28Ezekiel 28

1И бысть слово Господне ко мне глаголя:Select Ezekiel 28:1

2и ты, сыне человечь, рцы князю Тирску: сия глаголет Адонаи Господь: понеже вознесеся сердце твое, и рекл еси: аз есмь бог, в селение божие вселихся в сердцы морстем: ты же человек еси, а не Бог, и положил еси сердце твое яко сердце Божие.Select Ezekiel 28:2

3Еда премудрее ты еси Даниила? Премудрии не наказаша тебе хитростию своею.Select Ezekiel 28:3

4Еда хитростию твоею или смыслом твоим сотворил еси себе силу и притяжал еси сребро и злато в сокровищих твоих?Select Ezekiel 28:4

5Или во мнозей хитрости твоей и в купли твоей умножил еси силу твою? Вознесеся сердце твое в силе твоей.Select Ezekiel 28:5

6Того ради сия глаголет Адонаи Господь: понеже дал еси сердце свое яко сердце Божие,Select Ezekiel 28:6

7вместо сего, се, Аз наведу на тя чуждыя губители от язык, и извлекут мечы своя на тя и на доброту хитрости твоея, и постелют доброту твою в погубление,Select Ezekiel 28:7

8и сведут тя, и умреши смертию язвеных в сердцы морстем.Select Ezekiel 28:8

9Еда речеши глаголя пред убивающими тя: бог есмь аз? Ты же человек еси, а не бог, в руце убивающих тя.Select Ezekiel 28:9

10Смертьми необрезаных умреши в руках чуждих: яко Аз рекох, глаголет Адонаи Господь.Select Ezekiel 28:10

11И бысть слово Господне ко мне глаголя:Select Ezekiel 28:11

12сыне человечь, возми плачь на князя Тирска и рцы ему: сия глаголет Адонаи Господь: ты еси печать уподобления, исполнен премудрости и венец доброты,Select Ezekiel 28:12

13в сладости рая Божия был еси, всяким камением драгим украсился еси, сардием и топазием, и смарагдом и иакинфом, и анфраксом и сапфиром, и иасписом и сребром и златом, и лигирием и ахатом, и амефистом и хрисолифом, и вириллием и онихом и златом наполнил еси сокровища твоя и житницы твоя, от негоже дне создан еси.Select Ezekiel 28:13

14Ты, с херувимом вчиних тя в горе святей Божии, был еси среде каменей огненных.Select Ezekiel 28:14

15Был еси ты непорочен во днех твоих, от негоже дне создан еси, дондеже обретошася неправды в тебе.Select Ezekiel 28:15

16От множества купли твоея наполнил еси сокровища твоя беззакония, и согрешил еси, и уязвлен еси от горы Божия: и сведе тя херувим осеняяй от среды камыков огненных.Select Ezekiel 28:16

17Вознесеся сердце твое в доброте твоей, истле хитрость твоя с добротою твоею: множества ради грехов твоих на землю повергох тя, пред цари дах тя во обличение.Select Ezekiel 28:17

18Множества ради грехов твоих и неправд купли твоея, осквернил еси святая твоя, и изведу огнь от среды твоея, сей снесть тя: и дам тя во прах на земли пред всеми видящими тя.Select Ezekiel 28:18

19И вси ведящии тебе во языцех возстенут по тебе: пагуба учинен еси, и не будеши ктому во век.Select Ezekiel 28:19

20И бысть слово Господне ко мне глаголя:Select Ezekiel 28:20

21сыне человечь, утверди лице твое на Сидона и прорцы о нем и рцы:Select Ezekiel 28:21

22сия глаголет Адонаи Господь: се, Аз на тя, Сидоне, и прославлюся в тебе, и уразумееши, яко Аз есмь Господь, егда сотворю в тебе суд и освящуся в тебе:Select Ezekiel 28:22

23и послю на тя смерть, и кровь в стогнах твоих будет, и падут язвении среде тебе мечем, в тебе и окрест тебе, и уведят, яко Аз Господь:Select Ezekiel 28:23

24и не будет ктому дому Израилеву остен горести и терн болезни от всех окрестных его обезчестивших их, и уразумеют, яко Аз есмь Адонаи Господь.Select Ezekiel 28:24

25Тако глаголет Адонаи Господь: и соберу дом Израилев от язык, идеже разсыпашася тамо, и освящуся в них пред людьми и языки: и вселятся на земли своей, юже дах рабу Моему Иакову,Select Ezekiel 28:25

26и населятся на ней с надеждею, и созиждут домы, и насадят винограды, и вселятся на ней с надеждею, егда сотворю суд во всех, иже укориша я во окрестных их: и уразумеют, яко Аз Господь Бог их и Бог отцев их.Select Ezekiel 28:26