18Ezekiel 18

1И бысть слово Господне ко мне глаголя:Select Ezekiel 18:1

2сыне человечь, что вам притча сия на земли Израилеве, глаголющым: отцы ядоша терпкое, а зубом чад их оскомины быша?Select Ezekiel 18:2

3Живу Аз, глаголет Адонаи Господь, аще будет еще глаголема притча сия во Израили.Select Ezekiel 18:3

4Яко вся душы Моя суть, якоже душа отча, тако и душа сыновня, Моя суть: душа, яже согрешит, та умрет, и зобавшаго пародки зубы оскоминны будут.Select Ezekiel 18:4

5Человек же, иже есть праведен творяй суд и правду,Select Ezekiel 18:5

6на горах не снесть и очес своих не воздвигнет на кумиры дому Израилева, и жены ближняго своего не осквернавит и к жене в месячных сущей не приближится,Select Ezekiel 18:6

7и человеку не насильствует, залог должнику отдаст и хищением не восхитит, хлеб свой алчному даст и нагаго облечет в ризу,Select Ezekiel 18:7

8и сребра своего в лихву не даст и прибытка не возмет, и от неправды отвратит руку свою и суд сотворит между мужем и ближним своим,Select Ezekiel 18:8

9и в заповедех Моих ходил и оправдания Моя снабдел, еже творити та: праведен сей есть, жизнию жити имать, глаголет Адонаи Господь.Select Ezekiel 18:9

10И аще родит сына губителя, проливающаго кровь и творяща грехи,Select Ezekiel 18:10

11в путь отца своего праведнаго не ходил, но и на горах пожре, и жену ближняго своего осквернавил,Select Ezekiel 18:11

12и убогаго и нищаго преобиде, и хищением восхитил и залога не отдал, и к кумиром положи очи свои, беззакония сотвори,Select Ezekiel 18:12

13с лихвою даде и с примножением приял, сей жизнию не поживет: вся сия беззакония сотвори, смертию умрет, кровь его на нем будет.Select Ezekiel 18:13

14Аще же родит сына, он же увидит вся грехи отца своего, яже сотворил есть, и убоится и не сотворит по ним,Select Ezekiel 18:14

15на горах не снесть и очес своих не положит к кумиром дому Израилева, и жены подруга своего не осквернавитSelect Ezekiel 18:15

16и человека не насильствует, и залога не удержит и хищением не восхитит, хлеб свои алчному даст и нага одеет ризою,Select Ezekiel 18:16

17и от неправды отвратит руку свою, лихвы и примножения не возмет, правду сотворит и в заповедех Моих ходити будет: не скончается в неправдах отца своего, (но) жизнию поживет.Select Ezekiel 18:17

18Отец же его аще скорбию оскорбит и хищением восхитит, сопротивная сотворит посреде людий Моих, и умрет в неправдах своих.Select Ezekiel 18:18

19И речете: что яко не взя сын неправды отца своего? Понеже сын правду и милость сотвори, вся законы Моя соблюде и сотвори я, жизнию поживет.Select Ezekiel 18:19

20Душа же согрешающая, та умрет: сын не возмет неправды отца своего, и отец не возмет неправды сына своего: правда праведнаго на нем будет, и беззаконие беззаконника на нем будет.Select Ezekiel 18:20

21И беззаконник аще обратится от всех беззаконий своих, яже сотворил, и сохранит вся заповеди Моя и сотворит суд и правду и милость, жизнию поживет и не умрет:Select Ezekiel 18:21

22вся согрешения его, елика сотворил, не помянутся ему: но в правде своей, юже сотворил, жив будет.Select Ezekiel 18:22

23Еда хотением восхощу смерти грешника, глаголет Адонаи Господь, а не еже обратитися ему от пути зла и живу быти ему?Select Ezekiel 18:23

24И аще совратится праведник от правды своея и сотворит неправду по всем беззаконием, яже сотворил беззаконник, вся правды его, яже сотворил есть, не помянутся: в преступлении своем, имже преступи, и во гресех своих, имиже согреши, в них умрет.Select Ezekiel 18:24

25И рекосте: не управится путь Господень. Слышите убо, весь дом Израилев, еда путь мой не управится? Ваш ли путь убо управится?Select Ezekiel 18:25

26Егда совратится праведник от правды своея и сотворит грех, и умрет в преступлении, еже сотворил, в том умрет.Select Ezekiel 18:26

27И егда обратится беззаконник от беззакония своего, еже сотворил, и сотворит суд и правду, той душу свою снабдел есть:Select Ezekiel 18:27

28и виде и обратися от всех беззаконии своих, яже сотвори, жизнию поживет и не умрет.Select Ezekiel 18:28

29И глаголет дом Израилев: не управится путь Господень. Еда путь Мой не управляется? О, доме Израилев, убо ваш ли путь управляется?Select Ezekiel 18:29

30(Сего ради) комуждо по пути его сужду вам, доме Израилев, глаголет Адонаи Господь: обратитеся и отвержитеся от всех нечестий ваших, и не будут вам неправды в мучение:Select Ezekiel 18:30

31отвержите от себе вся нечестия ваша, имиже нечествовасте ко Мне, и сотворите себе сердце ново и дух нов, и сотворите вся заповеди Моя: и вскую умираете, доме Израилев? Глаголет Господь.Select Ezekiel 18:31

32Понеже не хощу смерти грешника умирающаго, глаголет Адонаи Господь, но еже обратитися ему от пути своего и жити души его, глаголет Адонаи Господь: обратитеся убо, и живи будете.Select Ezekiel 18:32