35Ezekiel 35

1И бысть слово Господне ко мне глаголя:Select Ezekiel 35:1

2сыне человечь, обрати лице твое к горе Сеир и прорцы на ню и рцы ей:Select Ezekiel 35:2

3сия глаголет Адонаи Господь: се, Аз на тя, горо Сеир, и простру руку Мою на тя и поставлю тя пусту, и опустееши,Select Ezekiel 35:3

4и во градех твоих пустыню сотворю, и ты в пустыню будеши, и уразумееши, яко Аз есмь Господь.Select Ezekiel 35:4

5Понеже бысть в тебе вражда вечная, и приседела еси дому Израилеву лукавством, рукою врагов с мечем во время печали их и во время неправды, на последок:Select Ezekiel 35:5

6сего ради живу Аз, глаголет Адонаи Господь, понеже в крови согрешила еси, и кровь поженет тя, кровь возненавидела еси, и кровь ижденет тя.Select Ezekiel 35:6

7И поставлю гору Сеир пусту и опустевшу, и погублю от нея человеки и скоты, (и приходяща и отходяща:)Select Ezekiel 35:7

8и наполню язвеными твоими холмы твоя и дебри твоя, и на всех полех твоих язвении мечем падут в тебе:Select Ezekiel 35:8

9и пусту во век поставлю тя, и гради твои не населятся ктому, и уразумееши, яко Аз есмь Господь.Select Ezekiel 35:9

10Понеже рекла еси: оба языка и обе стране мои будут, и возму их в наследие, а Господь тамо есть:Select Ezekiel 35:10

11сего ради живу Аз, глаголет Адонаи Господь, и сотворю тебе по вражде твоей и по ревности твоей, юже сотворила еси от ненавидения к ним, и познан буду тобою, егда имам тебе судити, и уразумееши, яко Аз есмь Господь.Select Ezekiel 35:11

12Слышах глас всех хулений твоих, яже глаголала еси: горы Израилевы пусты даны нам во снедь:Select Ezekiel 35:12

13и велеречила еси на Мя усты твоими и умножила на Мя словеса, Аз же услышах.Select Ezekiel 35:13

14Сего ради тако глаголет Адонаи Господь: во веселии всея земли пусту тя сотворю:Select Ezekiel 35:14

15якоже порадовалася еси о наследии дому Израилева, яко погибе, тако сотворю тебе: пуста будеши, горо Сеир, и вся Идумеа потребится, и уведят, яко Аз есмь Господь Бог их.Select Ezekiel 35:15