43Ezekiel 43

1И веде мя ко вратом зрящым на востоки и изведе мя:Select Ezekiel 43:1

2и се, слава Бога Израилева грядяше по пути врат зрящих на востоки, и глас полка аки глас усугубляющих многих, и земля светяшеся аки свет от славы Его окрест.Select Ezekiel 43:2

3И видение, еже видех, по видению, еже видех, егда вхождах помазати град: и видение колесницы, юже видех, подобяшеся видению, еже видех на реце Ховар. И падох на лице мое.Select Ezekiel 43:3

4Слава же Господня вниде во храм по пути врат зрящих на восток.Select Ezekiel 43:4

5И взя мя дух и введе мя во двор внутренний: и се, полн славы дом Господень.Select Ezekiel 43:5

6И стах, и се, глас от храма глаголющаго ко мне, и муж стояше близ менеSelect Ezekiel 43:6

7и рече ко мне: сыне человечь, видел ли еси место престола Моего и место стопы ног Моих, идеже вселится имя Мое среде дому Израилева во век? И не осквернят ктому имене Моего святаго дом Израилев, тии и старейшины их во блужении своем и во убийствах старейшин своих среде себе,Select Ezekiel 43:7

8внегда полагаху преддверие Мое во преддвериих своих и праги Моя близ прагов своих: и даша стену Мою яко держащуюся Мене и онех, и оскверниша имя Мое святое в беззакониих своих, яже творяху: и скончах я в ярости Моей и во избиении:Select Ezekiel 43:8

9и ныне да отринут блужение свое и убийства старейшин своих от Мене, и вселюся среде их во век.Select Ezekiel 43:9

10Ты же, сыне человечь, покажи дому Израилеву храм, и да престанут от грехов своих: и видение его, и чиноположение его,Select Ezekiel 43:10

11и тии приимут казнь свою о всех, яже сотвориша: и распишеши храм и уготование его, и исходы его и входы его, и бытие его и вся повеления его и вся законы его возвестиши им и да впишеши пред ними, и снабдят вся оправдания Моя и вся повеления Моя и сотворят я.Select Ezekiel 43:11

12И расписание храма на верху горы: вси пределы его окрест Святая Святых суть.Select Ezekiel 43:12

13Сей закон храма, и сия мера требника, в лакоть лактя и длани, недро глубины лакоть на лакоть и лакоть в широту, и ограждение устия ему окрест, пяди.Select Ezekiel 43:13

14И сия высота требника, и от глубины начала вдоления его ко очистилищу великому, еже внизу, двух лактей, широта же лакоть: а от очистилища малаго ко очистилищу великому лакти четыри, и широта лакоть.Select Ezekiel 43:14

15И ариил четырех лактей, а от ариила и выше рогов лакоть:Select Ezekiel 43:15

16ариил же дванадесять лактей в долготу и дванадесять лактей в широту, четвероуголен на четыри части своя.Select Ezekiel 43:16

17И очистилище четыренадесять лактей в долготу и четыренадесять лактей в широту, четвероуголно на четыри части своя: и ограждение ему окрест окружающее его пол лактя, и обдержание его лакоть окрест, и степени его зрящыя на восток.Select Ezekiel 43:17

18И рече ко мне: сыне человечь, сия глаголет Господь Бог Израилев: сия заповеди требника в день сотворения его, еже возносити на нем всесожжения и возливати нань кровь.Select Ezekiel 43:18

19И даси жерцем и левитом, иже суть от семене Садукова, приступающым ко Мне, глаголет Господь Бог, еже служити Мне, телца от говяд за грех:Select Ezekiel 43:19

20и да возмут от крове его и да возложат на четыри роги требника и на четыри части очистилища и на основание окрест, и окропиши е, и очистят е:Select Ezekiel 43:20

21и да возмут телца, иже за грех, и да сожжется во отлученнем храме вне святых.Select Ezekiel 43:21

22А во вторый день да возмут два козлища от коз непорочных за грех и да очистят требник, якоже очистиша телцем.Select Ezekiel 43:22

23И егда скончают очищение, да принесут телца от говяд непорочна и овна от овец непорочна,Select Ezekiel 43:23

24и да принесете пред Господа: и да возвергут на ня жерцы соль и да вознесут я Господеви всесожжения.Select Ezekiel 43:24

25Седмь дний да сотвориши козлище за грех по вся дни, и телца от говяд и овна от овец непорочна, да сотворят седмь дний:Select Ezekiel 43:25

26и да очистят требник и освятят его, и наполнят руки своя.Select Ezekiel 43:26

27И скончают седмь дний, и будет от осмаго дне и потом, сотворят жерцы на жертвеннице всесожжения ваша и яже спасения вашего: и прииму вы, глаголет Господь.Select Ezekiel 43:27