32Ezekiel 32

1И бысть во второенадесять лето, во вторыйнадесять месяц, во един день месяца,Select Ezekiel 32:1

2бысть слово Господне ко мне глаголя: сыне человечь, возми плачь на фараона царя Египетска и речеши ему: льву языков уподобился еси ты, и яко змий великий, иже в мори, и бил еси рогами в реках твоих, и возмущал еси воду ногама твоима, и попирал еси реки твоя.Select Ezekiel 32:2

3Сия глаголет Адонаи Господь: и возложу на тя сети Моя в собрании людий многих,Select Ezekiel 32:3

4и изведу тя удою моею, и простру тя на земли: поля наполнятся тебе, и посажду на тебе вся птицы небесныя, и насыщу тобою вся звери всея земли:Select Ezekiel 32:4

5и повергу плоти твоя на горах, и наполню кровию твоею всю землю,Select Ezekiel 32:5

6и напиется земля от гноя твоего, от множества твоего на горах: и дебри наполню от тебе,Select Ezekiel 32:6

7и покрыю небо, егда угаснеши, и помрачу звезды его, солнце во облаце сокрыю, и луна не явит света своего:Select Ezekiel 32:7

8вся светила небесная помрачу на тя и дам тму на землю твою, глаголет Адонаи Господь.Select Ezekiel 32:8

9И разгневаю сердца людий многих, егда изведу пленники твоя во языки, в землю, еяже не знал еси.Select Ezekiel 32:9

10И уныют о тебе языцы мнози, и царие их ужасом ужаснутся о тебе, егда налетит мечь Мой на лица их, чающе падения своего от дне падения твоего.Select Ezekiel 32:10

11Яко сия глаголет Адонаи Господь: мечь царя Вавилонска приидет тебе, мечьми исполинов, и поражу крепость твою:Select Ezekiel 32:11

12губителие от язык вси, и погубят укоризну Египетску, и сокрушится вся крепость его.Select Ezekiel 32:12

13И погублю вся скоты его от воды многи, и не возмутит ея нога человеческа ктому, и стопа скотия не ступит на ню.Select Ezekiel 32:13

14Тако тогда умолкнут воды их, и реки их яко елей потекут, глаголет Адонаи Господь,Select Ezekiel 32:14

15егда дам Египта в пагубу, и опустеет земля с полнотою своею, егда разсею вся живущыя на ней, и уведят, яко Аз есмь Господь.Select Ezekiel 32:15

16Плачь есть, и восплачешися о нем, и дщери языческия восплачутся о нем, над Египтом и над всею силою Его восплачутся, глаголет Адонаи Господь.Select Ezekiel 32:16

17И бысть во второенадесять лето, перваго месяца в пятыйнадесять день, бысть слово Господне ко мне глаголя:Select Ezekiel 32:17

18сыне человечь, восплачися о крепости Египетстей (прекланяя преведи его): и сведут дщерей его мертвых языцы во глубину земную ко низходящым в пропасть.Select Ezekiel 32:18

19От вод благолепно сниди и поспи с необрезаными.Select Ezekiel 32:19

20Среде язвеных мечем падут с ним, и успнет вся крепость его.Select Ezekiel 32:20

21И рекут ти исполини: во глубине пропасти буди, кого лучши еси ты? Сниди и лязи с необрезаными среде язвеных мечем.Select Ezekiel 32:21

22Тамо Ассур и весь сонм его, и вси язвении тамо дашася, и гроб их во глубине пропасти, и быти сонм его окрест гроба его, вси язвении падшии мечем,Select Ezekiel 32:22

23иже даша гробы его во стегнех рва, и бысть сонм его окрест гроба его, вси тии язвении падающии мечем, иже даша страх свой на земли живых.Select Ezekiel 32:23

24Тамо Елам и вся сила его окрест гроба его, вси язвении падшии мечем и низходящии необрезани во глубину земную, давшии страх свой на земли живых:Select Ezekiel 32:24

25и прияша мучение свое с низходящими в пропасть, среде язвеных.Select Ezekiel 32:25

26Тамо дашася Мосох, и Фовель, и вся сила его, окрест гроба его, вси необрезаннии язвении от меча, давшии страх свой на земли жизни.Select Ezekiel 32:26

27И успоша со исполины падшими от века, иже снидоша во ад во оружии воинстем и положиша мечы своя под главы своя, и быша беззакония их на костех их, яко устрашиша всех во житии своем, и страх сильным быша на земли живущым.Select Ezekiel 32:27

28И ты посреде необрезанных сокрушишися и поспиши со язвеными мечем.Select Ezekiel 32:28

29Тамо Едом и царие его и вси князи Ассуровы, давшии крепость свою на язву мечную: сии со язвеными успоша, с низходящими в ров.Select Ezekiel 32:29

30Тамо князи северстии вси, тамо вси воеводы Ассуровы, иже сведени быша со язвеными со страхом своим и со крепостию своею стыдящеся, успоша необрезаннии со язвеными мечем, и прияша мучение свое с низходящими в пропасть.Select Ezekiel 32:30

31Тех узрит царь фараон и утешится от всей крепости их: фараон и язвении мечем и вся сила его, глаголет Адонаи Господь.Select Ezekiel 32:31

32Яко дах страх Мой на земли жизни, и успнет среде необрезанных со язвеными мечем фараон, и все множество его с ним, глаголет Адонаи Господь.Select Ezekiel 32:32