21Ezekiel 21

1И бысть слово Господне ко мне глаголя:Select Ezekiel 21:1

2сего ради прорцы, сыне человечь, и утверди лице твое на Иерусалим и воззри на святыни их, и прорцы на землю Израилеву,Select Ezekiel 21:2

3и речеши ко земли Израилеве: сия глаголет Адонаи Господь: се, Аз на тя, и извлеку мечь Мой из ножен его, и потреблю от тебе неправеднаго и беззаконнаго.Select Ezekiel 21:3

4Понеже потреблю от тебе неправеднаго и беззаконника, тако изыдет мечь Мой из ножен своих на всяку плоть от юга даже до севера,Select Ezekiel 21:4

5и увесть всяка плоть, яко Аз Господь извлекох мечь Мой из ножен его, и ктому не возвратится.Select Ezekiel 21:5

6И ты, сыне человечь, воздохни в сокрушении чресл твоих и в болезнех возстени пред очима их.Select Ezekiel 21:6

7И будет, аще рекут к тебе: чесо ради ты стенеши? И речеши: о возвещении, яко грядет: и сокрушится всяко сердце, и ослабеют вся руки, и издшет всяка плоть и всяк дух, и вся стегна осквернавятся мокротою: се, грядет и будет, глаголет Адонаи Господь.Select Ezekiel 21:7

8И быти слово Господне ко мне глаголя:Select Ezekiel 21:8

9сыне человечь, прорцы и речеши: сия глаголет Адонаи Господь: рцы: мечу, мечу! Изострися и разярися,Select Ezekiel 21:9

10яко да изсечеши сечения: изострися, яко да будеши в блещание и готов на разсыпание: сецы, изничтожай, отрини всякое древо.Select Ezekiel 21:10

11И даде его уготованна, еже держати в руках его: наострился мечь, готов есть, еже дан быти в руце секущаго.Select Ezekiel 21:11

12Возопий и восплачися, сыне человечь, яко сей бысть в людех Моих, сей во всех старейшинах Израилевых: обитающии близ под мечь быша с людьми Моими: сего ради восплещи рукама твоима,Select Ezekiel 21:12

13яко оправдася. И что, аще и племя отринется? Не будет, глаголет Адонаи Господь.Select Ezekiel 21:13

14И ты, сыне человечь, прорцы и восплещи рукама и усугуби мечь: третий мечь язвеным есть, мечь язвеным велик, и ужасиши я,Select Ezekiel 21:14

15яко да сокрушится сердце их, и умножатся немощнии во всех вратех их, предаются на усечение мечное: благо остр бысть на сечение, благо бысть на блистание.Select Ezekiel 21:15

16Проходи яко молния, острися одесную и ошуюю, аможе аще лице твое востанет:Select Ezekiel 21:16

17и Аз восплещу рукою Моею к руце Моей и напущу ярость Мою, Аз Господь глаголах.Select Ezekiel 21:17

18И бысть слово Господне ко мне глаголя:Select Ezekiel 21:18

19и ты, сыне человечь, учини себе пути два, еже внити мечу царя Вавилонска, от страны единыя изыдут начала два, и руку уготовают в начале пути града, от начала пути учиниши,Select Ezekiel 21:19

20яко внити мечу на Равваф сынов Аммоних и на Иудею и на Иерусалим среде его.Select Ezekiel 21:20

21Понеже станет царь Вавилонск на старем пути, на начале обоих путий, еже волхвовати волхвованием, якоже вскипети жезлу, и вопрошати ваяных и вражити во утробах.Select Ezekiel 21:21

22И бысть одесную его волшебство на Иерусалим, еже обставити острог и еже отверсти уста с воплем и возвысити глас со глашением трубным, и яко поставити острог пред враты его и насыпати персти и поставити стрелницы.Select Ezekiel 21:22

23И той аки волхвуя им волхвование пред ними, уседмеряя седмерицы, и той воспоминаяй неправды его помянути.Select Ezekiel 21:23

24Того ради сия глаголет Адонаи Господь: понеже воспомянусте неправды вашя, внегда открышася нечестия ваша, яко явитися грехом вашым во всех беззакониих ваших и во всех начинаниих ваших, понеже воспомянусте, в тех яти будете.Select Ezekiel 21:24

25И ты, сквернаве, беззаконниче, старейшино Израилев, егоже грядет день во время неправды, конец:Select Ezekiel 21:25

26сия глаголет Господь: сними кидар и отложи венец, сей не таков будет, смирил еси высокое и вознесл смиренное:Select Ezekiel 21:26

27неправду, неправду, неправду положу его, и той не таков будет, дондеже приидет, Емуже достоит, и предам Ему.Select Ezekiel 21:27

28И ты, сыне человечь, прорцы и речеши: се глаголет Адонаи Господь к сыном Аммоним и ко укоризне их, и речеши: мечу, мечу извлеченый на сечение, извлеченый на скончание, двигнися, яко да блистаеши:Select Ezekiel 21:28

29в видении твоем суетнем, и внегда вражбити тебе ложная, егда предаешися ты на выи язвеных беззаконников, ихже день приспе во время неправды, конец:Select Ezekiel 21:29

30возвратися в ножны твоя и не стани на месте сем, в немже родился еси, на земли твоей имам тя судити:Select Ezekiel 21:30

31и излию на тя гнев Мой, во огни гнева Моего дуну на тя и предам тя в руце мужей варвар, творящих пагубу:Select Ezekiel 21:31

32огню будеши ядь, кровь твоя будет посреде земли твоея: не будет твоея памяти, занеже Аз Господь глаголах.Select Ezekiel 21:32