40Ezekiel 40

1И бысть во двадесять пятое лето пленения нашего, перваго месяца, в десятый день месяца, в четвертоенадесять лето но пленении града, в той день бысть на мне рука Господня: и веде мя тамо,Select Ezekiel 40:1

2в видении Божии веде мя на землю Израилеву и постави мя на горе высоце зело, на нейже яко сограждение града прямо (полудне),Select Ezekiel 40:2

3и введе мя тамо: и се, муж, и зрак его бяше, яко видение меди блещащияся, и в руце его бяше вервь зиждущих и трость мерителная. Той же стояше у вратSelect Ezekiel 40:3

4и рече ко мне: видел ли еси, сыне человечь? Виждь очима твоима и ушима твоима слыши, и учини в сердцы твоем вся, елика аз показую тебе, зане того ради вшел еси семо, да покажу тебе, и покажеши ты вся, елика видиши, дому Израилеву.Select Ezekiel 40:4

5И се, ограда внеуду окрест храма, и в руце мужа мера тростяна шести лакот в лакоть шестодланный, и измери предстение ширину равно трости, и высоту его равно трости.Select Ezekiel 40:5

6И вниде во врата зрящая на восток седмию степеньми, и измери фее, шесть о сию страну, шесть же об ону, и елам дверный равно трости.Select Ezekiel 40:6

7И фее равно трости в долготу и равно трости в широту, и аилам среде феилаф шести лакот. И фее второе равно трости в широту и равно трости в долготу, елам же пяти лакот.Select Ezekiel 40:7

8И фее третие равно трости в долготу и равно трости в широту,Select Ezekiel 40:8

9елам же вратный, иже близ елама двернаго осми лакот, аилев же двою лактей: и елам дверный внутрьуду.Select Ezekiel 40:9

10И фее дверныя прямо фее, три о сию страну и три об ону, мера же едина трием: и мера едина аилам сюду и сюду.Select Ezekiel 40:10

11И размери широту входа вратнаго десяти лактей, широту же вратную тринадесяти лактей,Select Ezekiel 40:11

12и лакоть един сводимь прямо фееим лактя единаго и лактя единаго, предел сюду и сюду, и фее шести лактей о сию страну и шести лактей об ону страну.Select Ezekiel 40:12

13И размери врата от стены фее до стены фее, широта двадесяти и пяти лактей: сия врата ко вратом,Select Ezekiel 40:13

14и непокровенное елама врат шестидесяти лактей, (двадесяти пяти) и фее двора окрест,Select Ezekiel 40:14

15и непокровенное врат отвне в непокровенное (врат) елама врат внутрьуду пятьдесят лактей.Select Ezekiel 40:15

16И оконца сокровена фееим и в аилам внутрь врат двора окрест: такожде и елам оконца внутрьуду окрест, и на аилам финики сюду и сюду (изваяны).Select Ezekiel 40:16

17И введе мя во двор внутренний, и се, преграждения и междустолпия окрест двора, преграждений же тридесять в междустолпиих,Select Ezekiel 40:17

18и притворы противу задней стране врат, по долготе врат междустолпие нижнее.Select Ezekiel 40:18

19И размери широту двора от непокровенаго врат внешних внутрь ко непокровеному врат зрящих вне, лактей сто зрящих на восток: и введе мя на север,Select Ezekiel 40:19

20и се, врата зрящая на север двору внешнему, и размери я, долготу их и широту.Select Ezekiel 40:20

21И фее три о сию страну, три же об ону, и аилев, и еламы, и финики их: и бысть по мере врат зрящих на восток, пятидесяти лактей долгота их, а широта их двудесяти и пяти лактей:Select Ezekiel 40:21

22и оконца их, и еламы, и финики их, якоже врата зрящая на восток: и седмию восходами восхождаху на ня, и еламы внутрьуду.Select Ezekiel 40:22

23И врата двору внутреннему зрящая ко вратом северным, якоже врата зрящая на восток: и размери двор от врат до врат лактей сто.Select Ezekiel 40:23

24И веде мя к югу, и се, врата зрящая на юг, и размери я, и фее, и аилева, и еламы, по темжде мерам.Select Ezekiel 40:24

25И оконца их и еламы окрест якоже и оконца елаг, пятидесяти лактей долгота их, а широта двудесяти и пяти лактей,Select Ezekiel 40:25

26и седмь восходов им, и еламы внутрьуду, и финики их, един о сию страну, а другий об ону над аилев.Select Ezekiel 40:26

27И врата прямо вратом двора внутренняго на юг: и размери двор от врат до врат на юг, сто лактей в широту.Select Ezekiel 40:27

28И введе мя во двор внутренний врат, яже на юг, и размери врата, яже на юг, по темжде мерам:Select Ezekiel 40:28

29и фее, и аилев, и еламы по темжде мерам.Select Ezekiel 40:29

30И оконца их и еламы окрест, пятидесяти лактей долгота их, а широта двудесяти и пяти лактей.Select Ezekiel 40:30

31Еламы же во двор внешний, и финики аилев, и осмь восходов.Select Ezekiel 40:31

32И введе мя во врата зрящая на восток, и размери я по темжде мерам, и фее и аилев и еламы по темжде мерам.Select Ezekiel 40:32

33И оконца им, и еламы и окрест, пятидесяти лактей долгота их, а широта их двудесяти и пяти лактей.Select Ezekiel 40:33

34И еламы во двор внутренний, и финики на аилев сюду и сюду, и осмь восходов им.Select Ezekiel 40:34

35И введе мя во врата яже на север, и размери по темжде мерам,Select Ezekiel 40:35

36и фее и аилев и еламы, и оконца им окрест, пятидесяти лактей долгота их, а широта двудесяти и пяти лактей,Select Ezekiel 40:36

37и еламы во внешний двор, и финики аилеву сюду и сюду, и осмь восходов им.Select Ezekiel 40:37

38И преграды их, и двери их, и еламы их пред враты их вторыми сток, тамо измывают всесожжения.Select Ezekiel 40:38

39Во еламе же врат, две трапезы о сию страну, две же об ону, еже закалати на них всесожжения, яже за грехи и яже за неведение.Select Ezekiel 40:39

40И созади стока всесожжений дверий зрящих на север две трапезы на восток противу задней стране (дверий) вторых, и противу елама врат две трапезы на восток.Select Ezekiel 40:40

41Четыри о сию страну, четыри же об ону противу задней стране врат, на тех закалают заколения: прямо осми трапез заколений:Select Ezekiel 40:41

42четыри же трапезы всесожжений каменны истесаны, в широту лактя единаго и пол, в долготу двух лактей и пол, а в высоту лакоть един: на тыя возлагают орудия, имиже закалают тамо всесожжения и заколения.Select Ezekiel 40:42

43И имеют ограждение мало истесано на длань внутрьуду окрест, верху же трапезы покров, еже покрыватися им от дождя и зноя.Select Ezekiel 40:43

44И введе мя во двор внутреннейший, и се, две преграды во внутреннейшем дворе, едина противу задней стране врат зрящих на север, вводящая на юг, а другая противу задней стране врат сущих на юг, зрящих же к северу.Select Ezekiel 40:44

45И рече ко мне: преграда сия, яже зрит на юг, жерцем есть, иже стрегут стражбу храма:Select Ezekiel 40:45

46а преграда, яже зрит к северу, жерцем есть стрегущым стражу требника: тии суть сынове Садуковы, приступающии от Левиа ко Господеви, еже служити Ему.Select Ezekiel 40:46

47И размери двор ста лактей в долготу и в широту ста лактей, на четыри страны его, и требник прямо храму.Select Ezekiel 40:47

48И введе мя во елам храма: и размери аил елама пяти лактей широту о сию страну, пяти же лактей об ону, широта же дверная четырехнадесяти лактей, и бока дверная елама три лакти о сию страну, три же об ону.Select Ezekiel 40:48

49Долгота же елама двадесять лактей, а широта дванадесять лактей: и десятию степеньми восхождаху к нему, и столпи бяху у аилама, един о сию страну, а другий об ону.Select Ezekiel 40:49