4Ezekiel 4

1И ты, сыне человечь, возми себе плинфу и положи ю пред лицем твоим, и да напишеши на ней град Иерусалим,Select Ezekiel 4:1

2и да даси окрест его ограждение, и да соградиши над ним забрала и обложиши его острогом, и да поставиши окрест его полки и да учиниши поставления стрельниц окрест:Select Ezekiel 4:2

3ты же возми себе сковраду железну, и да положиши ю в стену железну между тобою и между градом, и да уготовиши лице твое нань, и будет в затворе, и затвориши и: знамение сие есть сыном Израилевым.Select Ezekiel 4:3

4Ты же да спиши на левем боку твоем, и да положиши неправды дому Израилева на нем, по числу дний пятьдесят и сто, в няже поспиши на нем, и возмеши неправды их.Select Ezekiel 4:4

5И Аз дах тебе две неправды их в число дний, в девятьдесят и сто дний, и возмеши неправды дому Израилева.Select Ezekiel 4:5

6И совершиши сия, и поспиши на десных ребрех твоих второе, и возмеши неправды дому Иудина четыредесять дний, день за едино лето положих тебе.Select Ezekiel 4:6

7И на заключение Иерусалима да уготоваеши лице твое, и мышцу твою утвердиши, и пророчествовати будеши на него.Select Ezekiel 4:7

8И се, Аз дах на тя узы, и не превратишися от ребр твоих на ребра твоя, дондеже скончаются дние заключения твоего.Select Ezekiel 4:8

9Ты же (сыне человечь) возми себе пшеницу и ячмень, и боб и лящу, и просо и пыро, и вложиши я в сосуд един глинян: и сотвориши я себе в хлебы, и по числу дний, в няже спиши на ребрех твоих, девятьдесят и сто дний ясти будеши оныя.Select Ezekiel 4:9

10Ядь же твоя, юже ясти будеши, весом двадесять сикль на день, от времене до времене снеси сия.Select Ezekiel 4:10

11И воду мерою пити будеши, и шестую часть ина от времене до времене испиеши.Select Ezekiel 4:11

12И опреснок ячменный снеси я, в лайне мотыл человечих сокрыеши я пред очима ихSelect Ezekiel 4:12

13и речеши: сия глаголет Господь Бог Израилев: тако снедят сынове Израилевы хлеб свой нечист во языцех, аможе разсыплю я.Select Ezekiel 4:13

14И рех: никакоже, Господи Боже Израилев! Се, душа моя не осквернилася в нечистоте, и мертвечины и звероядины не ядох от рождения моего даже доныне, ниже вниде во уста моя всякое мясо мерзко и сквернаво.Select Ezekiel 4:14

15И рече ко мне: се, дах тебе мотыла говяжая вместо мотыл человечих, и сотвориши хлебы себе в них.Select Ezekiel 4:15

16И рече ко мне: сыне человечь, се, Аз сотру утверждение хлебное во Иерусалиме, и снедят хлеб весом и во оскудении, и воду мерою и в пагубе испиют,Select Ezekiel 4:16

17яко да скудни будут хлебом и водою: и погибнет человек и брат его, и истают в неправдах своих.Select Ezekiel 4:17