5Exodus 5

1И по сих вниде Моисей и Аарон к фараону и реша ему: сия глаголет Господь Бог Израилев: отпусти люди Моя, да праздник сотворят Мне в пустыни.Select Exodus 5:1

2Рече же фараон: кто есть, Егоже послушаю гласа, яко отпустити имам сыны Израилевы? Не вем Господа, и Израиля не отпущу.Select Exodus 5:2

3И глаголют ему: Бог Еврейский призва нас: пойдем убо путем трех дний в пустыню, да пожрем Господу Богу нашему, да не когда случится нам смерть или убийство.Select Exodus 5:3

4И рече им царь Египетский: вскую, Моисей и Аарон, развращаете люди моя от дел их? Идите кийждо вас на дела своя.Select Exodus 5:4

5И рече фараон: се, ныне умножишася людие сии на земли: убо не дадим почити им от дел.Select Exodus 5:5

6Заповеда же фараон приставником дел людских и книгочиям, глаголя:Select Exodus 5:6

7не ктому приложите даяти плев людем к плинфоделанию, якоже вчера и третияго дне: но сами да идут и собирают плевы себе:Select Exodus 5:7

8и урок плинфоделания, еже они творят, на кийждо день наложите им: не уемлите ничтоже: праздни бо суть: сего ради возопиша, глаголюще: да пойдем, и пожрем Богу нашему:Select Exodus 5:8

9да отягчатся дела людий сих, и да пекутся о них, и не помыслят о словесех суетных.Select Exodus 5:9

10Понуждаху же их приставницы и книгочия и глаголаху людем, рекуще: сия глаголет фараон: не ктому даю вам плев:Select Exodus 5:10

11сами вы шедше собирайте себе плевы, идеже аще обрящете: ибо не будет уято от урока вашего ничтоже.Select Exodus 5:11

12И разыдошася людие по всей земли Египетстей собирати тростие на плевы.Select Exodus 5:12

13Приставницы же понуждаху их, глаголюще: совершайте дела ваша урочная на всяк день, якоже и егда плевы даяхом вам.Select Exodus 5:13

14И биени быша книгочия рода сынов Израилевых, иже быша приставлени над ними от приставников фараоновых, глаголюще: почто не совершисте урока вашего плинфеннаго, якоже вчера и третияго дне, такожде и днесь?Select Exodus 5:14

15Вшедше же книгочия сынов Израилевых, возопиша к фараону, глаголюще: почто ты тако твориши рабом твоим?Select Exodus 5:15

16Плев не дают рабом твоим, и плинфы нам глаголют творити: и се, раби твои мучими суть: обидиши убо людий твоих.Select Exodus 5:16

17И рече им: праздни, праздни есте: сего ради глаголете: да идем, пожрем Богу нашему:Select Exodus 5:17

18ныне убо шедше делайте плев бо не дам вам, урок же делания плинфеннаго да отдаете.Select Exodus 5:18

19Видяху же книгочии сынов Израилевых себе во злых, глаголюще: не оставите плинфоделания урочнаго дню.Select Exodus 5:19

20Сретоша же Моисеа и Аарона, идущих во сретение им, исходящым им от фараона,Select Exodus 5:20

21и реша им: да видит Бог и судит вам, яко огнусисте дух ваш пред фараоном и пред рабы его, дати мечь в руки его убити нас.Select Exodus 5:21

22Возвратися же Моисей ко Господу и рече: молютися, Господи, почто озлобил еси люди сия? И вскую послал еси мя?Select Exodus 5:22

23И отнележе внидох к фараону, глаголати Твоим именем, (он) озлоби люди сия, и не избавил еси людий Твоих.Select Exodus 5:23