тобою и упокою тя.Select Exodus 33:14

15И рече к Нему Моисей: аще Сам Ты не идеши с нами, да не изведеши мя отсюду:Select Exodus 33:15

16и како ведомо будет воистинну, яко обретох благодать у Тебе аз же и людие Твои, точию идущу Ти с нами? И прославлен буду аз же и людие Твои паче всех язык, елицы суть на земли.Select Exodus 33:16

17Рече же Господь к Моисею: и сие тебе слово, еже рекл еси, сотворю: обрел бо еси благодать предо Мною, и вем тя паче всех.Select Exodus 33:17

18И глагола Моисей: покажи ми славу Твою.Select Exodus 33:18

19И рече (Господь к Моисею): Аз предиду пред тобою славою Моею и воззову о имени Моем, Господь пред тобою: и помилую, егоже аще милую, и ущедрю, егоже аще щедрю.Select Exodus 33:19

20И рече: не возможеши видети лица Моего: не бо узрит человек лице Мое, и жив будет.Select Exodus 33:20

21И рече Господь: се, место у Мене, и станеши на камени:Select Exodus 33:21

22егда же прейдет слава Моя, и положу тя в разселине камене, и покрыю рукою Моею над тобою, дондеже мимоиду:Select Exodus 33:22

23и отиму руку Мою, и тогда узриши задняя Моя: лице же Мое не явится тебе.Select Exodus 33:23