40Exodus 40

1И рече Господь к Моисею, глаголя:Select Exodus 40:1

2в день первый месяца перваго, в новомесячие поставиши скинию свидения:Select Exodus 40:2

3и да положиши кивот свидения, и покрыеши кивот завесою:Select Exodus 40:3

4и внесеши трапезу, и предложиши предложение ея: и внесеши светилник, и поставиши светила его:Select Exodus 40:4

5и положиши олтарь златый, в каждение пред кивотом свидения, и возложиши покров завесы над дверию скинии свидения:Select Exodus 40:5

6и олтарь приношений поставиши у дверий скинии свидения,Select Exodus 40:6

7и поставиши умывалницу между скиниею свидения и между олтарем, и влиеши в ню воду:Select Exodus 40:7

8и поставиши двор окрест и даси завесу дверий двора:Select Exodus 40:8

9и возмеши елей помазания и помажеши скинию и вся яже в ней, и освятиши ю и вся сосуды ея, и будут свята:Select Exodus 40:9

10и да помажеши олтарь приношений и вся сосуды его, и освятиши олтарь, и будет олтарь святый святых:Select Exodus 40:10

11и помажеши умывалницу и стояло ея и освятиши ю:Select Exodus 40:11

12и да приведеши Аарона и сынов его пред двери скинии свидения и измыеши их водою:Select Exodus 40:12

13и да облечеши Аарона в ризы святыя и помажеши его, и освятиши его, и да жрет Мне:Select Exodus 40:13

14и сыны его да приведеши и облечеши я в ризы,Select Exodus 40:14

15и да помажеши я, якоже помазал еси отца их, да жрут Мне: и будет, еже быти им помазанию жречества во век, в роды их.Select Exodus 40:15

16И сотвори Моисей вся, елика заповеда ему Господь, сице сотвори.Select Exodus 40:16

17И бысть в первый месяц во второе лето исходящым им от Египта, в новомесячии ста скиния.Select Exodus 40:17

18И постави Моисей скинию, и подложи стояла ея, и возложи главицы, и вложи разворы, и постави столпы,Select Exodus 40:18

19и простре опоны на скинию, и возложи покрывало скинии на ню с верху, якоже заповеда Господь Моисею:Select Exodus 40:19

20и взем свидения, вложи в кивот, и подстави ноги под кивотом, и возложи очистилище над кивотом:Select Exodus 40:20

21и внесе кивот в скинию, и возложи покров завесы, и закры кивот свидения, якоже заповеда Господь Моисею:Select Exodus 40:21

22и постави трапезу в скинии свидения, на страну скинии свидения, яже к северу, внеуду завесы скинии:Select Exodus 40:22

23и возложи на ню хлебы предложения пред Господем, якоже заповеда Господь Моисею:Select Exodus 40:23

24и постави светилник в скинии свидения прямо трапезы, на страну скинии, яже к югу:Select Exodus 40:24

25и постави свещники его пред Господем, якоже заповеда Господь Моисею:Select Exodus 40:25

26и постави олтарь златый в скинии свидения противу завесы,Select Exodus 40:26

27и покади над ним фимиамом сложения, якоже заповеда Господь Моисею:Select Exodus 40:27

28и положи завесу дверий скинии,Select Exodus 40:28

29и олтарь приношений постави у дверий скинии покрова свидения, и вознесе на нем всесожжение и жертву, якоже заповеда Господь Моисею:Select Exodus 40:29

30и сотвори умывалницу между скиниею свидения и между жертвенником,Select Exodus 40:30

31и влия в ню воду, да умывают от нея Моисей и Аарон и сынове его руки своя и ноги, входящым им в скинию свидения:Select Exodus 40:31

32или приходяще к жертвеннику служити, умывахуся от нея, якоже заповеда Господь Моисею:Select Exodus 40:32

33и постави двор окрест скинии и олтаря и положи завесу двора. И сконча Моисей вся дела.Select Exodus 40:33

34И покры облак скинию свидения, и славы Господни исполнися скиния,Select Exodus 40:34

35и не можаше Моисей внити в скинию свидения, яко осеняше над нею облак, и славы Господни исполнися скиния:Select Exodus 40:35

36егда же восхождаше облак от скинии, воздвизахуся сынове Израилевы со имением своим:Select Exodus 40:36

37аще же не взыде облак, не воздвизахуся даже до дне, в оньже взыдет облак:Select Exodus 40:37

38облак бо Господнь бяше над скиниею в день, и огнь бяше над нею в нощь пред всем Израилем во всех путешествиих их.Select Exodus 40:38