37Ezekiel 37

1И бысть на мне рука Господня, и изведе мя в дусе Господни и постави мя среде поля: се же бяше полно костей человеческих:Select Ezekiel 37:1

2и обведе мя окрест их около, и се, многи зело на лицы поля, и се, сухи зело.Select Ezekiel 37:2

3И рече ко мне: сыне человечь, оживут ли кости сия? И рекох: Господи Боже, Ты веси сия.Select Ezekiel 37:3

4И рече ко мне: сыне человечь, прорцы на кости сия и речеши им: кости сухия, слышите слово Господне:Select Ezekiel 37:4

5се глаголет Адонаи Господь костем сим: се, Аз введу в вас дух животенSelect Ezekiel 37:5

6и дам на вас жилы, и возведу на вас плоть и простру по вам кожу, и дам дух Мой в вас, и оживете и увесте, яко Аз есмь Господь.Select Ezekiel 37:6

7И прорекох, якоже заповеда ми Господь. И бысть глас внегда ми пророчествовати, и се, трус, и совокупляхуся кости, кость к кости, каяждо ко составу своему.Select Ezekiel 37:7

8И видех, и се, быша им жилы, и плоть растяше, и восхождаше (и протяжеся) им кожа верху, духа же не бяше в них.Select Ezekiel 37:8

9И рече ко мне: прорцы о дусе, прорцы, сыне человечь, и рцы духови: сия глаголет Адонаи Господь: от четырех ветров прииди, душе, и вдуни на мертвыя сия, и да оживут.Select Ezekiel 37:9

10И прорекох, якоже повеле ми, и вниде в ня дух жизни, и ожиша и сташа на ногах своих, собор мног зело.Select Ezekiel 37:10

11И рече Господь ко мне глаголя: сыне человечь, сия кости весь дом Израилев есть, тии бо глаголют: сухи быша кости нашя, погибе надежда наша, убиени быхом.Select Ezekiel 37:11

12Того ради прорцы (сыне человечь) и рцы к ним: сия глаголет Адонаи Господь: се, Аз отверзу гробы вашя и изведу вас от гроб ваших, людие Мои, и введу вы в землю Израилеву:Select Ezekiel 37:12

13и увесте, яко Аз есмь Господь, внегда отверсти Ми гробы вашя, еже возвести Ми вас от гробов ваших, людие Мои: и дам дух Мой в вас, и живи будете,Select Ezekiel 37:13

14и поставлю вы на земли вашей, и увесте, яко Аз Господь: глаголах и сотворю, глаголет Адонаи Господь.Select Ezekiel 37:14

15И бысть слово Господне ко мне глаголя:Select Ezekiel 37:15

16сыне человечь, возми себе жезл един и напиши на нем Иуду и сыны Израилевы прилежащыя к нему: и жезл вторый возми себе и напиши на нем Иосифа, жезл Ефремов, и вся сыны Израилевы приложившыяся к нему:Select Ezekiel 37:16

17и совокупи я друг ко другу себе в жезл един, еже связати я, и будут (вкупе) в руце твоей:Select Ezekiel 37:17

18и будет, егда рекут к тебе сынове людий твоих, вопрошающе: не возвестиши ли нам ты, что суть сия тебе?Select Ezekiel 37:18

19И речеши к ним: сия глаголет Адонаи Господь: се, Аз поиму племя Иосифово, еже есть в руце Ефремове, и племена Израилева прилежащая к нему, и дам я в племя Иудино, и будут в жезл един в руце Иудине.Select Ezekiel 37:19

20И будут жезли, на нихже писати будеши, в руце твоей пред очима их,Select Ezekiel 37:20

21и речеши к ним: сия глаголет Адонаи Господь: се, Аз поемлю весь дом Израилев от среды языков, аможе внидоша, и соберу я от всех сущих окрест их и введу их в землю Израилеву,Select Ezekiel 37:21

22и дам я во язык на земли Моей и в горах Израилевых: и Князь един будет во всех сих царем, и не будут ктому в два языка, ни разделятся ктому на два царства,Select Ezekiel 37:22

23да не оскверняются ктому в кумирех своих и в мерзостех своих и во всех нечестиих своих: и избавлю я от всех беззаконий их, имиже согрешиша, и очищу я, и будут Ми в люди, и Аз буду им в Бога.Select Ezekiel 37:23

24И раб Мой Давид Князь среде их и Пастырь един будет всех, яко в заповедех Моих ходити будут и суды Моя сохранят и сотворят я,Select Ezekiel 37:24

25и вселятся на земли своей, юже дах рабу Моему Иакову, на нейже жиша тамо отцы их, и вселятся на ней тии и сынове их и сынове сынов их даже до века: и Давид раб Мой князь их будет во век.Select Ezekiel 37:25

26И утвержу им завет мирен, и завет вечен будет с ними, и укореню я и умножу,Select Ezekiel 37:26

27и дам освящение Мое посреде их во век, и будет вселение Мое в них, и буду им Бог, а они будут Ми людие:Select Ezekiel 37:27

28и уведят языцы, яко Аз есмь Господь освящаяй я, внегда будут святая Моя среде их во век.Select Ezekiel 37:28