30Ezekiel 30

1И бысть слово Господне ко мне глаголя:Select Ezekiel 30:1

2сыне человечь, прорцы и рцы: сия глаголет Адонаи Господь:Select Ezekiel 30:2

3возрыдайте: оле, оле день! Яко близ день Господень, и приближается день облака, и конец языков будет:Select Ezekiel 30:3

4и приидет мечь на Египтяны, и будет мятеж во Ефиопии, и падут язвении во Египте, и взято будет множество их, и падутся основания его:Select Ezekiel 30:4

5Персяне и Критяне, и Лидяне и Ливиане, и Мурини (и вся Аравиа) и вси примесницы, и сынове, иже от завета Моего, в нем мечем падут с ним.Select Ezekiel 30:5

6Сия глаголет Господь: и падут подпоры Египта, и снидет укоризна крепости его от Магдола даже до Сиины, мечем падут в нем, глаголет Адонаи Господь.Select Ezekiel 30:6

7И опустеют среде стран погибших, и гради их среде градов опустевших будут:Select Ezekiel 30:7

8и уразумеют, яко Аз есмь Господь, егда дам огнь на Египет, и сокрушатся вси помагающии ему.Select Ezekiel 30:8

9В той день приидут вестницы от лица Моего в сиеим тщащеся погубити надежду Муринския земли, и будет им мятеж в день Египетск, яко се, приспе.Select Ezekiel 30:9

10Сия глаголет Адонаи Господь: и погублю множество Египтян рукою Навуходоносора царя Вавилонска,Select Ezekiel 30:10

11самаго и людий его с ним, губителие от язык послани погубити землю: и извлекут вси мечы своя на Египта, и наполнится земля язвеными.Select Ezekiel 30:11

12И дам реки их во опустение и отдам землю в руце злых, и погублю землю и исполнение ея руками чуждих, Аз Господь глаголах.Select Ezekiel 30:12

13Яко сия глаголет Адонаи Господь: погублю кумиры и испражню вельможы от Мемфиса и старейшины от земли Египетския, и не будут ктому: и дам страх во земли Египетстей.Select Ezekiel 30:13

14И погублю землю Фафорскую, и дам огнь на Таниса, и сотворю отмщение в Диосполи,Select Ezekiel 30:14

15и излию ярость Мою на Саин крепость Египетску, и погублю множество Мемфы.Select Ezekiel 30:15

16И дам огнь на Египта, и мятежем возмятется Саис, и в Диосполи будет разселина, и разлиются воды.Select Ezekiel 30:16

17Юноши Илиуполя и Вуваста мечем падут, и жены в плен пойдут:Select Ezekiel 30:17

18и в Тафнесе помрачится день, егда сокрушу тамо скипетры Египетски, и погибнет тамо укоризна крепости его, и того покрыет облак, и дщери его во пленение отведутся.Select Ezekiel 30:18

19И сотворю суд во Египте, и уразумеют, яко Аз есмь Господь.Select Ezekiel 30:19

20И бысть во единонадесятое лето, в первый месяц, в седмый день месяца, бысть слово Господне ко мне глаголя:Select Ezekiel 30:20

21сыне человечь, мышцы фараона царя Египетска сотрох, и се, не помолися, еже дати ему цельбу, приложити ему пластырь, (обязати,) дати силу, да возмет мечь.Select Ezekiel 30:21

22Того ради сия глаголет Адонаи Господь: се, Аз на фараона царя Египетска, и сокрушу мышцы его крепкия и протяженыя и сотреныя, и изрину мечь его из руки его:Select Ezekiel 30:22

23и разсею Египта во языки и развею их во страны:Select Ezekiel 30:23

24и укреплю мышцы царя Вавилонска и дам мечь Мой в руку его, и наведет его на Египта, и пленит пленение его, и возмет корысти его:Select Ezekiel 30:24

25и укреплю мышцы царя Вавилонска, мышцы же фараони падут: и уведят, яко Аз есмь Господь, егда дам мечь Мой в руце царя Вавилонска, и прострет его на землю Египетску,Select Ezekiel 30:25

26и разсею Египта во языки и развею их во страны: и уведят вси, яко Аз есмь Господь.Select Ezekiel 30:26