22Ezekiel 22

1И бысть слово Господне ко мне глаголя:Select Ezekiel 22:1

2и ты, сыне человечь, аще судити будеши граду кровей, и яви ему вся беззакония его,Select Ezekiel 22:2

3и речеши: сия глаголет Адонаи Господь: о, граде проливаяй кровь среде себе, еже приити времени его, и творяй кумиры на себе, еже осквернитися самому:Select Ezekiel 22:3

4в крови их, юже излиял еси, согрешил еси, и в кумирех твоих, яже творил, осквернился еси, и сократил еси дни твоя, и привед время лет твоих: сего ради дах тя на укоризну языком и на поругание всем странам,Select Ezekiel 22:4

5близ тебе и далече от тебе сущым, и поругаются тебе и возопиют на тя: о, нечистый, пресловутый и мног во беззакониих!Select Ezekiel 22:5

6Се, старейшины дому Израилева, кийждо ко своим ужикам смесишася в тебе, яко да пролиют кровь:Select Ezekiel 22:6

7отцу и матери злословяху в тебе и ко пришелцу обращахуся неправдами в тебе: сироту и вдовицу преобидяху в тебе:Select Ezekiel 22:7

8и святая Моя уничижаху и субботы Моя оскверняху в тебе:Select Ezekiel 22:8

9мужие разбойницы беша в тебе, яко да пролиют в тебе кровь, и на горах ядяху в тебе и скверны творяху в тебе:Select Ezekiel 22:9

10стыд отчий открыша в тебе, и в нечистоте седящую обругаша в тебе:Select Ezekiel 22:10

11кийждо на жену подруга своего беззаконноваша, и кийждо невестку свою оскверняше в нечестии, и кийждо сестру свою, дщерь отца своего, обругаваше в тебе:Select Ezekiel 22:11

12мзды взимаху в тебе, яко да пролиют кровь, лихву и избыток взимаху в тебе: и скончал еси скончание злобы твоея яже в насилии, Мене же забыл еси, глаголет Адонаи Господь.Select Ezekiel 22:12

13Се убо, ударю рукою Моею о руку Мою на та, яже совершил еси и яже сотворил еси, и на крови твоя бывшыя посреде тебе:Select Ezekiel 22:13

14аще устоит сердце твое, и аще преодолеют руце твои во днех, в няже Аз творю в тебе? Аз Господь глаголах, и сотворю.Select Ezekiel 22:14

15И разсыплю тя во языцех и разсею тя в странах, и оскудеет нечистота твоя из тебе,Select Ezekiel 22:15

16и владети буду тобою пред очима языков, и познаеши, яко Аз Господь.Select Ezekiel 22:16

17И бысть слово Господне ко мне глаголя:Select Ezekiel 22:17

18сыне человечь, се, быша Мне дом Израилев смешани вси с медию и железом, и со оловом чистым и со свинцем, среде пещи сребро смешено суть.Select Ezekiel 22:18

19Сего ради рцы: сия глаголет Адонаи Господь: понеже бысте вси во смешение едино, сего ради, се, Аз прииму вас во средину Иерусалима:Select Ezekiel 22:19

20якоже приемлется сребро и медь, и железо и свинец и олово чистое во средину пещи, еже дунути на ня огню, да слиются, тако прииму вас во гневе Моем и в ярости Моей, и соберу и слию вас,Select Ezekiel 22:20

21и дуну на вы во огни гнева Моего, и слияни будете среде его:Select Ezekiel 22:21

22якоже сливается сребро среде пещи, тако слиетеся посреде его и познаете, яко Аз Господь излиях ярость Мою на вас.Select Ezekiel 22:22

23И бысть слово Господне ко мне глаголя:Select Ezekiel 22:23

24сыне человечь, рцы ему: ты еси земля неодождимая, ниже дождь бысть на тя в день ярости.Select Ezekiel 22:24

25Егоже старейшины среде его, яко львы рыкающе, восхищающе восхищения, душы изядающе насилием, богатство и честь приемлюще, и вдовицы твоя умножишася посреде тебе:Select Ezekiel 22:25

26и жерцы его отвергошася закона Моего и оскверниша святая Моя: между святым и сквернавым не разлучаху, и между нечистым и чистым не разделяху, и от суббот Моих покрываху очи свои, и оскверняху Мя посреде себе:Select Ezekiel 22:26

27князи его среде его яко волцы восхищающе похищения, еже пролияти кровь и погубити душы, яко да лихоимством лихоимствуют:Select Ezekiel 22:27

28и пророцы его помазующии их падут, видящии суетная, волхвующии ложная, глаголюще: сия глаголет Адонаи Господь: а Господь не глагола.Select Ezekiel 22:28

29Людий земли утесняюще неправдою и восхищающе восхищения, нища и убога насильствующе и со пришелцем не живуще судом.Select Ezekiel 22:29

30И исках от них мужа живуща право и стояща цело пред лицем Моим во время гнева Моего, еже бы не до конца погубити его, и не обретох.Select Ezekiel 22:30

31И излиях нань ярость Мою во огни гнева Моего, еже скончати я: пути их на главы их дах, глаголет Адонаи Господь.Select Ezekiel 22:31