36Exodus 36

1И сотвори Веселеил и Елиав, и всяк мудрый умом, емуже дана есть премудрость и хитрость в них, разумети творити вся дела, яже ко святыни надлежащая, по всем, елика заповеда Господь.Select Exodus 36:1

2И призва Моисей Веселеила и Елиава и вся имущыя премудрость, имже даде Бог разум в сердцы, и вся волею хотящыя приходити к делам, еже совершати я:Select Exodus 36:2

3и взяша от Моисеа вся участия, яже принесоша сынове Израилевы на вся дела святыни творити я: и тии приимаху еще приносимая от приносящих заутра заутра.Select Exodus 36:3

4И прихождаху вси мудрии, иже творяху дела святыни, кийждо по своему делу, еже сами делаху:Select Exodus 36:4

5и рекоша Моисею, яко много приносят людие свыше дел, елика заповеда Господь сотворити.Select Exodus 36:5

6И повеле Моисей, и проповеда в полце, глаголя: муж и жена ктому да не делают на начатки святыни. И возбранени быша людие ктому приносити.Select Exodus 36:6

7И дела быша им доволна на строение творити, и преизбыша.Select Exodus 36:7

8И сотвори всяк премудрый в делающих ризы святыни, яже суть Аарону иерею, якоже заповеда Господь Моисею.Select Exodus 36:8

9И сотвориша ризу верхнюю от злата и синеты, и багряницы и червленицы прядены и виссона сканаго:Select Exodus 36:9

10и изрезаша дщицы златы аки власы, еже соткати с синетою и с багряницею, и с червленицею пряденою и с виссоном сканым: дело тканое сотвориша е.Select Exodus 36:10

11Ризы верхния придержащыяся от обоих стран,Select Exodus 36:11

12дело тканно, между собою сплетено: от него сотвориша е по его творению, от злата и синеты, и багряницы и червленицы спрядены и виссона сканаго, якоже заповеда Господь Моисею.Select Exodus 36:12

13И сотвориша оба камени смарагдовы состеганы вервию и обложены златом, изваяны и вырезаны ваянием печати, от имен сынов Израилевых:Select Exodus 36:13

14и возложиша я на рамена ризы верхния камение в память сынов израилевых, якоже заповеда Господь Моисею.Select Exodus 36:14

15И сотвориша слово, дело тканно пестротою, по делу ризы верхния, от злата и синеты, и багряницы и червленицы спрядены и виссона сканаго,Select Exodus 36:15

16четвероуголно сугубо сотвориша логион пяди в долготу, и пяди в широту, сугубо:Select Exodus 36:16

17и сшиста на нем швением по три камени четырми ряды: ряд камений: сардий и топазий и смарагд, ряд един:Select Exodus 36:17

18и ряд вторый, анфракс и сапфир и иаспис:Select Exodus 36:18

19и ряд третий, лигирий и ахат и амефист:Select Exodus 36:19

20и ряд четвертый, хрисолиф и вириллий и онихий, окованы около златом и всаждени в злате:Select Exodus 36:20

21и камение бяху от имен сынов Израилевых дванадесять, по именам их изваяно в печати, кийждо своим именем в дванадесять племен.Select Exodus 36:21

22И сотвориша над логионом тресны сплетены, дело плетеное от злата чиста:Select Exodus 36:22

23и сотвориша два щитца злата и два колца злата, и возложиша два колца злата на оба конца логиона:Select Exodus 36:23

24и вложиша плетеницы златы в колца, со обоих стран логиона,Select Exodus 36:24

25и в два сложения две плетеницы, и возложиша на два щитца: и возложиша на рамена ризы верхния, противу лицем к лицу.Select Exodus 36:25

26И сотвориша два колца злата, и возложиша на два крила на край логиона, и на край созади верхния ризы, внутрьуду:Select Exodus 36:26

27и сотвориша два колца злата, и положиша на оба рамена ризы верхния с низу его на лице по согбению свыше состава ризы верхния:Select Exodus 36:27

28и стягнуша логион колцами, яже на нем, с колцами верхния ризы сложеными, из синеты сплетенными, во ткание ризы верхния, да не низпускается логион от ризы верхния, якоже заповеда Господь Моисею.Select Exodus 36:28

29И сотвориша исподнюю ризу, яже под верхнюю, дело тканно, все синее:Select Exodus 36:29

30ожерелие же во внутренней ризе, на среде швенно, сплетено, ометы имущо около ожерелие неразлучено.Select Exodus 36:30

31И сотвориша на омете ризы внутренния долу яко процветающаго шипка пугвицы от синеты и багряницы, и червленицы прядены и виссона сканаго.Select Exodus 36:31

32И сотвориша звонцы златы, и возложиша звонцы на ометы ризы внутренния окрест между пугвицами:Select Exodus 36:32

33звонец злат и пугвица на омете внутренния ризы окрест, к служению, якоже повеле Господь Моисею.Select Exodus 36:33

34И сотвориша ризы виссонныя дело тканно, Аарону и сыном его,Select Exodus 36:34

35и клобуки из виссона, и увясло из виссона, и надраги из виссона сканаго,Select Exodus 36:35

36и поясы их из виссона и синеты, и багряницы и червленицы прядены, дело пестрящаго, якоже заповеда Господь Моисею.Select Exodus 36:36

37И сотвориша дщицу злату, отделение святыни от злата чиста, и написаша на ней писмена изваяна печатию: освящение Господу:Select Exodus 36:37

38и возложиша ю на омет синь, еже бы лежати на увясле свыше, якоже заповеда Господь Моисею.Select Exodus 36:38